1 JOHAN 2:22 - Ngawm Bible

²² Mah ahi tale, akua him zolthu sontu; Jesuh cu Khrih kha ma hi, a titu hempoh cu zolthu sontu hi; mahpa cu Khrih i ngalpa hi in, Pa le Capa a nialtu vang hi.

1 JOHAN 2:22 Iomraidhean Croise

MATTHAI 24:24

Itahim titale Khrih man ngawl, naal profette tul haw tuk a, thasiahhuai nalamdangte bawlin a cangthei tawpin, Pathian i tensa mite zol haw tuk hi.

MATTHAI 24:5

Mi tampi ten keima minin hung haw tuk a, ‘Keimah hi Khrih ing hi,’ ti in mi tampi zol haw tuk hi.

JOHAN 8:44

Nohte cu na pa uh Satan i ca hi uh ci. Na pa uh i deihnak bangin nungca nuam uh ci. Amah cu a pattung himpo in laithat hi. Thutak khi ituk mahin len awng ma hi. Itahim titale a sungah thutak umma hi. Zolthu a son ten a bawl lih sa mek bawlleh sal cu poh hi. Itahim titale amah cu zolthu son theimi hi a, zolthu hempoh i pa hi.

1 JOHAN 1:6

Mah hangin amah tuah pawlkomnak nei hung ti thah lengin, thimnak sungah a um uh tale, a ot dan uh hihen, a deh dan uh hihen zolthu son hung hi.

1 JOHAN 2:18

Ka cate aw, hun dawlbel nai zo! Khrih i ngal hung tuk tih thei uh ci; atu-in Khrih i ngal tampi lang zo hi; mah hangin dawltabel hun nai zo tih thei hung hi.

1 JOHAN 2:23

Itahim titale Capa a nialtu cu Pa vang nial bok hi. A kuakua hei hihen Capa a umtu cu Pa vang um bok tuk hi.

1 JOHAN 2:4

Mi pa kha khatin, Pathian thei ing tin tituk naven a thupiakmi a zui ma tale zolthusonin, a sungah thutak umma hi.

1 JOHAN 4:20

Kua hei hihen Pathian it ing ti thah leng na pi in, a unau a huatu cu zolthu son hi. Itahim titale mit a muhmi, a unau hei a it ma tale muh theih ngawlmi Pathian cu it thei tukma hi.

1 JOHAN 4:3

Mahnaven kua hei hihen mahti bang a phuang nuam ngawltu cu Pathian lak pen a hungmi Hawvang neitu kha ma hi. A neihmi hawvang cu Khrih i ngal lak pen a hungmi hi. Khrih i ngal cu hung tuk hi tin za zo uh ci, atu-in hi leihumah heng zo hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

2 JOHAN 1:7

Mizoltu tampi leihumah heng zo haw hi. Mah mizoltu ten Jesuh Khrih cu mihingin hung ma hi, tin a titu cu Khrih i ngalte haw hi.

JUDE 1:4

Itahim titale eimuh tei lakah Pathian cu imah in, a simsial ngawltute a theih uh ngawlin tumin, a ngamtat phat ngawlnak haw selcipnak tukin Pathian Thuthangpha cu a ping le pengah hilh haw a, eimuh tei Uktu le Topa Jesuh Khrih cu lawl haw hi. Mahtibang mihingte cu siatsuahnak co haw tuk hi, tin Lai Thiangtho sung pen tanglaihin hilhhamsa khawng zo hi.

MANGMUHNAK 3:9

Ngai un! Judah mi hi ung ti sihin, ahi ngangai ngawl zolthu sontu Satan mihingte cu na lakah hawhin, na mai ah kuntik tung hi. Nangmah ka ihnak thu hi a venghawng haw in thei haw tuk hi.