1 JOHAN 3:5 - Ngawm Bible

⁵ Khrih cu mihing tei sualnak thiangtik tukin hung hi tih cu thei uh ci a, a sungah sualnak umma hi.

1 JOHAN 3:5 Iomraidhean Croise

HOSEA 14:2

Topa lakah kikleh unna, hi bangin thungen un: “Ka sualnak uh hempoh ngaidam zal inna; ka thungetnak uh sansakin, ka thutiamsa uh bangin pahcawi tuk ung hi.

MATTHAI 1:21

Amah in capa hing tuk a, a min Jesuh tin sa tuk ci, itahim titale a miphun tei sualnak pen a nun haw pan tuk hi,” tin ti hi.

LUKA 23:41

Mahnaven oh pa nih cu eimu dehnak bangin a thuak tuk uh phu hung hi. Mahnaven hi pa hi sualnak imah nei ma hi,” tin ti hi.

LUKA 23:47

Mahmi cu ngalbawi pa in amuh ten Pathian thangphat hi. “Hi pa hi sualnak nei ngawl mipha hi,” tin ti hi.

JOHAN 1:29

A zingten Johan in, Jesuh a lakah a hun lih laih cu mu in, “Leihum sualnak a hawhpihtu Pathian Tuuno khi zo un!

JOHAN 1:31

Amah hi akua hi tuk him tih thei mang. Mahnaven amah hi Israel tei a theihnak haw tukin tui tuah tuiphumnak ka piak lihnak cu na hi,” ti hi.

JOHAN 14:30

Hi leihumpi uktu pa hung li toh a hih hangin thu saupi sonpih man lehma toh ing. Keima humah thuneihnak imah nei ma hi.

JOHAN 8:46

Nangmu lakah ka sualnak a mutu kua um uh cim? Thutakin hilh ing. Ita keimah um nuam ma uh cim?

2 KORIN 5:21

Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.

1 TIMOTE 1:15

Khrih Jesuh cu misual tei nunpan tukin leihumah tolh hi tihmi cu a manmi awn hi a, cangkim zetin pomtak le santak hi, mah misual tei lak pen kei cu misualbel ing.

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

HEBRU 4:15

Ohtei Thiampi Sang cu a nawmtamnak uh theihpih ngawltu Thiampi Sang kha ma hi, Eimuh bangin sualsohnak a phunkim a tawkmi pa bok hi. Mahnaven amah cu sual ma hi.

HEBRU 7:26

Mahti bang a hih hangin Jesuh cu a kul uhmi a kimtik theitu Thiampi Sangbel hi. Amah cu a thiangthomi hi; sualnak nei ngawlmi le sonbang ngawlmi hi. Misual lak pen khenkhuaimi hi a, vanhumah cawi toh hi zo hi.

HEBRU 9:26

Mahti bangin leipi pianpat pepan vei tam leita thuak kul tuk hi! Mahti bang hi ngawlin atu hun dawlbelnak a bo kuanno ten amah le mah biakpiaknakah piadunin, sual a thiantik theihnak tukin kumkhua phaatin vei khat bek lang hi.

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

1 PETER 1:18

Na pu le pa tei lo le lam a zap haw mi le nemcuamnak a um ngawlmi na nundan uh sung pen a suakcatiktu cu ihim tih thei leng uh ci. A sia theimi sui le ngun bang kha ma hi.

1 PETER 1:20

Amah cu leipi semsuah laih ngawlin Pathian i tensami hi, atu nangmu ca tukin ni dawlbel hun a, Pathian i langtikmi hi.

1 PETER 2:22

Khrih in sualnak imah bawl ma hi, a kam pen zolthu son hi tihvang miten thei awng haw ma hi.

1 PETER 2:24

Khrih in ama pumpi loli tuah a sualnakte uh cu thinglamteh humah a henpih zo hangin ohte cu sualnakah mithi hi zo nave hung diknak sungah a nung tuk mite hung hi. A thuaknak liammate hangin damnak ngah zo uh ci.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

1 JOHAN 1:2

Hi nunnak cu muhtheihin, a cansuak ten oh ten mu hung hi. Mah hangin mah thu cu nangmuh tei lakah son ung a, Pa tuah a ummi kumkhua nunnak, keimu tei lakah a theihtikmi Thu khi nangmu lakah hilh ung hi.

1 JOHAN 1:7

Mahnaven amah cu vaknak sungah a um bangin, eimuhte vang vaknak sungah a um uh tale pa khat le pa khat pawlkomnak nei in, a Capa Jesuh Khrih i thisanin, a sualnak uh hempoh thiangtik zo hi.

1 JOHAN 2:1

Ka cate aw, sualnak na bawl ngawlnak tuk uhin hilai hi nangmuh tei lakah ngan ing. Mahnaven pa kha khatin sualnak a bawl tale, a dikcangmi Jesuh Khrih, eimu ai-awhin Pa Pathian nelah thu a hilhsak theitu nei hung hi.

1 JOHAN 2:2

Jesuh Khrih amah hangin a sualnakte uh ngaidam hi, eimu sualnak bek hi ngawlin mi hempoh tei sualnak vang ngaidam hi.

1 JOHAN 2:29

Khrih cu dikcang hi tih thei leng uh ci. Mah hangin akua hei hihen a dikmi a bawltu cu Pathian cate hi tih thei tuk uh ci.

1 JOHAN 3:8

Kua hei hihen sualnak a bawl lelengtu cu Satan ta hi. Itahim titale Satan cu a pat pepan sualnak a bawltu hi. Pathian Capa a hunnak cu Satan nadehnak siatsuah khawng tukin hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.