1 JOHAN 3:17 - Ngawm Bible

¹⁷ Mihau pa khatin, a tingsammi a unau khi mu leng naven simsial ngawlin a um tale Pathian it ing tin iti bang ti thei tuk him?

1 JOHAN 3:17 Iomraidhean Croise

THUPAUCAP 12:10

Mipha ten nganhing cingkhawi haw hi. Mahnaven mipha ngawl ten a nganhing haw hehpihnak nei haw ma hi.

THUPAUCAP 14:31

Mizawngte na bawlsia tale mizawngte a bawltu Pathian nautat hi ci. Mahnaven mizawngte a hehpihtu cu Pathian biatu hi.

THUPAUCAP 19:17

Mi zawng tei humah hehpihnak neih cu Topa i lak a thilpiak tuah bangten hi. Topa a man lulleh tuk hi.

THUPAUCAP 21:13

Mi zawng tei aunak aw a ngai nuam ngawltu cu ama au ten vang kuamah in theihpih bok tukma hi.

THUPAUCAP 28:9

Daan zui ngawl na hi tale na thu ngetnak cu Pathian thinuktiktu saw hi.

LUKA 3:11

Johan in, “Angki silh nih a nei ten silh khat cu angki nei ngawl pia haw tahen, an a nei ten nei ngawlte hoi bok haw tahen,” tin ti hi.

2 KORIN 8:9

A pa uh Jesuh Khrih i mi a hehpih daan cu thei uh ci. Amah cu hauzet naven nangmu hangin mi ca-ngah zetin cang hi; Mahti bangin a zawnnak cu mihau na hihnak tuk uh a deih hangin hi.

HEBRU 13:16

Pa khat le pa khat bawmdunin, phatnak bawlsakdun tuk phawkngil pahsuh un, itahim titale mahmi cu Pathian lungdamtiktu biakpiaknak hi.

JAMES 2:15

Nangmu Khristian unau lakah pano hihen, numei hihen, nikcen puansilh a sammi le eih tuk a nei ngawlmi um tibang ahin;

JAMES 2:16

Mahmi tei lakah, “Pathian in thupha pia tahen, khawlumno in um unna, an phano in ei un!” tin na tih uhmi cu amu nunnak ca in, a kulmi na pia uh ma tale i nemcuam him?

1 JOHAN 4:20

Kua hei hihen Pathian it ing ti thah leng na pi in, a unau a huatu cu zolthu son hi. Itahim titale mit a muhmi, a unau hei a it ma tale muh theih ngawlmi Pathian cu it thei tukma hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.