1 JOHAN 1:1 - Ngawm Bible

¹ A pat pepan a um sami nunnak Thu cu nangmu lakah lai tuah ngan ing. Mah thu cu za ung a, mit tuah ka muh cilcel uhmi le khut tuah ka zen uhmi loli hi.

1 JOHAN 1:1 Iomraidhean Croise

ISAIAH 41:4

Hi bangin a ngaisungtu cu akua hum? Leihum tangthu ah cang tukin a tumtu cu akua hum? Topa keimah cu a pattungin um zo toh ing. Topa Pathian keimah cu a tawpnakah hei in um tung hi.

MIKAH 5:2

Topa in, “Bethlehem Efrathat, nang cu Judah peng sung pen khua neubel pa khat hi navecin na sung pen Israel uktu suaktik tung hi. A pianpatnak cu tanglaih cawng pepan zo tin,” ti hi.

LUKA 1:2

Hi thu a ngat haw ten a piangmi thu cu a pat pepan mit tuah a mutute le mah thu a hilhtu tei hilhnak bangkekin, a ngat haw mi hi.

LUKA 24:39

Ka khut, ka ke zo hem un, keimah ngangai ing. Zo teh unna, mah bek ten thei pheng tuk uh ci. Thi-la in, taksa le nguh nei ma hi, mahnaven kei cu nei ing,” ti hi.

JOHAN 19:35

Mah thil a mutu amah loli i otmi hi na up theihnak tukin hi. A hilhmi cu a dikmi hi, amah vangin thutak son ing hi tih khi thei hi.

JOHAN 20:27

Mahten Thomas i lakah, “Hilai ah na khutzung tuah zenin, ka khut zo inna, na khut tuah ka naak hi zenin hi. Umthei ngawlin um toh pahsun; um tohin,” ti hi.

JOHAN 5:26

Pa amah loli khi nunnak bulpi hi. Mah hangin Capa vang nunnak bulpi in bawl zo hi.

JOHAN 8:58

Jesuh in, “Thutakin hilh ing. Abraham pian laih ngawlin kei um zo ing hi,” tin don hi.

NUNGZUITU 1:3

A thih nungten ni sawm li sung amu lakah vei tampi langin nungleh zo hi tih kuamah i el theih hihim tuk ngawlin phun tampi in langtik hi.

NUNGZUITU 4:20

Itahim titale keimuh loli in, ka muh uhmi le ka zak uhmi cu phuang ngawlin um thei ma ung,” tin ti haw hi.

HEBRU 2:3

Mahtibang ahi tale oh ten a thupi zetmi nunpatnak hi imah simsial ngawlin a um uh tale itin kaw bawlsiatnak a luat theih tuk uh? Topa amah loli in, hi nunpatnak thu cu than masabelin, a zatu hempoh ten a dikzia langtik zo haw toh hi.

1 JOHAN 4:14

Pa in, a Capa cu leihum nunpantu tukin hah hi, tihmi amutu le a hilhtu cu eimuhte hung hi.

1 JOHAN 5:7

Theihpihtu pa thum um haw hi:

MANGMUHNAK 1:11

Mahmi aw, ngingin, “Na muhmi hilai sungah ngan inna, mah laibu cu Efesa, Smyrna, Pergamum, Thiatira, Sardis, Filadelfia le Laodisia khua salih a ummi pawlpi tei lakah kuatin,” ti hi.

MANGMUHNAK 1:8

Cungnungbel Topa Pathian in, “Kei cu Alfa le Omega, ihempoh i bulpatnak le a tawpnak ing.” A bosa hun, tu hun le a heng tuk laihmi hunah hei in, a um leleng tukmi ing, ti hi.

MANGMUHNAK 19:13

A vansilhmite cu thisan bang khawng hi. A min cu, “Pathian Thu,” hi.

MANGMUHNAK 2:8

“Smyrna pawlpi i vancungmi lakah hi bangin nganin hi. “A bulpatnak le tawpnak, thi naven a nunglehmi i thucahmi cu hi bangin hi.