1 JOHAN 2:16 - Ngawm Bible

¹⁶ Leihum i na hempoh sualnak tisa i deihmi mihing tei muhmi le deihmi na, mihing tei ultung tuangkhawnnak hempoh hi pa khatno hei Pa i lak pen a hungmi kha ma hi. A venghawng haw in, lei pen a hungmi ngeh hi.

1 JOHAN 2:16 Iomraidhean Croise

PIANPATNAK 3:6

Numei nu in, huan laizang a, thingkung i mawidan le a ngah a uk oldan cu mu in, cihnak cu iti zahin pha tuk him tin ngaisung hi. Mah hangin thingngah cu thawi in, ei hi. A pasal lakah pia in, a pasal vangin, na ei lualuam bok hi.

PIANPATNAK 6:2

pathian i capa ten mah khanglai a muh haw ten mawi a sakzet haw taktoh cu a deih haw mi tengin huai haw hi.

JOB Laibu (The Book of Job) 31:1

Sual nuamnak tuah khanglai zo tuk ngawlin thukam zo ing.

SAAM LABU 73:6

Mah hangin a ultunnak cu khi-ngui bangin ok haw in; mi nehsiahnak cu puan bangin silh haw hi.

SAAM LABU 78:18

Pathian cu khingkhai him haw in, a deihmi an ngen him haw hi.

SAAM LABU 78:30

Mahnaven a eih laihtak haw in, a khenkhat cu tai zetin, a eih man lai haw ngawlin hi.

THUPAUCAP 27:20

Mihing tei deihnak cu mithi khua bang hi. Deihnak cu bo ni nei ma hi.

THUPAUCAP 6:25

Mahtibang numei tei mawinak deih pahsun, a mit hah haw sungah awk kha pahsun.

DANIEL 4:30

“Zo un, Babilon a thawmngeng dan hi! Ka khuapi ah bawlin ka huham le ka ngilnak, ka sunloihnak le ka thawm ngengnak langtik tukin bawl ing,” ti hi.

MIPUM SIALNAK 11:34

Mah laih mun cu Kibroth Hatavah tin sam haw hi. A tih nuammi cu “Duhnahnak Khan” tihnak hi. Itahim titale cik duhnapzettu mi tampi cu mah laihah thi in, a vui haw hangin hi.

MIPUM SIALNAK 11:4

Israel tei lak a, ngamdangmi khenkhat ten cikdun nuamzet haw hi. Amuh Israel mi lala vang phuciakin, “Cik piatu kuamah um haw ma maw?

MATTHAI 4:8

Satan in, Jesuh cu mual sangpi humah hawhpihin, leihum a ngam hempoh cu a thawmngengnak tuah lak khawng hi.

MATTHAI 5:28

Mahnaven kei in: hazawlnak mit tuah numei a zotu cu a lungmu in, mah nu tuah sual zo, tin hilh ing.

LUKA 4:5

Satan in hawhpih leleu in, mitphelep sungin leihum ngam hempoh lak hi.

ROM Khua Khristian Tei Lakah Paul i Laikuat (Paul’s Letter to the Romans) 13:14

A Topa uh Jesuh Khrih khi ngaldonak thuam bangin silh unna tisa sual nuamnak le nopsaknak hun khi tawp toh un hi.

1 KORIN 10:6

Hi thu hempoh hi ohtei zohteh tuk mite hi. Amuh bang bokin thilpha ngawlte deihin, a um bok tuk ngawlin ngallinnak piatu hi.

GALATI 5:17

Itahim titale mihing tisa i deihmi cu Hawvangin hua in, Hawvang i deihmi cu mihing tisa vangin hua bok hi. Mahpa nihte cu a ngaldun haw hi. Mah hangin na nuammi khi bawl thei ma ci.

GALATI 5:24

Jesuh Khrih i ta a himi in, mihing tei taksa deihnak le tisa nopnak cu thinglamtehah khencih zo haw toh hi.

EFESA 2:3

Thungai in, a ti uh tale, a venghawng uhin amuhte bangbok leleng hung hi; nuammi poh zui in, a lungmu uh le a taksa uh i nuam babangin bawl hung hi. Eimu hihnak bangkekin, a ti uh tale ohte vang, midangte bang bokin Pathian i thinuknak a thuaktu tukte hung hi.

TITUS 2:12

Mah hehpihnakin Pathian ziaza tuah a lemcang thei ngawlmi nundan le leihum tisa nopnakte zamsan tukin zilh hi. Mahten mah le mah ukduncop theimi le diknak le hi leihumah Pathian tuah a lemcangmi ziaza tuah a nun theihnak tuk uhin hilh sih bok hi.

TITUS 3:3

Itahim titale eimuh hei nidang laihin misilzet le thu ngai ngawlmi hi hung a, khialzet hung hi. Tisa deihnak le nopnak a phunkim i sal hi hung hi. Mi nautatnak le mi cinnakin, a hun le can uhte mang hung hi. Miten hua in, eimuhte vangin hua bok hung hi.

JAMES 3:15

Mahtibang cihnak cu vancung pen a hungmi kha ma hi. Leihum cihnak cu hawvang dotu cihnak hi in, dawi siasuak cihnak saw khi hi.

JAMES 4:16

Mahnaven a tubang ahi tale pualthau le ngalin ultungzet uh ci, mahtih bang ultunnak cu a pha ngawlmi hi.

JOSHUA 7:21

A lon uhmi na lak pen Babilon puan mawino pa khat, cuai nih bang a ngitmi ngun khal khat le tikal sawm nga ngit sui lom mu ing a, ka deih leita hangin la ing. Ka buk sungah cawi tumin phum ing hi, mu tuk uh ci, a nuaibelah ngun khal koih ing,” ti hi.

1 PETER 1:14

Pathian deihnak zui unna, na theih laih ngawl uh hun a, na neih uhmi tisa deihnakin, na nunnak uh ukleh toh pahsuh hen.

1 PETER 2:11

Ka ihmi ka ngualcamte, hi leihumah mikhual le ngaltaimi bangkek hi nave uhcin, nangmuh tei lakah hehpih kun ing. Hawvang tuah a ngaldun lelengmi tisa i deihnakin neh pahsuh hen.

2 PETER 2:10

Mahten dantatnak thuak tukin a khawihmi cu Pathian thuneihnakte nautatin, amuh tei tisa deihnak, a nawngkaimi taksa nopnak a zuitute haw hi. Hi zilhsualtute cu pualthau in, ngilozet haw hi; humlam van a ummite imah simsial ngawlin zawnsak haw hi.

2 PETER 2:18

Pualthaunak le awn pha ngawlte awnin, nungcang sual sung pen a suak ca semmi sualnak thangah awkleh tukin a tisa nopnak khi mang haw hi.