Wulo 1:3 - BAEBOLO ANZƐƐ BULUKU NWUANZANWUANZA

³ Edwɛkpa ɛhye fane ɔ Ra ne, mɔɔ le yɛ Awulae Gyisɛse Kelaese, mɔɔ saa nwonane nu a ɔle Devidi anlɔnra,

Wulo 1:3 Iomraidhean Croise

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Edwɛndolɛ Buluku ne 2:7

Mebabɔ Ɛdɛnkɛma mɛla ne nolo; ɔzele me kɛ, “Ɛle me ra nrenya, ɛnɛ yɛɛ mewo wɔ a.

Gyɛlɛmaya Buluku ne 33:26

ɛnee mebakpo Gyekɔbo nee me sonvolɛ Devidi abo zo amra ne mɔ, yɛɛ menrɛmaa Devidi abo zo sonla ɛnrɛzie Ebileham, Ayezeke, yɛɛ Gyekɔbo abo zo amra. Ɔluakɛ mebaze bɛ anwunvɔne na meamaa bɛakpazi.”

Emɔzo Buluku ne 9:11

Ɛdɛnkɛma se, “Mekɛ ɛlɛba mɔɔ mebava Devidi belemgbunli maanle ne mɔɔ ɛtete kɛ sua mɔɔ ɛyɛ kpasakpasa la gyinlabelɛ ne meamaa ye bieko. Mebalie ye bane ne mɔ fofolɛ meazie bɛ bo zo ne mɔ, na meakyekye maanle ne fofolɛ meayɛ ye kɛ ye dɛba ne ala la.

Edwɛkpa ne kɛmɔ Mateyu hɛlɛle la 1:1

Gyisɛse Kelaese abusua ɛlɔnwɔne ne ɛne. Gyisɛse le Devidi angabɛnzo yɛɛ Devidi le Ebileham alɔnra.

Edwɛkpa ne kɛmɔ Mateyu hɛlɛle la 1:16

Gyekɔbo wole Dwosefi, mɔɔ ɔ ye a le Mɛle mɔɔ wole Gyisɛse, mɔɔ le Kelaese ne la.

Edwɛkpa ne kɛmɔ Mateyu hɛlɛle la 1:6

Gyɛsi wole Belemgbunli Devidi. Devidi wole Sɔlɔmɔn (ɔ nli a le raalɛ ne mɔɔ Yulaya gyale ye bie la),

Edwɛkpa ne kɛmɔ Mateyu hɛlɛle la 12:23

Ɛhye zinle menli ne anwo, na bɛbizale kɛ, “Asoo tɛ Devidi Ara ne ɛne?”

Edwɛkpa ne kɛmɔ Mateyu hɛlɛle la 15:22

Raalɛ bie mɔɔ boka maanyɛlɛ fane ne mɔɔ bɛfɛlɛ ye Keena la anwo, na ɔvi maanzinli ne anu la rale Gyisɛse anwo ɛkɛ rahanle hilele ye kɛ, “Yɛmenle, Devidi ara! Nwu me anwunvɔne! Sunsum ɛtane bie ɛlɛgyegye me ra raalɛ, na kɛkala ɔyɛ se kpalɛ kpalɛ.”

Edwɛkpa ne kɛmɔ Mateyu hɛlɛle la 26:63

Na Gyisɛse andɛ ɔ nloa anu. Sɛlɛvolɛ Kpanyinli ne akee zele Gyisɛse kɛ, “Nea tease Nyamenle ne anyunlu na ka kile yɛ saa wɔmɔ a ɛle Mɛzaya ne, mɔɔ le Nyamenle Ara ne a.”

Edwɛkpa ne kɛmɔ Mateyu hɛlɛle la 27:43

Ɔfa ɔ rɛle ɔwula Nyamenle nu na ɔka kɛ ɔle Nyamenle Ara. Akee bɛmaa yɛnlea saa Nyamenle kɛlie ye ngoane kɛkala a!”

