1 JOHAN 4:17 - Ngawm Bible

¹⁷ Thukhennak Ni ten ngalhannak a neihnak tukin itnak cu eimu sungah cangkimtik zo hi. Mahten leihum a nunnak uh cu Khrih nunnak bang a hih hangin mah ngalhannak cu nei loli tuk hung hi.

1 JOHAN 4:17 Iomraidhean Croise

MATTHAI 10:15

Thungai in hilh ing. Thukhen Ni ten Pathian in mah khuate sangin Sodom le Gomorah khua tei humah hehpihnak tam deuh nei tuk hi,” tin hilh hi.

MATTHAI 10:25

Mah hangin tawngta pa khat cu a zilhtu pa tuah a bangve haw ahin, a lungkim tukmi hi poh hi, sila pa vang a bawipa a bangbok tale, a lungkim bok tuk poh hi. Innkua a lupibel cu khawhuai bawi Beelzabul tin sammi ahi tale innkua sung um midangte cu mah sangin minsia saw deuhin sam hi haw tuk hi.

MATTHAI 11:22

Thungai in hilh ing. Thukhennak Ni ten Pathian in nohte sangin Taiar le Sidon khua tei humah hehpihnak tam saw nei tuk hi.

MATTHAI 11:24

Thungai in hilh ing: Thukhen Ni ten nangmah sangin Sodom khua humah Pathian in hehpihnak tam saw nei tuk,” ti hi.

MATTHAI 12:36

“Thungai in hilh ing hi; kua hei hihen ngalling ngawlin a otmi cu Thukhen Ni ten ita mahti bangin awn kaw, tin a hilhciangleh kul tuk hi.

JOHAN 15:20

‘Sila cu a bawipa sangin ngeng saw awng ma hi,’ tih thu ka hilhmi khi cing leleng un hi. Keimah a bawlsia haw tale nohte vang bawlsia bok haw tuk hi. Ka thuzilhmi a ngai haw tale nangmu zilhmi vang ngaibok haw tuk hi.

JOHAN 17:22

Nangmah le keimah cu pumkhat a hih uh bangin amuhte vang pumkhat a suah theihnak haw tukin nangma piakmi sunloihnak cu amuhte vang pia bok ing.

ROM Khua Khristian Tei Lakah Paul i Laikuat (Paul’s Letter to the Romans) 8:29

Pathian in, a tensa mite cu a Capa bang tukin a dangno in koih hi; mahten unau tampi lakah a Capa cu pa khatnak a hihnak tukin hi.

HEBRU 9:27

Mihing cu a kuakua hei hihen vei khat thih dan poh hi; mahnung ten Pathian in thukhen tuk hi.

JAMES 2:13

Mi hehpihnak a nei ngawlmi cu Pathian in, a thu a son ten a humah hehpihnak neileh bok tukma hi, mahnaven thukhennak cu hehpihnakin neh hi.

JAMES 2:22

Mahmi cu thei ma uh cim? A upnak le a dehnak cu hawh langkhat hi. A dehnak hangin a upnak cu cangkim hi.

2 PETER 2:9

Mahten Topa cu amah a kihcatu tei haksat a thuak haw ten panin mipha ngawlte cu Thukhennak Ni tian bawlsiatnak thuaktik tukin koih hih hi.

2 PETER 3:7

Mahnaven atu a ummi van le lei pi hi mei tuah siatsuah tukin, Pathian i thupiaknak lelengin, a khawih hihmi haw hi. Pathian a zawnsaktute cu thu a khen ni le siatnak a tawh haw tuk ni ca in khawih hihmi hi haw hi.

1 JOHAN 2:28

Mahzuh hi, ka cate aw amah tuah na pehzomdunnak uhah kho leleng un hi. Amah a hun ten ngalhannak tuah dim tuk hung a, a hen Ni ten zakca in ngelh lih kul tukma hi.

1 JOHAN 2:5

Mahnaven Pathian thu a zuitu cu a sungah Pathian itnak cangkimin um tihnak hi. Pathian tuah pehzomdunnak nei hung hi tih a theihciangnak tuk uh cu hitih bangin hi.

1 JOHAN 2:6

A kuakua hei hihen Pathian tuah pawlkomnak nei ing a titu in, Jesuh Khrih bangin nung tuk hi.

1 JOHAN 3:1

Pathian, ohtei Pa i a ihdan hi ngaisung teh un! A ihnak cu nase ngangai in, Pathian cate tin sammi hung hi. Mahtin a tih bangin hi ngangai hung hi. Mah hangin hi leipi in ohte a theih ngawlnak cu! Pathian hei thei haw ma hi.

1 JOHAN 3:3

Kua hei hihen Khrih sungah hitih bang muansannak a neitu cu Khrih a thianthoh bangin amah le mah cu thiangthono in, a cingkhawi cop hi.

1 JOHAN 3:7

Ka cate aw, kuamah in zol haw pahsuh hen, Khrih cu a dikcangmi a hih bang bokin, kua hei hihen diknak a bawltu hempoh cu midikcang hi bok haw hi.

1 JOHAN 4:12

Kuamah in Pathian cu a mit tuah mu awng haw ma hi. Mahnaven pa khat le pa khat a itdun uh tale Pathian pehzomdunnak tuah nungca in, a itnak cu eimu sungah cangkim hi.