1 JOHAN 4:2 - Ngawm Bible

² Pathian Hawvang hi le hi ngawl cu hi bangin thei tuk uh ci; kua hei hihen Jesuh Khrih cu mihingin hung hi tin, a phuangtu cu Pathian lak pen a hungmi Hawvang neitu hi.

1 JOHAN 4:2 Iomraidhean Croise

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

1 KORIN 12:3

Mahnaven Pathian Hawvang i lampui miten, “Jesuh cu tamsiat hi tahen,” tin ti thei tukma hi. Hawvang Thiangtho lampui mite bekin, “Jesuh cu Topa hi,” tin ti thei haw tuk hi.

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

1 JOHAN 1:2

Hi nunnak cu muhtheihin, a cansuak ten oh ten mu hung hi. Mah hangin mah thu cu nangmuh tei lakah son ung a, Pa tuah a ummi kumkhua nunnak, keimu tei lakah a theihtikmi Thu khi nangmu lakah hilh ung hi.

1 JOHAN 2:23

Itahim titale Capa a nialtu cu Pa vang nial bok hi. A kuakua hei hihen Capa a umtu cu Pa vang um bok tuk hi.

1 JOHAN 4:15

Kua hei hihen Jesuh cu Pathian Capa hi tin, a phuangtu cu Pathian a sungah umin, Pathian sungah vang amah um bok hi.

1 JOHAN 4:3

Mahnaven kua hei hihen mahti bang a phuang nuam ngawltu cu Pathian lak pen a hungmi Hawvang neitu kha ma hi. A neihmi hawvang cu Khrih i ngal lak pen a hungmi hi. Khrih i ngal cu hung tuk hi tin za zo uh ci, atu-in hi leihumah heng zo hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

2 JOHAN 1:7

Mizoltu tampi leihumah heng zo haw hi. Mah mizoltu ten Jesuh Khrih cu mihingin hung ma hi, tin a titu cu Khrih i ngalte haw hi.