1 JOHAN 2:6 - Ngawm Bible

⁶ A kuakua hei hihen Pathian tuah pawlkomnak nei ing a titu in, Jesuh Khrih bangin nung tuk hi.

1 JOHAN 2:6 Iomraidhean Croise

SAAM LABU 85:13

Topa i mai ah dikcangnak cu hawhin ama ca in lampi sial tuk hi.

MATTHAI 11:29

Ka kolhak hi pua teh unna, keima lak pen cung un; kei cu nunnem le niamkhiatnak lungmu neimi ing. Keima lak pen cung unna, colhdamnak ngah tuk uh ci.

JOHAN 13:15

Noh tei ca in, zui tuk le na zohteh tuk uh bawlsak zo ing. Nohtei ca ka bawlsaknak bangin, noh ten na bawlbok tuk uhmi hi.

JOHAN 15:10

Ka Pa i thupiakte khi, zui in, ama itnak sungah ka um bangbok khin ka thukhamte na ngai uh tale ka itnak sungah umbok tuk uh ci.

1 KORIN 11:1

Khrih nunzia ka zui bangin nohte vang ka nunzia zilbok un hi.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

1 PETER 2:21

Mahtibang haksatnak thuak tukin Pathian i sammi hi uh ci; itahim titale Khrih amah loli in, nangmu ca haksatnak thuakin, a ke kal na zui theihnak tuk uhin zohteh tuk a zammi hi.

1 JOHAN 2:28

Mahzuh hi, ka cate aw amah tuah na pehzomdunnak uhah kho leleng un hi. Amah a hun ten ngalhannak tuah dim tuk hung a, a hen Ni ten zakca in ngelh lih kul tukma hi.

1 JOHAN 2:4

Mi pa kha khatin, Pathian thei ing tin tituk naven a thupiakmi a zui ma tale zolthusonin, a sungah thutak umma hi.

1 JOHAN 3:24

Pathian thupiakmi a zuitu hempoh cu Pathian tuah umkawmin, Pathian vangin amu lakah um bok hi. Pathian i piakmi Hawvang hangin Pathian cu eimuh tuah umkawm tih thei hung hi.

1 JOHAN 3:6

Mah hangin Khrih sungah a ummi hempoh ten sualnak bawlleh haw ma toh hi. Sualnak a bawl lelengtu cu Khrih amu awng ngawltute haw hi.

1 JOHAN 4:17

Thukhennak Ni ten ngalhannak a neihnak tukin itnak cu eimu sungah cangkimtik zo hi. Mahten leihum a nunnak uh cu Khrih nunnak bang a hih hangin mah ngalhannak cu nei loli tuk hung hi.