1 JOHAN 1:9 - Ngawm Bible

⁹ Mahnaven Pathian nelah a sualnak uh a phuang uh tale amah cu muantak le a dikmi a hih bangin a khelhnak uhte zah tuk a, a sualnak uh hempoh thiangtik tuk hi.

1 JOHAN 1:9 Iomraidhean Croise

1 KUMPI 8:30

Keimah hihen, ka mihingte hihen, hi munah thu ka nget uhten hu ngai zalin hi. Vancung na umnak pen hu ngai inna, kohte cu thei in, ka sualnak uhte ngaidam zalin hi.

1 KUMPI 8:47

na mihing tei thungetnak cu ngai zalin hi. Mah ngam pen sualsikin, na lakah thungenin, a sualdan haw le a phatngawl dante na lakah a phuang haw tale, maw Topa, hehpih a ngetnak haw cu ngai zalin hi.

NEHEMIAH 1:6

Maw ka Topa, na mit tuah hu zo inna, Israel mi na sila tei ca in sun le zan thu ka ngetnak hi ngai sak zalin hi. Na humah Israel mite cu sual ngangai zo ung, mah ka sualnak uh cu phuang ing. Ka pu le pa uhte sual haw in keimah vang sual ing.

SAAM LABU 19:12

Mai khelhnak a thei theitu akua um him? Kua ma theih ngawlmi ka sualnak pen thiangtikin hi.

SAAM LABU 32:5

Na lakah ka sualnak cu phuang ing; ka bawl sualmi pa khatmah im mang. Ka sualnakte na lakah phuang tukin ka khencat bek ten Topa in ka sualnak hempoh cu zah hi.

SUAHTULNAK 34:7

A khomi ka ihnak cu khang thawng tampi tian kimtik ing, a mawhnak haw, a siatnak haw le a sualnak haw ngaidam ing. Mahnaven a pa tei sualnak hangin a canau haw le a casuan haw cu khang thum khang li tian thukleh tung,” ti hi.

THUPAUCAP 28:13

Na sualnak sel na tum ahi tale na san sungah na bawl nuammi nate bawlsuak thei tukma ci. Na sualnak cu phuang inna, vawkin, mahten Pathian in hehpih tuk hi.

ISAIAH 45:21

Na thu uh khentute cu pa khat le pa khat thuvaikum haw tahen. Thuneitute cu pa khat le pa khat thuvaikum haw tahen! Tanglaih cawngin hi thilte cang tuk laih hi, tin, a sontu cu akua kaw? A mihingte a pantu Pathian, Topa keimah hi ma ing maw? Pathian dang kuamah umma hi.

JEREMIAH 3:13

Topa na Pathian lakah sual zo toh navecin, amah na donakte a ciangno in, phuang vanglakin hi. Ka thukhamte zui ngawlin thingcam nuai hempoh ah ngamdang tei khawhuai biakmi na ngaihnak thu phuang khawngta pohin hi. Keimah, Topa in hilh zo toh ing tin,” ti hi.

JEREMIAH 33:8

A sualnak haw le ka humah a khelhnak haw cu somciang siuhseuh tung a, sualnak haw le ngal a thawhnak haw cu ngaidam khawng tung hi.

KAH LA 3:23

Zing khuavak bangin thak leleng. Muantak a hihnak cu nasezet hi.

EZEKIEL 36:25

Tuithiang tuah theh tung a, milim biaknak le a nawngkaitiktu hempoh vang thiangthotik tung.

EZEKIEL 37:23

Ningdelhhuai milimte tuah nawngkai duncop haw tukma toh a, sualnak tuah nintik duncop haw tukma toh hi. Sualnak bawlin keimah a naunehnak haw hempoh pen luattik tung hi. Thiangthotik tung a, ka mihing hi in, a Pathian haw hi tuk toh ing.

ZEKHARIAH 9:9

Lungdam un, Zion mite, na lung uh dam un! Jerusalem mite aw, lungdamin au leilui un! Na kumpipa uh a hun laihin, zo un! Ngalnehtu a hih uh hangin nehnak tuah hung hi, mahnaven mi niamkhiatnak tuah laak dawnno, laak cano hum khungin hung hi.

MATTHAI 3:6

A sualnak haw phuangin, Jordan ngunah tuiphum haw hi.

MARKA 1:5

Johan i thuhilhmi ngai tukin Judah ngam le Jerusalem khua sung a, mi hempoh cu hung haw hi. A sualnak haw siklehin, Jordan Ngunah tuiphum haw hi.

LUKA 22:57

Mahnaven Peter in “Numei nu, hi pa hi akua him tih hei thei kha mang tin nial hi.”

JOHAN 17:25

A dikcangmi Pa aw! Leihum ten nangmah thei haw ma naven kei in nangmah thei ing a, nangma tiikmi ka hihlam cu thei bok haw hi.

NUNGZUITU 19:18

Thu umtu tei sung pen mi tampi hungin mipi tei mai ah a bawl mekmi khi phuang haw hi.

1 KORIN 1:9

A Capa Jesuh Khrih a Topa uh tuah pawlkomnak nei tukin a samtu Pathian cu muantak hi.

1 KORIN 6:11

Mi khenkhat cu mahti bang sualnak a bawlte hi uh ci. Mahnaven sualnak pen thianthohtikmi le Pathian nelah apmi hi zo uh ci; Topa Jesuh Khrih le a Pathian uh i Hawvang thawmin Pathian tuah lemduntikmi hi zo uh ci.

EFESA 5:26

Hitih bangin a bawlnak cu pawlpi hi, tui sungah a somciangnak hangin a thianthohtik nungten a thu in Pathian nelah ap tukin hi.

DAAN PIAKLEHNAK 7:9

Topa na Pathian uh cu Pathian tatak hi a, amah a ittu le a thupiakmi a zuitu hempoh tei humah san thawng khat tian a catngawlmi itnak langtik tuk hi.

1 TIMOTE 1:15

Khrih Jesuh cu misual tei nunpan tukin leihumah tolh hi tihmi cu a manmi awn hi a, cangkim zetin pomtak le santak hi, mah misual tei lak pen kei cu misualbel ing.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 10:23

Muansannak nei hung tin, a langtik uhmi khi, khim zetin pom tuk hung; itahim titale a thutepnak a kimtiktu Pathian cu muantak hi.

HEBRU 11:11

Abraham cu tekzet zo in, Sarah vang ca nei theileh ngawl toh naven upnak a neih hangin Abraham cu pa in cang hi. Pathian in, a thutepmi cu bawlsuak tuk hi tin um hi.

HEBRU 6:10

Pathian in mi deidan ma hi. Na nadeh uhmi ah Pathian na itnak uh langtikin, Khristian unaupihte na bopnak uh le atu na bop lih laih uhte khi Pathian in sialsiah sak leleng hi.

1 JOHAN 1:7

Mahnaven amah cu vaknak sungah a um bangin, eimuhte vang vaknak sungah a um uh tale pa khat le pa khat pawlkomnak nei in, a Capa Jesuh Khrih i thisanin, a sualnak uh hempoh thiangtik zo hi.

MANGMUHNAK 15:3

Pathian i nadektu Moses le Tuuno i la hi tin sa haw hi. “Topa, Cungnungbel Pathian, na thil bawlmi hi izahta in thasiah huai kaw! Minam hempoh tei kumpi bawi, na lampi cu izahin, a dik le a manmi hi haw him?