Wulo 10:3 - BAEBOLO ANZƐƐ BULUKU NWUANZANWUANZA

³ Ɔluakɛ bɛgyakyi fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la, na bɛpele bɛva bɛ ngome bɛ fɔɔnwoyɛlɛ adenle ɛdeɛ zo; bɛanva nɔhalɛ fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la azo.

Wulo 10:3 Iomraidhean Croise

Nihɛmaya Buluku ne 9:33

Ɛdi benle kɛ wɔhwe yɛ nzo a; yɛyɛ ɛtane bɔbɔ ɛdeɛ, noko wɔli nɔhalɛ.

Dwobu Buluku ne 33:27

na ɔto edwɛne ɔkile menli, ɔse kɛ, ‘Menyɛle ɛtane, na mengyile nɔhalɛ, na meannyia nwolɛ ndeanlɛ.

Edwɛndolɛ Buluku ne 71:19

O Nyamenle, wɔ tumi nee wɔ kpalɛyɛlɛ dwu anwuma lɔ. Wɔyɛ ninyɛne mgbole, O Nyamenle, nwane a le kɛ ɛdawɔ a?

Ayezaya Buluku ne 51:1

Ɛdɛnkɛma se, “Bɛdabɛ mɔɔ bɛkpondɛ ngoane, bɛdabɛ mɔɔ bɛkpondɛ Ɛdɛnkɛma moalɛ la, bɛdie! Bɛnlea bodane ne mɔɔ bɛkpukele bɛyele bɛ nu, awolɛdulɛ kuma ne mɔɔ bɛdule bɛ nu la.

Ayezaya Buluku ne 51:6

Bɛdo bɛ nye anwuma bɛnlea, na bɛdo bɛ nye bɛnlea azɛlɛ ye, ɔluakɛ anwuma baminliminli kɛ esike; azɛlɛ ye batete kɛ ɛdanlɛ, na bɛdabɛ mɔɔ bɛde zolɛ la bawu kɛ ngokowule. Me ngoanelielɛ ne wɔ ɛkɛ dahuu, na me konimlilɛ ɛnrɛwie ɛlɛ.

Ayezaya Buluku ne 51:8

Ɔluakɛ ɛlɛtɛba bali bɛ kɛ bɛdi ɛdanlɛ, yɛɛ sone bali bɛ kɛ bɛdi boane enrinli la; na me konimlilɛ ne badɛnla ɛkɛ ne dahuu, me ngoanelielɛ ne badwu awolɛndoazo kɔsɔɔti anwo zo.”

Ayezaya Buluku ne 56:1

Ɛdɛnkɛma se, “Bɛli pɛlepɛle na bɛbɔ tenlene ɛbɛla, na ɔnrɛhyɛ biala na me ngoanelielɛ ne ara, na mealie bɛ ngoane.

Ayezaya Buluku ne 57:12

Nea, meka bɛ tenleneyɛlɛ ne nee bɛ nyɛleɛ ne mɔ meahile bɛ, na bɛkɛnwu kɛ ɔnrɛboa bɛ.

Ayezaya Buluku ne 64:6

Yɛ muala yɛyɛ menli mɔɔ anwo ɛnde a, yɛɛ yɛ ɛbɛla kpalɛ biala le kɛ tɛladeɛ mɔɔ ɛhu la. Yɛ muala yɛwu kɛ ɛyɛne, yɛɛ yɛ ɛtane ne mɔ ɛyɛ kɛ anwoma la, bɛpia yɛ bɛkɔ.

Gyɛlɛmaya Awolɛyelɛ 3:22

Ɛdɛnkɛma ɛhulolɛ kpundii ne ɛmbɔ aze, ye anwunvɔnezelɛ ne abo ɛndu ɛlɛ;

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Sɛlɛ 26:41

mɔɔ yemɔti medame memkpole bɛ na menvale bɛ mengɔle bɛ kpɔvolɛma maanle nu la bɛto gua, na saa akee bɛbɛlɛ bɛ ahonle ne mɔ mɔɔ ɛsolo la aze, na bɛsia bɛ nzi bɛfi bɛ amumuyɛ ne mɔ anwo a,

Edwɛkpa ne kɛmɔ Luku hɛlɛle la 10:29

Na kɛmɔ mɛla kilehilevolɛ ne kpondɛ kɛ ɔbua ɔ nwo benle la ati, ɔbizale Gyisɛse kɛ, “Na me gɔnwo a le nwane?”

