1 JOHAN 2:3 - Ngawm Bible

³ Pathian i thupiakmi a zui uh tale amah a theitute hung tih ciang hi.

1 JOHAN 2:3 Iomraidhean Croise

SAAM LABU 119:32

Nangmah in theihtupnak na piak tuk hangin, na thupiakmi cu thatho zetin zui tung.

SAAM LABU 119:6

Na thukhamte zui tukin ka zuamzet tale zakca in um tuk mang!

ISAIAH 53:11

Haksatnak a thuak nungten lungdamnak tawk tuk; A thuaknak cu a thawnthong ma hi tih cu thei tuk hi. Amah cu a dik, a manmi keima nadektu a hih hangin ka lungdam ing. Mi tampi tei ca in dantatnak thuak tuk a, amuhte cu a sualnak haw ngaidam tung.

LUKA 6:46

“Jesuh in, ‘Topa, Topa,’ tin sam li sihin, ka hilhmite bawl ma si uh ci?

JOHAN 14:15

Jesuh in, “Keimah na it uh tale ka thupiakte zui tuk uh ci.

JOHAN 15:10

Ka Pa i thupiakte khi, zui in, ama itnak sungah ka um bangbok khin ka thukhamte na ngai uh tale ka itnak sungah umbok tuk uh ci.

JOHAN 15:14

Mahten ka thupiak bangin na bawl uh tale ka ngualcam hi uh ci.

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

HEBRU 5:9

Mi cangkimin, a bawl a thu hangin a thu ngaitu hempoh tei ca in kumkhua nunpatnak bulpi in cang hi;

1 JOHAN 2:13

Pate aw, a pat pepan a um zo mi, na theih uh hangin hi laikuat hi nangmu lakah ngan ing. Khangnote aw, Satan na neh theih uh hangin hih laikuat hi nangmu lakah ngan ing.

1 JOHAN 3:14

Ohte cu thihnak zamsanin, nunnak sungah tum zo hung; tih thei hung hi. Mahtibang a theihnak uh cu a unau uhte a ih uh hangin hi; itnak a nei ngawltu cu thihnak sungah a tang hih laihmi hi.

1 JOHAN 3:19

Mah hangin thutak sungah um hung hi tih a theihnak tuk uh le a lungmu uhin ohte a mawhsiat ten Pathian mai ah lungmuangno in, a umnak tuk uh cu hi bangin hi.

1 JOHAN 3:6

Mah hangin Khrih sungah a ummi hempoh ten sualnak bawlleh haw ma toh hi. Sualnak a bawl lelengtu cu Khrih amu awng ngawltute haw hi.

1 JOHAN 4:13

A Hawvang eimu lakah a piak zo hangin Pathian cu eimu sungah umin, eimuhte vang a sungah um hung, tih ciang zetin thei hung hi.

1 JOHAN 4:7

Ka ih mite aw pa khat le pa khat itdun tuk hung hi. Itahim titale itnak cu Pathian lak pen a hungmi hi. Mi a ittu cu Pathian ca hi in, Pathian theitu hi.

1 JOHAN 5:19

Leihum buppi cu Satan in uk naven ohte cu Pathian ta hung hi tih thei hung.

1 JOHAN 5:2

Pathian cate it hung hi tih a theihnak uh cu Pathian amah it in, a thupiakmite a zuinak uhin hi.

1 JOHAN 5:3

Itahim titale Pathian it hung a tih uh cu a thupiakmi zui hung tihnak hi. A thupiakmi cu ohtei ca in zui tuk haksa ma hi.

MANGMUHNAK 12:17

Ngulpi cu numei nu i humah a thinuk leita in, numei i casuante, Pathian thukham zuitu le Jesuh i phuanmi thutak muangkhotute langpang tukin tul lehleu hi.

MANGMUHNAK 14:12

Hiti bang hun ten Pathian mihingte, Pathian thukham a zuitute le Jesuh ca in muantak zetin, a nungtu ten thinsau in thuak theihnak a neihmi haw langtik kul ngangai hi.

MANGMUHNAK 22:14

A vansilh haw mi thianglim zetin, a sawpciangtute le nunnak thingkung le a ngah eih theihnak thu le khuapi kongka pi pen tum theihnak thu a neitute cu mi lungdam mi haw hi.