1 JOHAN 3:8 - Ngawm Bible

⁸ Kua hei hihen sualnak a bawl lelengtu cu Satan ta hi. Itahim titale Satan cu a pat pepan sualnak a bawltu hi. Pathian Capa a hunnak cu Satan nadehnak siatsuah khawng tukin hi.

1 JOHAN 3:8 Iomraidhean Croise

PIANPATNAK 3:15

Numei nu tuah ngalduntik tung a, na casuan uh tianin ngaldun tuk uh ci. Amuh ten na lu supeek haw tuk a, nang vangin, a kecawk cik tuk ci,” tin ti hi.

ISAIAH 27:1

Mah ni ten tuipi thuanthum sungah a ummi ngulpi that tukin le a vialdunmi le a lauhuaimi Leviathan ngul bawlsia tukin Topa in, a ngil zetmi le mual nei zetmi a ngalnam mang tuk hi.

MIPUM SIALNAK 21:9

Moses in a hilhnak bangin daal ngul cu bawlin, khuam humah tak hi. Ngul i cih mite mah daal ngul zotu hempoh cu dam haw hi.

MATTHAI 12:28

Khawhuai hawlvawk theihnak huham piatu cu Beelzabul hi ma hi, Pathian i Hawvang hi. Mahti bang a hih hangin Vancung Uknak cu nangmu lakah heng zo tihnak hi.

MATTHAI 13:38

Lo cu hi leihum na hi; anci pha cu Vancung Uknak a cotu mihingte hi a, hampa cu mipha ngawl pa i mihingte hi.

MATTHAI 4:3

Mahten Satan cu a lakah hengin, “Pathian Capa ngangai na hi tale hi suangte hi cangho suak tukin thupia in,” ti hi.

MARKA 1:24

“Nazareth khua mi Jesuh aw, kohtei lakah i bawl tuk nei nge cim? Keimuh siatsuah tukin hung cim maw? Akua nge cim tih thei leng ung hi; Nang cu a Pathian i mi Thiangtho hi ci,” tin ngingzet auto hi.

LUKA 10:18

Jesuh in, “Khuaphelep bangin vanhum pen Satan caksuk mu ing.

JOHAN 12:31

Atu-in hi leihum thu a khen hun le leihum uktu neh huncan hi tuk toh hi.

JOHAN 16:11

Thukhennak thu i humah a ngaihsutdan haw khial hi. Itahim titale leihum uktu bawi cu thukhensa zo hangin hi.

JOHAN 8:44

Nohte cu na pa uh Satan i ca hi uh ci. Na pa uh i deihnak bangin nungca nuam uh ci. Amah cu a pattung himpo in laithat hi. Thutak khi ituk mahin len awng ma hi. Itahim titale a sungah thutak umma hi. Zolthu a son ten a bawl lih sa mek bawlleh sal cu poh hi. Itahim titale amah cu zolthu son theimi hi a, zolthu hempoh i pa hi.

ROM Khua Khristian Tei Lakah Paul i Laikuat (Paul’s Letter to the Romans) 16:20

Eimuh tei lemdaihnak bulpi Pathian in nangmu ke nuai ah Satan cu tanpekin, ngawikeh bilhbelh tuk hi. Topa Jesuh Khrih i hehpihnak cu nangmuh tei nelah um tahen.

EFESA 2:2

Mah hun laihin leihum daan pha ngawl zui uh ci; Van le lei laklawh a hawvang huham neitu, Pathian thu a zui nuam ngawlte uktu i thu khi zui uh ci.

KOLOSE 2:15

Mahten hawvang uktu tei huham cu thinglamteh pen siatsuah khawng a, ngalmatmi sal bangin pui khawng hi.

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

HEBRU 2:14

Mahten “Naupangte” tin a sammi a mihingte cu thi le sa a neimi a hih haw hangin Jesuh hei cu amuh bangin thi le sa nei in mihing nunah nung bok hi. Hi tin, a bawlnakin, a tuptahmi cu ama thihnak pen thihnak hum a, thuneitu Satan khi siatsuahin,

HEBRU 9:26

Mahti bangin leipi pianpat pepan vei tam leita thuak kul tuk hi! Mahti bang hi ngawlin atu hun dawlbelnak a bo kuanno ten amah le mah biakpiaknakah piadunin, sual a thiantik theihnak tukin kumkhua phaatin vei khat bek lang hi.

2 PETER 2:4

Vancungmi a sualtute hei, Pathian in khawih ngawlin hell sungah khia belh hi. Mah khuathim sungah kencihin um haw a, Thukhennak Ni ngakin um haw hi.

1 JOHAN 1:2

Hi nunnak cu muhtheihin, a cansuak ten oh ten mu hung hi. Mah hangin mah thu cu nangmuh tei lakah son ung a, Pa tuah a ummi kumkhua nunnak, keimu tei lakah a theihtikmi Thu khi nangmu lakah hilh ung hi.

1 JOHAN 3:10

Pathian cate le Satan cate a dangdunnakbel cu hi bangin hi; a dikmi a bawl ngawltu le a unau a it ngawltu cu Pathian cate kha ma hi.

1 JOHAN 3:5

Khrih cu mihing tei sualnak thiangtik tukin hung hi tih cu thei uh ci a, a sungah sualnak umma hi.

1 JOHAN 5:19

Leihum buppi cu Satan in uk naven ohte cu Pathian ta hung hi tih thei hung.

JUDE 1:6

A thuneih theihnak haw sungah um nuam ngawlin a umnak mun a zamsantu vancungmite khi thei leleng un hi. Amuhte cu leihum khuathim sungah kumkhua thik taicin tuah khih comi hi haw in, thukhen Ni ten Pathian in siatsuahleh tuk hi.

MANGMUHNAK 20:10

Mahten amuhte zoltu Satan cu sahang le profet manngawl a vawknak haw tuiting bangin a tingmi meipi le kaat mei sungah vawk haw hi. Mahlai ah sun le zan haksa le bawlsia in um cimit haw tuk hi.

MANGMUHNAK 20:15

Akua hei hihen nunnak laibu sung a, min ngan ahi ngawl hempoh cu tuiting bangmi meipi sungah vawk na hi haw hi.