Edwɛkpa ne kɛmɔ Luku hɛlɛle la 16:15

Gyisɛse zele bɛ kɛ, “Bɛmɛ, bɛle menli bie mɔɔ bu bɛ nwo wɔ menli nyunlu kɛ asɛɛ bɛdi pɛlepɛle, noko Nyamenle ze bɛ ahonle ne mɔ anu. Ɔluakɛ mɔɔ menli dwenle a ɔsonle bolɛ wɔ bɛ nye zo la le debie mgbane wɔ Nyamenle anye zo.

Wulo 1:17

Ɔluakɛ ɔvi mɔlebɛbo ne kɔdwu awieleɛ ne amuala, Nyamenle dua diedi zo a maa menli sɔ ɔ nye a. Nyamenle Edwɛkɛ ne se, “Mɔɔ bɛkɛlua ye diedi zo bɛkɛmaa ɔkɛzɔ Nyamenle anye la banyia ngoane.”

Wulo 10:2

Mekola medi daselɛ kɛ me menli ne lɛ Nyamenle anwo ɛhulolɛ kpole kpalɛ; noko bɛ ɛhulolɛ mɔɔ bɛlɛ ye wɔ Nyamenle anwo la ɛngyi nɔhalɛ ndelebɛbo kpalɛ zo.

Wulo 10:20

Ayezaya noko si ɔ kɛnra ka kɛ, “Menli mɔɔ ɛnee ɛmkpondɛ me la ɛnwu me; meye me nwo mehile menli mɔɔ ɛmbiza me bo zo la.”

Wulo 11:7

Duzu bieko? Yizilayɛma annyia mɔɔ bɛkpondɛ la. Menli ekyi bie mɔɔ Nyamenle kpale nu yele bɛ la a nyianle ye a. Mɔɔ hale la yɛle anzosesebɛ.

Wulo 3:22

Nyamenle dua menli diedi mɔɔ lɛ ye wɔ Gyisɛse Kelaese anu la azo a maa bɛsɔ ɔ nye a. Nyamenle yɛ ɛhye maa bɛdabɛ mɔɔ bɛdie Kelaese bɛdi la amuala, ɔboalekɛ ngakyile fee ɛnle nuhua;

Wulo 3:26

na kɛkala ɔ nee menli di wɔ bɛ ɛtane nwo, ɔfa ɔkile ye tenleneyɛlɛ ne. Nyamenle dua adenle ɛhye azo kile kɛ ɔle tenlenenli na ɔmaa awie biala mɔɔ die Gyisɛse di la sɔ ɔ nye.

Wulo 5:19

Kɛmɔ sonla ko anzosesebɛ ti menli muala yɛle ɛtanevolɛma la, zɔhane ala yɛɛ ɔlua sonla ko anzomɛlɛkɛ zo menli somaa bazɔ Nyamenle anye a.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Mɛla 6:25

Na saa yɛnea boɛ na yɛdi ye mɛla ne azo nɔhalɛ nu, kɛmɔ ɔdaye Ɛdɛnkɛma yɛ Nyamenle ne yeze yɛ la a, yɛbazɔ ɔ nye.’

Pɔɔlo Kɛlata mɔɔ ɔhɛlɛle ɔhɔmanle Felepaema la 3:9

na bɛanwu kɛ me nee ye lua. Medame mumua ne menlɛ tenleneyɛlɛ biala menyɛ kɛ medi mɛla ne azo la ati ɔ. Me tenleneyɛlɛ lua kɛ medie Kelaese medi la ati ɔ. Tenleneyɛlɛ ɛhye vi Nyamenle ɛkɛ na ɔdua yɛ diedi zo a ɔfa ɔmaa a.

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.