1 JOHAN 2:8 - Ngawm Bible

⁸ Mahnaven atu nangmu lak a, ka ngatmi thupiaknak hi thupiaknak thak hi. Itahim titale hi thupiak cu thutak hi tihmi Khrih sung le nangmu sung pen muh theih hi; Itahim titale khuathim cu pai vawk pepel a, vaknak tatak cu lang zo hi.

1 JOHAN 2:8 Iomraidhean Croise

SAAM LABU 27:1

Topa cu ka vaknak le ka nunpatnak hi; akua him ka lau tuk? Topa cu ka belhmi suangpi hi, imah lau tuk mang.

SAAM LABU 36:9

Nang cu nunnak hempoh tei nunnak ciktui hi ci. Nangma vaknak hengin vaknak mu ung.

SAAM LABU 84:11

Topa cu humhimtu le a sunglawi kumpipa hi. Hehpihnak le sunloihnak tuah muicu pia hi. Thilpha a bawltu tei nelah thilpha piak tuk cu phalzet hi.

ISAIAH 9:2

Khuathim lakah a hawhmi ten, a nase zetmi vaknak mu zo haw hi. Khuathim ngamah a ummi tei humah vaknak heng zo hi.

MALAKHI 4:2

Mahnaven ka thu a zuitu noh tei ca in, ka mi patnak huham cu ni bangin vak zihziah tuk a, noh tei humah, ni alin damnak a piak bangin noh tei humah damnak hengtik tuk hi. Khuino cu khui inn pen a suah haw bangin luat hilhialin le lungdam zetin um tuk uh ci.

MATTHAI 4:16

Khuathim sungah a ummi ten a nase zetmi vaknak cu mu haw tuk hi. Thihnak ngamthim sungah a um mitei humah vaknak suak tuk,” ti hi.

LUKA 1:79

Thihnak lim nuai a um tei humah vanhum pen vaknak hengsuk tuk hi. Lemnak lampi ah hawhtik tuk,” ti hi.

JOHAN 1:9

Mah vaknak cu vaknak ngangai hi. Mah vaknak cu leihumah hungin mi hempoh a vaktiktu vaknak hi.

JOHAN 12:35

Jesuh in, “Nohtei lakah khuavaknak hun demno sung um tuk laih hi. Khuavaknak nohtei lakah a umlaihin, khuathimnak nohtei humah a heng tuk ngawlin mailamah nawt leleng un hi.

JOHAN 12:46

Akua hei hihen keimah a umtute cu khuathim sungah a um khak haw ngawlnak tukin, vaknak tuah hung zo ing.

JOHAN 13:34

Thutiam Thak nohte pia ing. Pa khat le pa khat na itdunta un hi. Keimah in nangmuhte ka ih bangbokin, nohte vang pa khat le pa khat na itdun bokta un.

JOHAN 8:12

Jesuh in Farasi tei lakah, “Kei cu leihum vaknak ing hi, akua hei hihen keimah a zuitute cu nunnak khuavak nei haw tuk a, khuathim sungah vakvai haw tukma,” ti hi.

NUNGZUITU 17:30

Mihing tei Pathian theih ngawl hun khi Pathian amah in amu ngawl bangin umsan thong hi; Mahnaven a atu-in, a nundan haw a pha ngawlmi khi nunghek san tukin mi hempoh thupia hi.

NUNGZUITU 26:18

A mit haw haktik tuk ci a, khuathimnak sung pen khuavaknakah Satan huham sung pen Pathian i lakah kiklehtik tuk ci. Mahten keimah a upatnak haw i hangin a sualnak haw cu ngaihdam hi haw tuk a, Pathian i mihing tenmi sungah tel bok haw tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 13:12

Zan bo awn tohin, sun heng awndiak toh hi. Khuathim sung a, nadehte cu zam toh unna, khuavak sungah ngaldo tukin hiamnam la nung hi.

2 KORIN 8:9

A pa uh Jesuh Khrih i mi a hehpih daan cu thei uh ci. Amah cu hauzet naven nangmu hangin mi ca-ngah zetin cang hi; Mahti bangin a zawnnak cu mihau na hihnak tuk uh a deih hangin hi.

EFESA 5:8

Ni dang laihin nohte cu khuathim sung a nungmi hi uh ci; mahnaven Topa i mihing na hih zo uh hangin atu-in vaknak sungah um uh ci; mah hangin khuavak mihingte bangin nung un hi.

2 TIMOTE 1:10

Mahnaven pantu Topa Khrih Jesuh a hunsuk hangin atu-in eimu lakah langtik hi. Thihnak hi ngu cu botikin, Thuthangpha sungah kumkhua nunnak ngahtik zo hi.

1 PETER 1:21

Amah hangin Pathian muang uh ci, Pathian in amah cu thihnak pen tholehtikin, sunloihnak pia hi. Mah hangin na upnak uh le na muansannak uh cu Pathian humah a phutmi hi uh ci.

1 JOHAN 3:23

Thu a piakmi cu Khrih i thupiakmi bangin, a Capa Jesuh Khrih umin, pa khat le pa khat a ihdun theihnak tukin hi.

1 JOHAN 4:11

Ka ih mite aw, hitih bangin Pathian in it ahi tale, eimuhte vang pa khat le pa khat itdun bok tukmi hung hi.

1 JOHAN 4:21

Khrih i piakmi thukham cu hi tih bangin hi. Kua hei hihen Pathian a ittu cu a unau vang it bok tuk hi.