1 JOHAN 2:17 - Ngawm Bible

¹⁷ Leipi le a sung ummi na le mihing tei a deih tutun haw mite thamthong pepel zo hi. Mahnaven Pathian deihnak a bawltu cu kumkhua nung tuk hi.

1 JOHAN 2:17 Iomraidhean Croise

SAAM LABU 102:26

A venghawng haw in pai khawng haw tuk hi. Mahnaven nang cu kumkhua in kho tuk hi. Puan bangin thek tuk ci a, pai lalthong khawng haw tuk hi.

SAAM LABU 143:10

Nangmah cu ka Pathian ci; Na deihmi bawltu tukin zilhin hi. Ka humah pha zal inna, lampi lawnah pui zalin hi.

SAAM LABU 39:6

Alim uh bang thong hi. A dehmi hempoh cu a thawnthong suak khawng hi. Neih le lam cum pepel naven a cotu tuk ngangai thei ma hi.

SAAM LABU 90:9

Na thinuknak hangin ka khan uh comtik hi. Ka nunnak uh cu thusiam aw bangin tham hi.

THUPAUCAP 10:25

Huihsia a theu ten mipha ngawlte cu mutvawk khawng tuk hi. Mahnaven midikte cu him haw tuk hi.

MATTHAI 21:31

Hi capa pa nih tei lak pen akua saw in kaw a pa i deihnak a bawltu?” tin dong hi. Amuh ten, “A capa upa saw,” tin don haw hi. Jesuh in, “Thungai in hilh ing: siahkhontu le numei pha ngawlte hi nangmu laih ngawlin Pathian Uknak sungah tum haw tuk hi.

MATTHAI 24:35

Lei le van cu bo haw tuk naven, ka awnkam cu bo awng hihim tukma hi.

MATTHAI 7:21

‘Topa, Topa,’ tin a sam litu hempoh ten vancung Uknak sungah heng khawng haw tukma hi. Vancung a um ka Pa i deihnak a bawltute bekin heng haw tuk hi.

MARKA 3:35

Pathian i deihnak bangin a nungcatute cu ka unau, ka u le nau le ka nu hi haw tuk hi.”

JOHAN 4:14

Mahnaven ka piakmi tui a intute cu ituk mahten dangdumleh haw tukma toh hi. Keima piak tukmi tui cu a sungah ciktui in cang tuk a, mahmi in nunnak tui le kumkhua nunnak pia tuk hi,” ti hi.

JOHAN 6:58

Hihi van pen a hungsukmi cangho hi. Hi cangho cu na pu le pa tei eihmi tuah bangve ma hi, na pu le pa ten ei haw naven thi leng haw hi. Mahnaven hi cangho a eitu cu kumkhua in nung haw tuk hi,” tin Jesuh in ti hi.

JOHAN 7:17

Pathian i deihnak a bawl nuam ngangai ten ka zilhmi thu hi Pathian lak pen a heng ngangai mi maw, keima lungmu thong him tih cu khenkhuai thiam haw tuk poh hi.

ROM Khua Khristian Tei Lakah Paul i Laikuat (Paul’s Letter to the Romans) 12:2

Hi leihum mihing nundan hi zui kha toh pahsuh un; mah sangin na sunglam uh pen Pathian in, na lungmu uh thek khawng saw hen. Pathian i deihnak cu thei tuk uh ci a, Pathian mai ah a pha mi, a lungdamnak tuk ikaw tih cu cangkimin thei tuk uh ci.

1 KORIN 7:31

leihum nate a ngaisungtu ten leihum nate bek buaipih ngawl bangin um haw hen. Itahim titale leihum hi tubang ahi tale ngeiphat tukma toh hi.

KOLOSE 1:9

Hitih bangin na thu le la uh ka theihbek uhten nangmu ca thungen leleng ung. Pathian in ama deihnak theih theihnak tukin Hawvang i piakmi cihnak le theihtupnak tuah a dimtiknak tukin Pathian nelah ngen ung hi.

KOLOSE 4:12

Epafras in nuksat bok hi, amah cu nangmu pawlah sungtel hi a, Khrih Jesuh i nadektu hi. A lungmu tatak tuah nangmu ca thungen lelengin, kho zetin, na din theihnak tukin, Khristian lamah piting na hih theihnak tukin le na upnak uh thu na theihciang theihnak tukin Pathian nelah ngen mek hi.

1 THESALON 4:3

Pathian in nohte cu a thiangthomi le nupa sualnak bawl tuk ngawlin deih hi.

1 THESALON 5:18

Na hum uhah ithu bang thu a heng hei in lungdam thu hilh un. Khrih Jesuh tuah a pehzommi na nunnak uhah mahtih bangin nung tukin Pathian in deih hi.

HEBRU 10:36

Pathian deihnak a bawl thei tukin le a thutepmi co thei tukin thinsau in um un.

JAMES 4:14

Na nunnak uh cu zingten i cang tuk him tih thei ma uh ci. Na nunnak uh cu hun comno sungah zaamin, a thaamleh theimi meingo bang hi.

1 PETER 1:5

Hun dawlbel ten langtik tukin, atu a koihsami nunpatnak cu upnak hangin Pathian i huham tuah cinkhawimi nangmuh tei co tukmi lo le lam hi.

1 PETER 4:2

Mah hangin tu pepan leihum nunnak huncan na neih sung uh hempoh mihing deihnak hi ngawlin, Pathian deihnakin uk hen.