1 JOHAN 3:2 - Ngawm Bible

² Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.

1 JOHAN 3:2 Iomraidhean Croise

JOB Laibu (The Book of Job) 19:26

Natnakin ka vun cu a ei khawng vangin, hi ka taksa tuah Pathian cu mu tung.

SAAM LABU 16:11

Nangmah in nunnak lampi cu lak tuk ci; Na umnakah lungdamnak dim hi. Na baan tha ngilnakah kumkhua nopnak um hi.

SAAM LABU 17:15

Mahnaven kei in diknak tuah na maimu tung hi. Ka khatlawh ten na maimu in, ka lungdamnak kim tuk hi.

SAAM LABU 31:19

Nangmah a kihcatu tei ca in, Na khawlsa mi thilpha a tam daan cu! Nangmah a muangtute na hupnak thu, Mi hempoh mitmuhah a mawidan cu!

ISAIAH 56:5

ka Biakinn sung le ka mitei lakah na min uh theih leleng hi tuk a, canu le capa cawi in, na min uh a than tuk sangin, na min uh cu ngeideuhin cin leleng hi tuk hi. Ituk mah ten phawhngilh hi tukma uh ci,” ti hi.

MALAKHI 3:2

Mah ahi hei in, a hen tuk ni cu akua in thuak thei tuk kaw? A hun ngangai ten akua luat thei tuk hum? Van sawpnak sahphio le thik nangawnin, a ciangtik theitu mei alh bang hi tuk hi.

MATTHAI 5:8

Lungmu thiangte cu thupha muicu ngahte haw hi. Itahim titale Pathian mu haw tuk hi.

LUKA 17:30

Mihing Capa a langleh ni ten mahtih bangin hi bok tuk hi.

LUKA 20:36

Vancungmi bang haw tuk a, thi haw tukma toh hi. Thihnak pen a thawhleh zo haw hangin amuh cu Pathian cano hi haw hi.

JOHAN 1:12

Mi khenkhat ten sangin a up haw hangin Pathian cate hih theihnak thupia hi.

JOHAN 11:52

Judah mitei ca bek hei hi ngawlin Pathian canau a khenkhek hempoh ten munkhatah khoptuahnak tukin, a thihnak hi tuk hi tih thu a hilhhamnak hi.

JOHAN 17:24

Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

ROM Khua Khristian Tei Lakah Paul i Laikuat (Paul’s Letter to the Romans) 8:16

Mahtin a au uhten Pathian i Hawvangin eimu hawvang pehzomin Pathian ca a hihnak uh khi ciangtik hi.

ROM Khua Khristian Tei Lakah Paul i Laikuat (Paul’s Letter to the Romans) 8:18

Atu hun a haksatnak a thuak uhmi hi eimu lakah a langleh tuk laihmi sunlawinak tuah tehkip takin ngaisung hihim mang hi.

ROM Khua Khristian Tei Lakah Paul i Laikuat (Paul’s Letter to the Romans) 8:19

Siammi hempohin Pathian i a cate a langtik tuk khi ngakhel mahtak haw hi.

ROM Khua Khristian Tei Lakah Paul i Laikuat (Paul’s Letter to the Romans) 8:29

Pathian in, a tensa mite cu a Capa bang tukin a dangno in koih hi; mahten unau tampi lakah a Capa cu pa khatnak a hihnak tukin hi.

1 KORIN 13:12

Atu-in, amuhdan uhte hi limlang sung a, ciang ngawlin a lim bek amuh uh bang hi. Mahnaven mah hun ten, maitonin mu tuk hung hi. Tu a ka theihnakte hi cangkim ma hi, mahnaven mah hun ten cangkim tuk hi. Pathian in kei a theihnak a cangkim bangin ka theihnak vang cangkimzet tuk laih hi.

1 KORIN 15:49

Lei a bawlmi mihing mel a silh uh bangin van pen a hungmi pa i mel silh tuk hung hi.

1 KORIN 2:9

Mahnaven Lai Thiangtho in; “Mihing kuamah i muh awng ngawl, theih awng ngawlmi, cangthei tuk hi tin kuamah i ngaihsut awng ngawlmi thu cu, Pathian in, amah a ittu tei ca tukin, a tuptahmi hi,” ti hi.

2 KORIN 3:18

Ohte hei cu a venghawng uhin a mai uh puan tuah tuammi a hihleh uh ngawl toh hangin Topa i sunloihnak cu thalang bangin a langtiktu hung hi. Mah sunloihnak cu Hawvang a himi Topa i lak pen a hun hangin a nunnak uh sunglawi sesemin le amah bang dedeuhin thek tawto hi.

2 KORIN 4:17

Mahten haksatnak hun comno sung ka tawh uhten a let tampi in kumkhua sunloihnak pia tuk hi.

GALATI 3:26

Upnak hangin na venghawng uhin Pathian i cate hi uh ci a, Khrih Jesuh tuah pehdun zo uh ci.

GALATI 4:6

Mahten a cate na hihnak uh langtiknakin Pathian in, a capa i Hawvang cu eimu lungmu sungah pia hi. Eimu lungmu sung pen, “Ka Pa, Ka Pa,” tin, a autu cu mah Hawvang hi.

FILIPI 3:21

Amah in imah ngawl a thi thong theimi a taksa pumpi uh hi a sunglawi mi ama pumpi bangin thek tuk hi; mahmi bawlnakin ihempoh ama uknak nuai ah koih theihnak huham mang tuk hi.

KOLOSE 3:4

Mahmi na nunnak tatak uh cu Khrih hi a, amah a langleh ten nohte vang amah tuah langkhatin, a sunloihnak co kawm bok tuk uh ci.

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

2 PETER 1:4

Mahten a tepsa mi a thawmngengnak le a sunglawi laksawng cu pia in, mah laksawng hangin a siatsuah theitu leihum tisa deihnak pen luatin, Pathian hihnak mangkawm thei tuk uh ci.

1 JOHAN 2:28

Mahzuh hi, ka cate aw amah tuah na pehzomdunnak uhah kho leleng un hi. Amah a hun ten ngalhannak tuah dim tuk hung a, a hen Ni ten zakca in ngelh lih kul tukma hi.

1 JOHAN 2:7

Ka ihmite aw, nangmu lak a, ka ngatmi thupiaknak hi a thak hi kha ma hi; a tung pepan na neih uhmi thupiaknak lun khi hi. Mah thupiak lun cu na theihsa uhmi thu hi.

1 JOHAN 3:1

Pathian, ohtei Pa i a ihdan hi ngaisung teh un! A ihnak cu nase ngangai in, Pathian cate tin sammi hung hi. Mahtin a tih bangin hi ngangai hung hi. Mah hangin hi leipi in ohte a theih ngawlnak cu! Pathian hei thei haw ma hi.

1 JOHAN 3:10

Pathian cate le Satan cate a dangdunnakbel cu hi bangin hi; a dikmi a bawl ngawltu le a unau a it ngawltu cu Pathian cate kha ma hi.

1 JOHAN 3:21

Mah hangin ka ih mite aw, a thin sung uhin, a mawhsiat ma tale Pathian mai ah ngalhannak nei hung hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

MANGMUHNAK 22:4

Amuh ten a maicang mu haw tuk a, a min cu a calah ngan haw tuk hi.