1 JOHAN 2:24 - Ngawm Bible

²⁴ Mah hangin, a pat pepan na zak uhmi thu cu nangmu lungmu sungah komzetno in koih unna, pha zetin, na kem uh tale Pa le Capa tuah a pawlkomdun lelengmi hi tuk uh ci.

1 JOHAN 2:24 Iomraidhean Croise

SAAM LABU 119:11

Na humah ka sual ngawlnak tukin, ka lungmu sungah na daan cu koih zo ing.

THUPAUCAP 23:23

Thudik cu lei inna, zuak toh pahsun, Cihnak, nunhilhnak le theihnakte cu lei inna, zuak toh pahsun.

LUKA 1:2

Hi thu a ngat haw ten a piangmi thu cu a pat pepan mit tuah a mutute le mah thu a hilhtu tei hilhnak bangkekin, a ngat haw mi hi.

LUKA 9:44

“Thu pa khat hilh tung a, mahmi cu ituk mahten phawkngilta pahsuh un hi. Mihing capa cu zuakin, thuneitu tei khut sungah piakin um tuk,” ti hi.

JOHAN 14:23

Jesuh in, “Kei a ittu pawpohin ka thu khi ngai tuk hi. Amah cu ka Pa in, it bok tuk a, keimah le ka Pa cu hungin ama lakah um tuk ung hi.

JOHAN 15:7

Keima sungah umin ka thu cu nohtei sungah a kho leng tale na nget uh hempoh cu ngah tuk uh ci.

JOHAN 6:56

Ka taksa ei in, ka thi a intute cu keima sungah nung haw in, kei hei amu sungah nung bok ing.

JOHAN 8:25

Amuh ten, “Akua nge cim?” tin dong haw hi. Jesuh in, “A pattungin ka hilh lelengmi khi ing hi.

FILIPI 4:15

Nangmu Filipi khua miten na theih khawng sa uh hi. Thuthangpha phuangin nadeh ka pattung laih hawng khin Macedonia ngamsung pen ka tul ten keimah bawmtu pawlpi cu nangmuh bek uh ci. Ka sunnak le ka metnakah nohte hi a theihpihtubel hi uh ci.

KOLOSE 3:16

Khrih i thu cu na lungmu sung uhah cangkimno in cam leleng hen. Cihnak namkim tuah pa khat le pa khat zilhdunin thapiadun un. Saam labu sung a la, apdunnak la le la thiangte sa un. Na lungdamnak uh cu la tuah Pathian thangphat un.

HEBRU 2:1

Mah hangin a zaksa uhmi thutak cu hahsuah tuk ngawlin kho zetin a letkhim uh kul tuk hi.

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

1 JOHAN 1:3

Pa le a Capa Jesuh Khrih tuah pawlkomnak a neih uhmi sungah na tel theihnak tuk uhin ka muh uhmi le ka zak uhmi cu nangmuh tei lakah phuang ung hi.

1 JOHAN 1:7

Mahnaven amah cu vaknak sungah a um bangin, eimuhte vang vaknak sungah a um uh tale pa khat le pa khat pawlkomnak nei in, a Capa Jesuh Khrih i thisanin, a sualnak uh hempoh thiangtik zo hi.

1 JOHAN 2:7

Ka ihmite aw, nangmu lak a, ka ngatmi thupiaknak hi a thak hi kha ma hi; a tung pepan na neih uhmi thupiaknak lun khi hi. Mah thupiak lun cu na theihsa uhmi thu hi.

1 JOHAN 3:24

Pathian thupiakmi a zuitu hempoh cu Pathian tuah umkawmin, Pathian vangin amu lakah um bok hi. Pathian i piakmi Hawvang hangin Pathian cu eimuh tuah umkawm tih thei hung hi.

1 JOHAN 4:13

A Hawvang eimu lakah a piak zo hangin Pathian cu eimu sungah umin, eimuhte vang a sungah um hung, tih ciang zetin thei hung hi.

1 JOHAN 4:15

Kua hei hihen Jesuh cu Pathian Capa hi tin, a phuangtu cu Pathian a sungah umin, Pathian sungah vang amah um bok hi.

1 JOHAN 4:16

Mahten eimuh loli in Pathian i eimuhte a itnak cu thei in um hung hi. Pathian cu itnak hi a, itnak tuah a nungtute cu Pathian sungah a nungmi hi. Pathian vang ama sungah nung bok hi.

2 JOHAN 1:2

Itahim titale thutak cu eimu sungah um a, kumkhua in eimu nelah um tuk hi.

2 JOHAN 1:9

Akua hei hihen Khrih thuzilhnak sungah um ngawlin a valthau in, a nungtu cu Pathian nei ma hi. Mahnaven Khrih thuzilhnak sungah a umtu cu, Pathian nei in, a Capa vang nei bok hi.

3 JOHAN 1:3

Nang cu thutak sungah a um lelengmi na hih bang bokin thutak sungah teima zetin, na umnak thu Khristian unau tei hilh ten ka lungdamzet ing.

MANGMUHNAK 3:11

Hungpal tung. Nehtu na hihnak hangin na ngah tukmi laksawng cu kuamah i lonsak theih tuk ngawlin na neihsami komzet kemin hi.

MANGMUHNAK 3:3

Mah bangin a zilh haw mi le na zaksa mite hi phawkngil pahsun: a zui tum inna, na sualnak pen kiklehin hi. Khanglo ngawlin na um tale nguca bangin na lak ka hunlam thei tukma ci.