1 JOHAN 4:1 - Ngawm Bible

¹ Ka ih mite, Hawvang nei ing a titu hempoh sang kha pahsuh un, a neihmi Hawvang cu Pathian lak pen a hungmi maw, kha ma him tih khingkhai masa un. Itahim titale profet man ngawlte cu mun hempoh ah heng zo haw hi.

1 JOHAN 4:1 Iomraidhean Croise

1 KUMPI 13:18

Bethel a profet putekpa in, “Kei vang nangmah bang profet hi bok ing, ka innah zawm tukin vancungmi in hilh hi,” tin profet putekpa in zolthu son hi.

THUPAUCAP 14:15

Misil ten a zak mi hempoh sang haw hi. Micipte in, a hawhnak haw kom zetin zo haw hi.

JEREMIAH 14:14

Mahnaven Topa in, “Profet ten ka minin zolthuson haw hi. Ka hahmi kha haw ma hi, thu ka piakmi hei hi kha haw ma, a lakah awn kam khat awn tuk hei ka hahmi kha haw ma. A son leilui lehcet haw mi a muhnak haw cu keima lak pen a hengmi kha ma hi. Mailam thu a sonham haw mite cu imah ngawl, amu lungmu sung ngaihsutnak ngeh thong hi.

JEREMIAH 23:16

Cungnungbel Topa in, Jerusalem tei lakah, “Profet tei thuhilhmi cu ngai pahsuh un, zolthu ngeh son haw hi, a man ngawlmi muansannak pia haw hi. Keima ottikmi hei hi ngawl, amu bawlcawm hilh thong haw hi.

JEREMIAH 5:31

Profet hei in zolthu ngeh hilh haw, profet tei thupiaknak bangin thiampi ten mi ukin, ka mite kuamah in el haw ma hi. A tawpnak ten itin um haw tuk nen tim?” tin ti hi.

MARKA 13:21

“Mi pa kha khatin, zo un! Hilai ah Khrih um, hilai khah Khrih um,” tin a ti vangin sang pahsuh un hi.

LUKA 12:57

“Ita dikcangnak cu khenkhuai cawm thei ma uh cim?

LUKA 21:8

Jesuh in, “Ngalling un; Zoltheihin umta pahsuh un hi. Keima min pu in, mi tampi hung haw tuk a, ‘Keimah hi amah ing hi tih le a hunkim zo hi,’ tin ti haw tuk hi. Mahnaven zui kha viang pahsuh un hi.

NUNGZUITU 17:11

Mahlai a mipi cu Thesalon mite sangin a lungmu taituang saw deuh haw hi. A thuhilh haw mite cu lungmu tak tuah ngai in, nisialin, Paul i hilhmi cu hi ngangai maw, hi ngangai ma him tin, Lai Thiangtho sialin zocik haw hi.

NUNGZUITU 20:29

Keima hawh nungten a lauhuai cingne hang hengin tuuhonte hi zo thong haw tukma hi, tih thei ing.

1 KORIN 12:10

Hawvangin mi pa khat lakah thasiahhuai nalamdang bawl theihnak pia in, a dang pa khat lakah Pathian thu hilhthiamnak pia hi; a dang pa khat lakah Hawvang Thiangtho lak pen a hungmi hi maw hi ma him tih khenkhuai thiamnak pia hi. Mahti bang lelengin mi pa khat lakah awn dang tuah ot theihnak pia in, midang pa khat lakah mahtibang a awn haw mi hilhcian theihnak pia hi.

1 KORIN 14:29

Pathian thuhilhnak a ngahtu pa nih, pa thumte saw in thuhilh saw haw tahen. Midang ten a thuhilhmi a pha le pha ngawl ngai haw hen.

1 THESALON 5:20

Profet thuhilh thiamnak khi nautat pahsuh un.

1 THESALON 5:21

Ihempoh khingkhai masa un hi, a phami ahi tale pom unna,

2 THESALON 2:2

Lungmu vakvai in, um li pahsuh un hi. Mahten Topa i ni cu heng zo hi, a tih haw mi ah vang mangbang vansangin um pahsuh un tin hilh ing. Mahti bang a titu ten, amuh ten hilhhamnak nei zo haw hi, mahma tale thu a hilhnak hawah telhcih haw hi, tin maw, mah ahimata, a laikuat sungah ngan haw hi, tih hei in ti haw tuk hi.

1 TIMOTE 4:1

Hun dawllam ten mi khenkhat ten Khristian upnak zamin; zolthu son thei hawvangte sangin, khawhuai tei zilhnakte zui haw tuk hi, tin Hawvang Thiangtho in ciang zetin hilh hi.

2 TIMOTE 3:13

Mahnaven mipha ngawl le mi siasuak cu sualnak lamah zuan pepel saw tuk hi: mizol pepelin amuh vang zol co pepel bok haw tuk hi.

2 PETER 2:1

Tanglaihin Israel tei lakah profet manngawl um haw hi, mahti bang bokin atu nangmu lakah vang zilhtu manngawl piang tuk hi. Mi siatsuah theitu le a man ngawlmi updan luhtum pih tukin a Topa uh hei lawl haw tuk hi. Mahten amu hun sung lengah siatnak cu ngaihsut ngawl pi in hengtik haw tuk hi.

1 JOHAN 2:18

Ka cate aw, hun dawlbel nai zo! Khrih i ngal hung tuk tih thei uh ci; atu-in Khrih i ngal tampi lang zo hi; mah hangin dawltabel hun nai zo tih thei hung hi.

1 JOHAN 2:7

Ka ihmite aw, nangmu lak a, ka ngatmi thupiaknak hi a thak hi kha ma hi; a tung pepan na neih uhmi thupiaknak lun khi hi. Mah thupiak lun cu na theihsa uhmi thu hi.

2 JOHAN 1:7

Mizoltu tampi leihumah heng zo haw hi. Mah mizoltu ten Jesuh Khrih cu mihingin hung ma hi, tin a titu cu Khrih i ngalte haw hi.

3 JOHAN 1:11

Ka ihmi ngualcam pa aw, a pha ngawlmi cung pahsun, a phami cung saw in, a phami a bawltu hempoh cu Pathian ta hi. A pha ngawl a bawltu hempoh cu Pathian mu ma hi.

MANGMUHNAK 2:2

Na nadehnak thei ing; teima zetin, na nadehdan le thinsau zetin, na um zia thei ing. Mahten mipha ngawl tei humah thincom ngawl a na um zia, le nungzuitu hi ngawl napi nungzuitu hi ung titu khi dongkanin zolthuson a hihnak haw na muh khawngnak thute thei khawng ing hi.