1 JOHAN 3:21 - Ngawm Bible

²¹ Mah hangin ka ih mite aw, a thin sung uhin, a mawhsiat ma tale Pathian mai ah ngalhannak nei hung hi.

1 JOHAN 3:21 Iomraidhean Croise

JOB Laibu (The Book of Job) 22:26

Pathian cu na lungdamnak hi leleng tuk a, mitmai pha tuah Ama lamah thinnopno in, hek tuk ci.

JOB Laibu (The Book of Job) 27:6

Thudikah ka dinnak cu hah thei tuk mang; ka lung thiang hi; Ka lungmu in, khial ngai ing, ti awng tuk mang.

SAAM LABU 101:2

Ka nunnak cu sonbang um ngawl hi tuk hi. Ituk ten kaw ka lakah na hun tuk? Ka innah lungmu thiangtho in um tung hi.

ROM Khua Khristian Tei Lakah Paul i Laikuat (Paul’s Letter to the Romans) 14:22

Hitih bang thu ah nangmahno na ngaihsutnak lungmu nei inna, nangmah le na Pathian i laklawh a thu in koihin hi. Man hi tin, a ngaihsutmi bawlsuakin, a sikleh ngawlmi cu mi lungdammi hi.

1 KORIN 4:4

Ka lungmungil cu thiang hi; Mahnaven a thiang ka tih ten sual mang ka tihnak hi ma hi. Ka hum a thukhennak a bawltu tuk pa ngangai cu Topa bek hi.

2 KORIN 1:12

Ka tuangkhawn pihzet uhmi pa khat um; mahmi cu ikaw titale: hi leihum a nundan uh le a cuangin, nangmuh tuah a pehzop dunnak uh hi, mihing cihnak i ukmi hi ngawlin Pathian hehpihnak huhamin uk hi. Amah Pathian i piakmi awn taituang le lungmu ngai tuah a nunzia uh cu a lungmu uh sia le pha deidan thiamnakin, a theihpihmi hi.

EFESA 3:12

Khrih tuah a pehzop dunnak uh i hangin le Amah a upnak uh i hangin Pathian umnak munah lungmuang zetin tum theihnak nei hung hi.

1 TIMOTE 2:8

Pathian biaknak mun hempoh ah pano ten thungen haw hen, tih deih ing. Pathian nelah pum a piadunmi le thinuknak le thu eldunnak um ngawlno in, pano ten khutzaakin thungen haw hen.

HEBRU 10:22

Mah hangin a kho mi upnak tuah Pathian cu neek tuk hung. Sualnak lungmu thiantikmi le tui tuah thiantikmi a pumpi uh tuah Pathian cu zuan un hi.

HEBRU 4:16

Mah hangin hehpihnak umnak mun Pathian i khunnakah ngalpha zetin zuan nung. Mahlai pen a kul le sap uhten hehpihnak cu ngah tuk hung hi.

1 JOHAN 2:28

Mahzuh hi, ka cate aw amah tuah na pehzomdunnak uhah kho leleng un hi. Amah a hun ten ngalhannak tuah dim tuk hung a, a hen Ni ten zakca in ngelh lih kul tukma hi.

1 JOHAN 2:7

Ka ihmite aw, nangmu lak a, ka ngatmi thupiaknak hi a thak hi kha ma hi; a tung pepan na neih uhmi thupiaknak lun khi hi. Mah thupiak lun cu na theihsa uhmi thu hi.

1 JOHAN 3:2

Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.

1 JOHAN 3:20

Pathian cu a lungmu uh sangin ngeng saw ngangai in, ihempoh theitu vang hi, tih thei hung hi.

1 JOHAN 4:17

Thukhennak Ni ten ngalhannak a neihnak tukin itnak cu eimu sungah cangkimtik zo hi. Mahten leihum a nunnak uh cu Khrih nunnak bang a hih hangin mah ngalhannak cu nei loli tuk hung hi.

1 JOHAN 5:14

Kohte cu Pathian mai ah ngalhannak nei ung hi. Itahim titale ama deihnak tuah a ngen uh tale, a nget uhmi theihsak khawng hi tihmi theiciang ung hi.