Wulo 2:3 - BAEBOLO ANZƐƐ BULUKU NWUANZANWUANZA

³ Na ayi, ɛdawɔ mumua ne ɛyɛ nyɛleɛ mɔɔ ɛbua awie mɔ nwolɛ fɔlɛ la bie. Ɛnee ɛdwenle kɛ ɛkɛvi nu wɔ Nyamenle ndɛnebualɛ ne anu ɔ?

Wulo 2:3 Iomraidhean Croise

2 Sam 10:3

Amɔn mgbanyima ne hanle hilele Heenɛn kɛ, “Kabezɛ ɛdwenle kɛ ɛ ze ewule ne ati a Devidi ɛzoa menli kɛ bɛrayɛ wɔ gyakɔ a? Ɔnle nɔhalɛ fee. Yezoa bɛ kɛ bɛranlea kɛ suakpole ye si to kɔ la amaa yearaho yeali yɛ nwo zo konim na yeava maanle ne.”

Edwɛndolɛ Buluku ne 50:21

Bɛyɛ ɛhye mɔ, noko mendɛne bɛ zo, bɛdwenle kɛ mele kɛ bɛdabɛ la. Na kɛkala metwi bɛ nyunlu, na meava bɛ nwo edwɛkɛ meado gua.

Edwɛndolɛ Buluku ne 56:7

Yemɔti maa bɛ munzule ɛbɔ bɛ ti, O Nyamenle, dua wɔ ɛya ne azo ka menli ne gua.

Mrɛlɛbulɛ Buluku ne 11:21

Nwu ye kɛ sonla mɔɔ di ɛtane la ɛnrɛva ɔ nwo dwɔɔ, na bɛdabɛ mɔɔ bɛbɔ tenlene ɛbɛla la anwo bavi nu.

Mrɛlɛbulɛ Buluku ne 16:5

Ɛdɛnkɛma kyi sonla mɔɔ le mgbanyizonle la; nwu ye kɛ sonla zɛhae ɛnrɛva ɔ nwo dwɔɔ.

Yizikeɛle Buluku ne 17:15

Noko Dwuda belemgbunli ne dele atua na ɔzoanle ɛbɔfoɔma wɔ Yigyibiti, amaa Yigyibitima amaa bɛ mgbɔnwɔ nee ɛlɔnema dɔɔnwo. Na ɛnee ɛnea a, asoo belemgbunli ɛhye bayɛ kpalɛ? Asoo sonla mɔɔ yɛ ninyɛne ɛhye mɔ la fi ɛsalɛ? Asoo ɔbahola yeatulu ngyekyeleɛ ne na yeava ɔ nwo dwɔɔ?

Yizikeɛle Buluku ne 17:18

Kɛmɔ ɔdonle ndane ne na ɔtulule ngyehyɛlɛ ne la ati, kɛmɔ ɔkponlenle ngyehyɛlɛ ne azo na akee ɔziale ɔyɛle ninyɛne ɛhye mɔ la ati, ɔ nwo ɛnrɛvi nu.”

Daneɛle Buluku ne 10:19

Ɔzele me kɛ, “Ayi, Nyamenle kulo wɔ kpole, mmasulo. Anzonudwolɛ ɛha wɔ. Gyinla ɛ nwo na si ahonle.” Ɔhanle zɔhane la, akee menyianle anwosesebɛ na menganle kɛ, “Me menle, tendɛ, na kɛkala, wɔmaa menyia anwosesebɛ.”

Edwɛkpa ne kɛmɔ Mateyu hɛlɛle la 23:33

Nwɔlɛ! Ɛkyelebenle mralɛ! Bɛdwenle kɛ bɛnrɛbua bɛ ewule fɔlɛ bɛnrɛmaa bɛnrɛhɔ abɔnsam senle nu ɔ?

Edwɛkpa ne kɛmɔ Mateyu hɛlɛle la 26:53

Ɛnze kɛ mekola mesɛlɛ Egya moalɛ, na ɛkɛ ne ala ɔmaa anwuma soanvolɛma mɔɔ bo ekpunli bulu nee nwiɔ la ba ɔ?

