1 JOHAN 2:20 - Ngawm Bible

²⁰ Mahnaven nohte cu Khrih in Hawvang thiangtho a buak zo hangin na venghawng uhin thutak theitu hi uh ci.

1 JOHAN 2:20 Iomraidhean Croise

SAAM LABU 16:10

Itahim titale mithi khua ah hawh phal tukma hi, Na ihmi cu khuk thukzet sungah zamthong tukma ci.

SAAM LABU 23:5

Ka ngal tei muh cilcelah kei an luihin, ka lu ah sathau thihsak ci a, ka khuat cu dimlet hi.

SAAM LABU 45:7

A manmi cu deih ci a, a pha ngawl cu hua ci. Mah hangin Topa na Pathian in nang cu teng zo hi. Midang hempoh sangin na humah lungdamnak cu buaksuk zo hi.

SAAM LABU 71:22

Phaidaak tuah nangmah thangphat hihim tung. Maw ka Pathian, muantak na hihnak cu thangphat tung. Ka phaidaak tumthahin, na lakah lasa tung; Maw nang, Israel tei mi thiangtho.

SAAM LABU 92:10

Nangmah in khuicang bangin caktik ci; Nunnopnak thupha muicu pia zo ci.

THUPAUCAP 28:5

Mi suaksual ten thudik hi iti bang him tih thei haw ma hi. Mahnaven Pathian a biatu ten a ciangno in thei haw hi.

ISAIAH 43:3

Itahim titale keimah cu Topa na Pathian ing. A pantu Israel i Pathian thiangtho ing. Nangmah luattik nuamin Izipt lawl saw tung. Ethiopia le Seba vang nunghek tung hi.

ISAIAH 61:1

Topa i hawvang cu ka lakah umin, a ngilnak tuah dimtik hi. Topa in keimah tengin, mi ca-ngah tei lakah thuthang pha hilh tukin, lungmu tamzante damtik tukin, ngalmatmi tei lakah luatnak thuthantu tukin, thawngta mitei lakah luatnak thu hilhtu tukin hah zo hi.

JEREMIAH 31:34

Kua ma mah Topa thei tukin zilhdun kulleh haw tukma toh. Itakaw titale a ngeng le neu tih um ngawl, a venghawng haw in thei khawng haw tuk hi. A sualnak haw ngaidam tung, a mawhnak haw cing leng tuk mang. Keimah, Topa in hilh zo ing,” tin ti.

THIAMPI NADEHNAK 7:35

Hihi cu Topa i thiampi dek tukin apdun ni-in, an tuah biakpiaknak sung pen Aaron le a capa tei covo hi.

MATTHAI 13:11

Jesuh in amu lakah, “Vancung ngam thukuh theih theihnak cu nangmu lakah piak hi zo naven mipi tei lakah piak hi kha ma hi.

MARKA 1:24

“Nazareth khua mi Jesuh aw, kohtei lakah i bawl tuk nei nge cim? Keimuh siatsuah tukin hung cim maw? Akua nge cim tih thei leng ung hi; Nang cu a Pathian i mi Thiangtho hi ci,” tin ngingzet auto hi.

LUKA 4:18

“Topa i Hawvang cu ka humah um hi. Itahim titale mi ca-ngah tei lakah lungdamnak thuthangpha phuang tukin sathau thihsakin kei cu teng zo hi. Saltangmi tei lakah luatnak thu hilh tukin le mitcaw tei khua muhleh theihnak tukin keimah teng zo hi. Bawlsiat thuakte luattik tukin le

LUKA 4:34

“Nazareth Jesuh, iti bangin kohte bawl tum cim? Keimuh siatsuah tukin hung cim maw? Akua cim tih thei ing. Pathian profet thiangtho hi ci!” ti hi.

JOHAN 14:26

Mahnaven Ka Pa in keima minin, a tiik tukmi Bawmtu, Hawvang Thiangtho in, nohte cu ihempoh hilh tuk hi. Nangmuh ka hilhmi thu hempoh cinglengtik tuk hi.

JOHAN 16:13

Mahnaven Hawvang Thiangtho a hen ten Pathian i thutak langtiktu a hih hangin thutak hempoh sungah lamhuai tuk hi. Ama thuno in, awn tukma naven a zakmi cu hilhin, a heng tuk laihmi thu vang hilh tuk hi.

NUNGZUITU 10:38

Nazareth mi Jesuh i humah iti bangin Pathian in Hawvang Thiangtho le huham buak him tihvang cu thei khawng uh ci. A lakah Pathian a um hangin khua hempoh ah hawhin, thilpha bawl pepel hi. Satan i khalhsiatmi hempoh damtik khawng hi.

NUNGZUITU 3:14

Jesuh cu mi thiangtho le miphazet hi naven noh ten kik uh ci; mah i humah Pilat lakah laithattu saw hah tukin ngen uh ci.

1 KORIN 2:15

Hawvang a neitu ten ihempoh theicel khawng haw hi; mahnaven amah cu kuamah in theicel thei haw ma hi.

HEBRU 1:9

A dikmi cu deihin, a khialmi cu hua ci. Mah hangin ven Pathian, na Pathian in teng zo hi. Na ngualcam tei lak a piakmi sangin a ngeng saw cuangmi upat lungdamnak pia hi,” ti hi.

HEBRU 8:11

Kuamah in, a unau le amu ngamsung a phunpih hihen, ‘Topa thei un,’ a tihdun haw kul tukma hi. Itahim titale upabel pen nautabel tianin, a venghawng haw in thei khawng haw tuk hi.

1 JOHAN 2:27

Nohte cu Khrih in, nangmu humah a Hawvang a buak zo hangin mah a Hawvang cu nangmu sungah a um sungin midang tei zilh lih kulma toh uh ci. Itahim titale a Hawvangin ihempoh hilhin, a hilhmi cu zolthu kha ma, thuman hi; mah hangin Hawvang i zilhmi cu zui unna, Khrih tuah pehzomdun lelengin um un.

1 JOHAN 4:13

A Hawvang eimu lakah a piak zo hangin Pathian cu eimu sungah umin, eimuhte vang a sungah um hung, tih ciang zetin thei hung hi.

JUDE 1:5

Na theihsa zo uhmi hi. Topa in Israel mite Izipt ngam pen doksuakin, a dawllam ten a um ngawltute cu siatnakah hengtik hi, tih hi na theih tukin deih ing.

MANGMUHNAK 3:7

“Filadelfia pawlpi i vancungmi lakah hi bangin nganin hi. “A thiangthomi le a dikmi i thucahmi cu hi bangin hi. Amah cu David i tawh keemtu na hi a, kongka a honmi kuamah in khak thei haw tukma hi. Ama khahmi cu kuamah in hong thei haw tukma hi.

MANGMUHNAK 4:8

Mah nganhing pa li ten ha pa luk ten nei haw a, mah hate cu a sunglam, a pualamin mit nguakcang tuah dim hi. Sun le zan catngawlin, “Thiangtho, Thiangtho, Thiangtho, Cungnungbel Topa Pathian, um zo, umlaih le a um tuk laihmi hi,” tin lasa haw hi.