1 JOHAN 2:10 - Ngawm Bible

¹⁰ A kuakua hei hihen a unau a ittu cu vaknak sungah umin, midang sualtiknak a sungah imah umma hi.

1 JOHAN 2:10 Iomraidhean Croise

SAAM LABU 119:165

Na daan a deihtute cu humhimnak cangkim ngah haw. Imah in bahtik thei ma hi.

HOSEA 6:3

Topa cu thei tukin zuam nung. Amah cu oh tei nelah zinglam sial ten khuavak bangin hung tuk a, lei kawttiktu khuapi nguah bangin pelh ngawlin hung tuk ti haw hi.

MATTHAI 13:21

Lungdam zetin pom haw naven, amu sung thukpi ah a mut ngawl hangin ngeiphat ma hi. A pom haw mi thu le la hangin haksatnak le bawlsiatnak a hen ten tawpleh paih haw hi.

MATTHAI 18:7

Leihumah hinmi tei upnak a pialtik thei thil tampi a um hi poi ngangai hi. Mahti bangin um leleng tuk laih hi, mah bangin a pialtiktu cu thusia co haw tuk hi.

JOHAN 11:9

Jesuh in, “Ni khat sungah nazi sawm le pa nih hi ma maw? Mah hangin mi pa khat sun ni cangcai a hawhtu cu bah awng tukma hi. Itahim titale hi leihum khuavaknak khi mu hi.

JOHAN 12:35

Jesuh in, “Nohtei lakah khuavaknak hun demno sung um tuk laih hi. Khuavaknak nohtei lakah a umlaihin, khuathimnak nohtei humah a heng tuk ngawlin mailamah nawt leleng un hi.

JOHAN 8:31

Jesuh in, amah a umtu Judah mitei lakah, “Ka thuzilhnak na zui uh tale ka nungzuitu tatak hi tuk uh ci.

ROM Khua Khristian Tei Lakah Paul i Laikuat (Paul’s Letter to the Romans) 14:13

Mah hangin pa khat le pa khat sonsiat dunnakte cawl toh nung. Mah sangin sualnakah a lupbah tuk ngawlin ngaisung saw un hi.

FILIPI 1:10

Mahtin na khangto uh tale, a phabelmi khi teng thiam tuk uh ci. Jesuh Khrih i Ni ten nawngkainak le mawhsiatnak hempoh pen thiang tuk uh ci.

2 PETER 1:10

Mah hangin u le naute, Pathian i samnak le tennakte khi kumkhua kho tukin zuam dedeuh un. Mahtin na bawl uh tale na upnak uh pen pial awng tukma uh ci.

1 JOHAN 2:11

Mahnaven a unau a huatu cu khuathim sungah a ummi hi; khuathim sungah vakvai in khuathimnakin, a mit a cawtik hangin ilai lam zuan hing ngim tih hei thei ma hi.

1 JOHAN 3:14

Ohte cu thihnak zamsanin, nunnak sungah tum zo hung; tih thei hung hi. Mahtibang a theihnak uh cu a unau uhte a ih uh hangin hi; itnak a nei ngawltu cu thihnak sungah a tang hih laihmi hi.