1 JOHAN 3:24 - Ngawm Bible

²⁴ Pathian thupiakmi a zuitu hempoh cu Pathian tuah umkawmin, Pathian vangin amu lakah um bok hi. Pathian i piakmi Hawvang hangin Pathian cu eimuh tuah umkawm tih thei hung hi.

1 JOHAN 3:24 Iomraidhean Croise

JOHAN 10:38

Mahnaven ka bawl ahi tale keimah na um nuam uh ngawl vangin ka bawlmi bek hi na um uh ahin mawi hi; mahten Pa cu ka sungah umin, Pa i sungah kei um ing, tih na theih lelengnak tukin,” ti hi.

JOHAN 14:17

Amah cu Hawvang hi ama Pathian thutak langtiktu hi. Leihumpi in amah pom thei ma hi. Itahim titale a theih haw ngawl hangin le amuh bat haw ngawl hangin hi. Mahnaven noh ten amah khi thei uh ci. Itahim titale nangmu lakah umcih leng a, na sung uhah amah a nun hangin hi.

JOHAN 17:21

A venghawng haw in, pa khat a hih theihnak tukin ngen ing. Pa aw, nangmah cu keima sungah um ci a, kei vang nangma sungah ka um bang bokin amuh vang cu eimu sungah umbok haw hen. Nangmah in kei na tiik cu hi leihumin, a san theihnak haw tukin amuhte cu pumkhatin cang zal haw hen.

1 KORIN 3:16

Nohte cu Pathian biakinn hi uh ci a, hawvang na sung uhah a um khi thei ma uh cim? Pathian Hawvang i umnak inn hi uh ci.

1 KORIN 6:19

Na taksa pumpi uh cu Pathian i piakmi le na sung uh a nungmi Hawvang Thiangtho i biakinn a hihlam thei ma uh cim? Nohte cu nangmuta hi ma uh ci, Pathian ta uh ci.

2 KORIN 6:16

Pathian i biakinn le umngawltu tei milimte itang kaw a lemdun theih haw tuk? Itahim titale oh cu a nungmi Pathian i biakinn hung hi. Pathian amah loli in: “Ka mihing tei lakah ka umnak inn sa tung a, amu lakah um tung. A Pathian haw hi tung a, amuhte cu ka mihing hi haw tuk,” ti hi.

1 THESALON 4:8

Mah hangin hiti bang thuzilhnak a zui nuam ngawltu cu mihing i thu a el hi ngawlin Hawvang Thiangtho piatu Pathian i thu el hi.

2 TIMOTE 1:14

Eimuh tei sung a nungmi Hawvang Thiangtho i huhamin nangma lak a piakmi na phate cu phazetno cingkhawi in hi.

1 JOHAN 2:24

Mah hangin, a pat pepan na zak uhmi thu cu nangmu lungmu sungah komzetno in koih unna, pha zetin, na kem uh tale Pa le Capa tuah a pawlkomdun lelengmi hi tuk uh ci.

1 JOHAN 2:3

Pathian i thupiakmi a zui uh tale amah a theitute hung tih ciang hi.

1 JOHAN 2:5

Mahnaven Pathian thu a zuitu cu a sungah Pathian itnak cangkimin um tihnak hi. Pathian tuah pehzomdunnak nei hung hi tih a theihciangnak tuk uh cu hitih bangin hi.

1 JOHAN 2:6

A kuakua hei hihen Pathian tuah pawlkomnak nei ing a titu in, Jesuh Khrih bangin nung tuk hi.

1 JOHAN 3:22

Ama lak pen a nget uhmi hempoh ngah hung hi. Itahim titale a thupiakmi zui in, a deihmi a bawl uh hangin hi.

1 JOHAN 4:7

Ka ih mite aw pa khat le pa khat itdun tuk hung hi. Itahim titale itnak cu Pathian lak pen a hungmi hi. Mi a ittu cu Pathian ca hi in, Pathian theitu hi.