Wulo 13:2 - BAEBOLO ANZƐƐ BULUKU NWUANZANWUANZA

² Zɔhane ati mɔɔ kɛtia mgbanyima mɔɔ wɔ zo la, ɛtia menli mɔɔ Nyamenle ɔdaye yeye bɛ kɛ bɛbu maanle ne la, na mɔɔ kɛyɛ ye zɔ noko la twe ndeanlɛ maa ɔ nwo.

Wulo 13:2 Iomraidhean Croise

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:8

Na Mosisi hanle kɛ, “Nɔsolɛ nu Ɛdɛnkɛma bamaa bɛ nane bɛali na nwonlomɔ nu yeamaa bɛ kpanwo bɛali bɛ ko ayi, ɔboalekɛ Ɛdɛnkɛma ɛde bɛ ɛdendɛlɛ mɔɔ bɛtendɛ bɛtia ye la, na yɛmɛ, yɛle duzu? Tɛ yɛmɛ yɛɛ bɛtendɛ bɛatia yɛ a, bɛtendɛ bɛtia Ɛdɛnkɛma.”

Ayezaya Buluku ne 58:2

Dahuu bɛkpondɛ me na bɛkulo kɛ bɛnwu me ndenle ne mɔ, kɛ asɛɛ bɛle maanle mɔɔ bɔ tenlene ɛbɛla na bɛtɛkpole medame, bɛ Nyamenle ne mɛla ne mɔ la. Bɛsɛlɛ me kɛ membua ndɛne tenlene nu, bɛkulo kɛ bɛtwe bɛbikye me.

Edwɛkpa ne kɛmɔ Mateyu hɛlɛle la 23:13

“Munzule ɛha bɛmɛ mɛla kilehilevolɛma nee Falasiima! Nabalabama! Bɛmɛ, bɛto Anwuma Belemgbunlililɛ anlenkɛ ne anu bɛmaa menli ne ka ɔ nzi; bɛmɛ a, bɛnrɛhɔ nu, yɛɛ akee noko bɛnrɛmaa bɛdabɛ mɔɔ bɛlɛbɔ mɔdenle bɛahɔ nu la adenle bɛnrɛmaa bɛnrɛhɔ nu. [

Edwɛkpa ne kɛmɔ Maake hɛlɛle la 12:40

Bɛbɛlɛbɛla ahunlanvolɛ mraalɛ bɛbɔ bɛ awuke ne mɔ na bɛakpati bɛayɛ nwolɛ nzɛlɛlɛ ndendenle. Bɛ ndeanlɛ bayɛ kpole kpalɛ!”

Edwɛkpa ne kɛmɔ Luku hɛlɛle la 20:47

Bɛbɛlɛbɛla ahunlanvolɛ mraalɛ bɛbɔ bɛ awuke ne mɔ, na akee bɛakpati bɛayɛ nwolɛ nzɛlɛlɛ ndendenle. Bɛ ndeanlɛ bayɛ kpole kpalɛ!”

Wulo 13:1

Ɔwɔ kɛ awie biala bu mgbanyima mɔɔ ɛlɛbu maanle ne la, ɔboalekɛ tumi biala ɛnle ɛkɛ mɔɔ Nyamenle ɛnze nu a, yɛɛ mgbanyima mɔɔ wɔ zo kɛkala la, Nyamenle a ɛva bɛ ɛzie ɛkɛ a.

Wulo 13:3

Ɔluakɛ ɔnle kɛ awie biala mɔɔ di boɛ la sulo menli mɔɔ maanlebulɛ ne wɔ bɛ sa nu la kyesɛ menli mɔɔ di ɛtane la ala. Bɛmkpondɛ kɛ bɛsulo sonla mɔɔ tumi wɔ ɔ sa nu la ɔ? Ɛnee bɛbɔ ɛbɛla kpalɛ, na ɔkɛhanvo bɛ.

Wulo 13:5

Ɛhye ati ɔwɔ kɛ bɛtie na bɛyɛ mɔɔ menli mɔɔ tumi anzɛɛ maanlebulɛ ne wɔ bɛ sa nu la kɛze bɛ la, tɛ kɛ Nyamenle kɛdea bɛ la ati ɔ, na bɛ adwenle nu te wienyi la ati ɔ.

Wulo 9:19

Bie babiza me kɛ, “Saa ɔle zɛhae a, ɛnee kɛ ɔyɛ mɔɔ Nyamenle tɛnwu nvonleɛ wɔ sonla nwo ɛ? Nwane yɛɛ kɛhola kɛzi Nyamenle ɛhulolɛdeɛ ne aze a?”

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:1

Kakye wɔ menli ne kɛ bɛha bɛ nwo aze bɛmaa arelemgbunli nee bɛdabɛ mɔɔ tumi wɔ bɛ sa nu la, bɛdie bɛ edwɛkɛ na bɛbɔ ɛbɛla kpalɛ wɔ adenle biala anu.

Gyemise Kɛlata ne 3:1

Me mediema! Ɔnle kɛ bɛ nuhua dɔɔnwo yɛ kilehilevolɛma, ɔboalekɛ bɛze kɛ yɛmɛ kilehilevolɛma bɛbabua yɛ ndɛne fenlefenle bɛadɛla menli mɔɔ ɛha la.

1 Pit 2:13

Awulae ati bɛha bɛ nwo aze bɛmaa menli mɔɔ lɛ tumi wɔ bɛ sa nu mɔɔ le kɛ Maanle Maanle Belemgbunli ne, mɔɔ yemɔ a maanle ne anu tumi wɔ ɔ sa nu la,