1 JOHAN 2:5 - Ngawm Bible

⁵ Mahnaven Pathian thu a zuitu cu a sungah Pathian itnak cangkimin um tihnak hi. Pathian tuah pehzomdunnak nei hung hi tih a theihciangnak tuk uh cu hitih bangin hi.

1 JOHAN 2:5 Iomraidhean Croise

SAAM LABU 105:45

A mihing ten a daante zui in, a thukhamte a zui khawng tukin bawl hi. Topa cu thangphat un.

SAAM LABU 106:3

A thupiakmi a zuitu le thudik a bawl lelengtu cu mi muicute haw hi.

SAAM LABU 119:146

Nangmah cu sam ing; Hup inna, na daan zui tung.

SAAM LABU 119:2

A lungmu venghawng tuah Topa i thu a ngaitu le a thupiakmite a zuitu cu mi muicute haw hi.

SAAM LABU 119:4

Na daante cu pia zo ci a, cangkim zetin zui thei leng nuam sing!

THUPAUCAP 28:7

Daan a zuimi tangvalpa cu micip hi. I mah nemcuamnak a nei ngawlmi ngualcam neitu cu a pa i mai nintiktu hi.

THUPAUCAP 8:32

Ka cate aw, ka hilhmi thu hi ngai un, ka hilhmi bangin dek unna, na lung uh dam tuk hi.

THUHILHTU 8:5

Ama thu na zui ten haksatnak pen luat tuk ci. Micipin ituk ten nadek tung a, iti bangin kaw ka deh tuk, tih theitum hi.

EZEKIEL 36:27

Na sung uhah ka hawvang khum tung a, ka daante le ka thupiakmite zui thei tuk uh ci.

LUKA 11:28

Mahnaven Jesuh in, “Pathian thu zain, a zuitu tei humah thupha um saw,” ti hi.

JOHAN 14:21

Ka thupiak pomin, a zuitu cu keimah ittu hi. Ama lakah keimah le keimah lang tung hi.

JOHAN 14:23

Jesuh in, “Kei a ittu pawpohin ka thu khi ngai tuk hi. Amah cu ka Pa in, it bok tuk a, keimah le ka Pa cu hungin ama lakah um tuk ung hi.

JOHAN 15:5

Sabit nguipi cu keimah ing a, nohte cu a kangkak hi uh ci. Akua hei hihen keima sungah umin, kei vang a sungah ka um bok tale ngah tampi ngah thei tuk hi. Itahim titale keimah tel ngawlin imah bawl theih ma uh ci.

JOHAN 6:56

Ka taksa ei in, ka thi a intute cu keima sungah nung haw in, kei hei amu sungah nung bok ing.

ROM Khua Khristian Tei Lakah Paul i Laikuat (Paul’s Letter to the Romans) 8:1

Atu-in Khrih Jesuh tuah a pehdun mitei ca in sual thukhennak pen luat zo haw toh hi.

1 KORIN 1:30

Khrih Jesuh cu na nunnak uhah a bulpantu cu amah Pathian hi. Pathian in Khrih cu eimu cihnak tukin bawl hi. Khrih i hangin ohte cu Pathian tuah lemdun zo hung. Pathian mi thiangtho in suak zo hung a, a suakcami hi zo hung hi.

2 KORIN 5:17

A kuakua hei hihen Khrih tuah pehzomdun tale semsuah thakmi hi; a nunlun cu bo in siam thakmi hi zo hi.

2 KORIN 5:21

Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.

JAMES 2:22

Mahmi cu thei ma uh cim? A upnak le a dehnak cu hawh langkhat hi. A dehnak hangin a upnak cu cangkim hi.

1 JOHAN 3:24

Pathian thupiakmi a zuitu hempoh cu Pathian tuah umkawmin, Pathian vangin amu lakah um bok hi. Pathian i piakmi Hawvang hangin Pathian cu eimuh tuah umkawm tih thei hung hi.

1 JOHAN 4:17

Thukhennak Ni ten ngalhannak a neihnak tukin itnak cu eimu sungah cangkimtik zo hi. Mahten leihum a nunnak uh cu Khrih nunnak bang a hih hangin mah ngalhannak cu nei loli tuk hung hi.

1 JOHAN 4:18

Itnak sungah thinsuk launak umma hi. Cangkim itnakin thinsuk launak cu botik khawng hi. Mah hangin launak a nei mitei sungah itnak cangkim umma laih hi, itahim titale thinsuk launak cu dantatnak tuah a pehdunmi hi.

1 JOHAN 5:2

Pathian cate it hung hi tih a theihnak uh cu Pathian amah it in, a thupiakmite a zuinak uhin hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

2 JOHAN 1:6

Hi itnak ka tihmi cu Pathian thukham zui kul tihnak hi. Mahmi thukham cu a pat pepan na zaksa uh bangin, itnak tuah nung un tihnak hi.

MANGMUHNAK 12:17

Ngulpi cu numei nu i humah a thinuk leita in, numei i casuante, Pathian thukham zuitu le Jesuh i phuanmi thutak muangkhotute langpang tukin tul lehleu hi.

MANGMUHNAK 14:12

Hiti bang hun ten Pathian mihingte, Pathian thukham a zuitute le Jesuh ca in muantak zetin, a nungtu ten thinsau in thuak theihnak a neihmi haw langtik kul ngangai hi.