Edwɛkpa ne kɛmɔ Luku hɛlɛle la 12:14

Gyisɛse buale ye kɛ, “Me gɔnwo, nwane a manle me tumi kɛ membua ndɛne anzɛɛ mengyɛ bɛ mu nwiɔ bɛ agya ninyɛne memaa bɛ a?”

Edwɛkpa ne kɛmɔ Luku hɛlɛle la 22:58

Ɔ nzi hyɛle ekyii la, nrenya bie ɔdaye ɔranwunle Pita na ɔzele kɛ, “Ɛdawɔ noko ɛboka bɛ nwo!” Pita zele kɛ, “Ayi, memboka nwo!”

Edwɛkpa ne kɛmɔ Luku hɛlɛle la 22:60

Na Pita buale kɛ, “Yɛmenle, menze mɔɔ ɛlɛka la anwo bie fee!” Na ɛkɛ ne ala, mɔɔ ɛnee ɔ nloa wɔ zolɛ ɔlɛtendɛ la, akɔlɛ bɔle.

Wulo 1:32

Bɛze noko kɛ Nyamenle mɛla ne kile kɛ bɛdabɛ mɔɔ bɛbɔ ɛbɛla zɛhae mɔ la fɛta ewule, noko bɛyɛ, yɛɛ bɛsi awie mɔ adua bɛmaa bɛyɛ bie.

Wulo 2:1

Zɔhane ati ayi, wɔmɔ a ɛle nwane bɔbɔ a, ɛnlɛ adenle ɛmbua awie mɔ ndɛne hweledede. Saa ɛbua awie ndɛne wɔ ye nyɛleɛ nwo a, ɛnee ɛlɛbua ɛ nwo fɔlɛ, ɔboalekɛ ɛdawɔ mumua ne mɔɔ ɛlɛbua ndɛne ne la ɛyɛ nyɛleɛ ko ne ala mɔɔ ahenle mɔɔ ɛlɛbua ye ndɛne la yɛ la bie.

Wulo 2:2

Yɛze kɛ saa Nyamenle tea bɛdabɛ mɔɔ bɛbɔ zezɛhae ɛbɛla la a ɛnee ɔfɛta.

Wulo 9:20

Na ayi, ɛdawɔ bɔbɔ a le nwane na wɔayeye Nyamenle anloa azo? Buakɛ ɛngola ɛmbiza mɔɔ nwonle ye la kɛ, “Duzu ati a ɛnwonle me zɛhae ɛ?”

1 Tɛs 5:3

Mekɛ mɔɔ menli kɛdwenle kɛ akee “Debie biala ɛla boɛ” la, mekɛ ne anu ala yɛɛ munzule ne bazi a. Biala ɛnrɛvi ɛsalɛ, ɔbayɛ arɛlevilɛ nu kɛ raalɛ mɔɔ ako ɛha ye la.

Kɛlata mɔɔ bɛhɛlɛle bɛhɔmanle Hibuluma la 12:25

Zɔhane ati, bɛnlea boɛ, na bɛamkpo kɛ bɛnrɛdie mɔɔ ɛlɛtendɛ la. Bɛdabɛ mɔɔ bɛkpole kɛ bɛnrɛdie mɔɔ hanle Nyamenle anloa edwɛkɛ ne hilele bɛ wɔ azɛlɛ ye azo la, anvi ɛsalɛ. Na saa akee yɛmɛ yɛkpo kɛ yɛnrɛdie mɔɔ tendɛ fi anwuma lɔ kile yɛ la a, kɛ ɔkɛyɛ na yɛavi ɛsalɛ ɛ?

Kɛlata mɔɔ bɛhɛlɛle bɛhɔmanle Hibuluma la 2:3

Na saa yɛanzɔ ngoanelielɛ kpole mɔɔ le zɛhae la anu a, ɛnee kɛ ɔkɛyɛ na yɛavi ɛsalɛ ɛ? Awulae mumua ne lumuale bɔle ngoanelielɛ ɛhye anwo nolo, yɛɛ bɛdabɛ mɔɔ bɛdiele ye la ɛhile ɛmaa yɛnwu kɛ ɔle nɔhalɛ.