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

Edwɛkpa ne kɛmɔ Mateyu hɛlɛle la 9:27

Gyisɛse vi ɛkɛ ne na ɔkɔ la, anyenzinliravolɛma nwiɔ doale ye na bɛdeɛdeanle nu bɛzele kɛ, “Gyisɛse, Devidi ara, nwu yɛ anwunvɔne!”

Edwɛkpa ne kɛmɔ Luku hɛlɛle la 1:35

Nyamenle soanvolɛ ne buale ye kɛ, “Sunsum Nwuanzanwuanza ne bara ɛ nwo zo, na Nyamenle tumi ne baheda ɛ nwo zo. Ɛhye ati bɛbavɛlɛ kakula ne Nwuanzanwuanza, yɛɛ Nyamenle Ara.

Edwɛkpa ne kɛmɔ Luku hɛlɛle la 1:69

Yemaa yɛ Ngoanedievolɛ kpole bie mɔɔ vi ye sonvolɛ Devidi abusua nu a.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:34

Na mese, menwu ye, na meka meahile bɛ kɛ, nrenya ɛhye, yemɔ a ɔle Nyamenle Ara ne a.”

Dw 1:49

Natanayɛle hanle kɛ, “Kilehilevolɛ, wɔmɔ a ɛle Nyamenle Ara ne. Wɔmɔ a ɛle Yizilayɛ Belemgbunli ne a!”

Dw 10:30

Selɛ ne nee medame yɛle ko.”

Dw 10:36

ɛnee mame mɔɔ Selɛ ne ɛnlea nu ɛye me, na yezoa me wɔ ewiade ye anu la, saa meka kɛ mele Nyamenle Ara a, ɛnee munzule ne mɔɔ mebɔ la a le boni?

Dw 20:28

Tɔmase buale kɛ, “Me Awulae nee me Nyamenle!”

Dw 20:31

Mɔɔ bɛhɛlɛ ye wɔ ɛke la, bɛhɛlɛ amaa bɛalie bɛali kɛ Gyisɛse a le Mɛzaya ne mɔɔ le Nyamenle Ara ne la, na ɔlua bɛ diedi mɔɔ bɛlɛ ye wɔ ye nu la azo bɛanyia ngoane.

Dw 5:25

Meka nɔhalɛ ne meahile bɛ: mekɛ ɛlɛba, yɛɛ yera bɔbɔ, mɔɔ mɔwuamra bade Nyamenle Ara ne ane, na bɛdabɛ mɔɔ bɛkɛde la bɛbadwazo bɛ bɛara ngoane nu.

Dw 7:42

Nyamenle Edwɛkɛ ne se Mɛzaya ne bayɛ Belemgbunli Devidi dehelɛ, yɛɛ bɛbawo ye wɔ Bɛtelɛhɛm, ɛleka mɔɔ Devidi dɛnlanle la.”

Ɛzoanvolɛma Gyima ne 2:30

Ɔle Nyamenle kpɔmanvolɛ yɛɛ ɔze ɛwɔkɛ mɔɔ Nyamenle ɛbɔ ye a: Nyamenle hanle ndane dole zolɛ kɛ ɔbamaa Devidi abo zo amra ne bie ali belemgbunli kɛ ɔdaye Devidi la.

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

Ɛzoanvolɛma Gyima ne 8:36

Mɔɔ bɛlua adenle zo bɛlɛkɔ la, bɛrale azule bie anloa, na nrenya ne zele Felepe kɛ, “Nea, nzule ɛ! Duzu a si wɔ adenle mɔɔ ɔmaa ɛsɔne me a ɔnyɛ boɛ a?” [

Ɛzoanvolɛma Gyima ne 9:20

na ɔhɔle nyianu azua ne mɔ anu ɔhɔbɔle nolo kɛ Gyisɛse, “Yemɔ a ɔle Nyamenle Ara ne a.”

Wulo 1:9

Nyamenle ne mɔɔ medua ɔ Ra ne anwo Edwɛkɛ Kpalɛ ne nolobɔlɛ zo mefa me ahonle muala mesonle ye la di me daselɛ kɛ mɔɔ melɛka la le nɔhalɛ. Nyamenle ze kɛ dahuu mekakye bɛ

Wulo 4:1

Ɛnee akee Ebileham, mɔɔ le azɛlɛ ye azo yɛ nlenya la, duzu a yɛka ye wɔ ɔ nwo a? Ye ɛbɛla ɛbɔlɛ ne a le boni?

