1 JOHAN 4:21 - Ngawm Bible

²¹ Khrih i piakmi thukham cu hi tih bangin hi. Kua hei hihen Pathian a ittu cu a unau vang it bok tuk hi.

1 JOHAN 4:21 Iomraidhean Croise

THIAMPI NADEHNAK 19:18

Kua i hum hei ah phuba la pahsun; mi na huatnak vang na lungmu sungah cingleng pahsun; nangmah na ihdun bang bokin midangte it in hi. Keimah cu Topa ing.

MATTHAI 5:43

“Na ngualcam it inna, na ngalte hua in,” tih cu za zo toh uh ci.

LUKA 10:37

Daan zilhtu in, “Amah a hehpihtu pa khi hi,” tin don hi. Jesuh in, “Hawh inna, mahti bangin bawlbokin,” ti hi.

JOHAN 15:12

Ka thupiakmi cu hi bangin hi. Keimah in nohte ka ih bang bokin nohte vang pa khat le pa khat na itdun bokta un hi.

GALATI 5:14

Itahim titale Daan hempoh cu, “Nangmah na ihdun bangin na inn nelte it in hi,” tihmi thukham pa khat sungah hin kim khawng hi.

GALATI 5:6

Itahim titale Khrih Jesuh tuah a pehzomdun uh tale vunceptalhnak hihen, tan ngawlnak hei hihen, dangdunnak umma hi. A thupimi cu itdunnak sung pen na a dektu upnak bek khi hi.

1 THESALON 4:9

Thu umtu, u le naute aw, itdunnak thu ah laingat hei kul lehma toh hi. Pa khat le pa khat itdun un hi.

1 PETER 3:8

A dawlbelnakin ka sosuah nuammi cu ngaihsutnak munkhat le lungmu munkhatno in um un; unau bangin pa khat le pa khat itdun unna, pa khat le pa khat hehpih dunnak nei in, lungnem un.

1 PETER 4:8

Ihdunnakin sualnak venghawng khuh khawng thei a hih ten lungmu tak tuah pa khat le pa khat ihdun tuk khi ngaisung sawta un.

1 JOHAN 2:7

Ka ihmite aw, nangmu lak a, ka ngatmi thupiaknak hi a thak hi kha ma hi; a tung pepan na neih uhmi thupiaknak lun khi hi. Mah thupiak lun cu na theihsa uhmi thu hi.

1 JOHAN 3:11

A pat pepan na zak leleng uhmi thu cu, “Pa khat le pa khat itdun un,” tih hi.

1 JOHAN 3:14

Ohte cu thihnak zamsanin, nunnak sungah tum zo hung; tih thei hung hi. Mahtibang a theihnak uh cu a unau uhte a ih uh hangin hi; itnak a nei ngawltu cu thihnak sungah a tang hih laihmi hi.

1 JOHAN 3:18

Ka cate aw, a itnak uh hi kam tuah bekin ih tuk kha ma hi. Itnak ngangai cu dehnak tuah lang tuk hi.

1 JOHAN 3:23

Thu a piakmi cu Khrih i thupiakmi bangin, a Capa Jesuh Khrih umin, pa khat le pa khat a ihdun theihnak tukin hi.

1 JOHAN 4:11

Ka ih mite aw, hitih bangin Pathian in it ahi tale, eimuhte vang pa khat le pa khat itdun bok tukmi hung hi.