1 JOHAN 1:4 - Ngawm Bible

⁴ Ka lungdamnak uh kim hen tin, hilai hi nangmuh tei lakah ngan ung hi.

1 JOHAN 1:4 Iomraidhean Croise

ISAIAH 61:10

Topa i thil bawlnak hangin Jerusalem cu a lungdam tuk hi. Huaidunnak tukin van a thuamdunmi monu bang haw hi. Pathian in patnak le nehnak tuah thuamtik zo hi.

JOHAN 15:11

Ka lungdamnak nohtei sungah umin, nohtei lungdamnak a cangkim theihnak tukin hi thu cu nohtei lakah hilh ing.

JOHAN 16:24

Tuni tian ka min suangin, na nget uhmi imah umma laih hi. Ngen unna, ngah tuk uh ci a, mahten na lungdamnak uh cangkim tuk hi.

JOHAN 3:29

Huaimi mothak cu a huaitu tangvalpa ta hi; mahnaven zihuaitu tangvalpa i ngualcam, dingin, a aw nging a ngaitu pa cu, tangvalpa i aw a zak ten a lungdamnak cu cangkim hi.

2 KORIN 1:24

Na upnak tuk uh thu pen hi tin, muang unna, hi cu muang pahsuh un tin thuneih tum ma ung. Na upnak uhah khohzet uh ci tih cu thei ung hi. Nangmuh tei lungdamnak tukin nadek langkhat saw hung hi.

EFESA 3:19

A itnak cu cangkim zetin theih khawng cu um awng tukma naven theileh leng tuk poh uh ci. Mahten a cangkimmi Pathian a hihnak tuah na nunnak uh cu dim zal tahen.

1 JOHAN 2:1

Ka cate aw, sualnak na bawl ngawlnak tuk uhin hilai hi nangmuh tei lakah ngan ing. Mahnaven pa kha khatin sualnak a bawl tale, a dikcangmi Jesuh Khrih, eimu ai-awhin Pa Pathian nelah thu a hilhsak theitu nei hung hi.

2 JOHAN 1:12

Son tuk tampi nei ing; mahnaven lai le laitui tuah hilh tuk mang. A lungdamnak uh a cangkim theihnak tukin nangmu lakah zinin bulpak otpih nuam ing.