Wulo 9:3

meamaa medame me mbusuafo Dwuuma la. Bɛ ti me kunlu a anrɛɛ Nyamenle ɛdua me kakɛ na yekpɔkye me yevi Kelaese anwo.

Wulo 9:5

Bɛ bo vi Hibulu abusua mgbole ne mɔ anu, yɛɛ Kelaese ne bayɛ sonla la, ɔvi bɛ nu. Ayɛlɛyelɛ ɛha Nyamenle mɔɔ di ɔ muala azo belemgbunli la dahuu. Amen.

1 Kɔl 1:9

Bɛkola bɛfa bɛ rɛle bɛwula Nyamenle ne mɔɔ vɛlɛle bɛ kɛ bɛ nee ɔ Ra Gyisɛse Kelaese, yɛ Awulae ɛradila agɔnwolɛ la anu.

1 Kɔl 10:18

Bɛnlea mɔɔ Yizilayɛma yɛ la. Bɛdabɛ mɔɔ bɛdi azubɔlɛ aleɛ ne la a le menli mɔɔ yɛ gyima wɔ azukponle ne anwo la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:4

Na mɔɔ mekɛ ne dwule la, Nyamenle zoanle ɔ Ra ne manle ɔrale ewiade. Raalɛ a nrenzɛle Ralɛ ɛhye a, na ɔwole ye ɔdole Dwuuma maamɛla ne anu,

1 Tɛs 1:10

Bɛkile kɛ kɛkala bɛlɛkendɛ ɔ Ra Gyisɛse kɛ ɔvi anwuma ɔbara. Yemɔ yɛɛ Nyamenle dwazole ye vile ewule nu, na ɔdie yɛ ɔfi Nyamenle ɛya kpole ne mɔɔ bara la anu a.

1 Tem 2:5

Nyamenle kokye a wɔ ɛkɛ a, yɛɛ pepɛdievolɛ kpɔdavolɛ ko a gyi Nyamenle nee sonla avinli a, yemɔ a le Kelaese Gyisɛse

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

2 Tem 2:8

Kakye Gyisɛse Kelaese, kakye ye ewudwazo ne na kakye kɛ ɔle Devidi anlɔnra. Edwɛkpa ne mɔɔ mebɔ ye nolo la ɛne.

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

1 Dw 3:23

Ye mɛla ne a le kɛ yɛlie ɔ Ra Gyisɛse Kelaese yɛli na yɛhulo yɛ nwo ngoko ngoko, kɛmɔ Kelaese ɔdaye ɔzele yɛ la.

1 Dw 3:8

Na awie biala mɔɔ yɛ ɛtane la le Abɔnsam ɛdeɛ, ɔluakɛ mɔlebɛbo ne Abɔnsam a lumuale yɛle ɛtane a. Deɛ mɔɔ yemɔti Nyamenle Ara ne rale la a le kɛ ɔbazɛkye Abɔnsam gyima biala mɔɔ yeli la.

1 Dw 4:15

Awie biala mɔɔ ka to gua kɛ Gyisɛse a le Nyamenle ara ne la, Nyamenle nee ye de, yɛɛ ɔdaye noko ɔ nee Nyamenle de.

1 Dw 5:1

Awie biala mɔɔ die di kɛ Gyisɛse a le Mɛzaya ne la le Nyamenle ara, yɛɛ mɔɔ kulo wovolɛ ne la kulo ɔ ra ne noko.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

1 Dw 5:5

Nwane a di ewiade ye anwo zo konim a? Yemɔ a le sonla ne mɔɔ die di kɛ Gyisɛse le Nyamenle Ara la.

2 Dw 1:7

Adalɛma dɔɔnwo ɛdwazo ewiade ɛleka muala. Bɛmɛ a le menli ne mɔɔ ɛnlie ɛndo nu kɛ Gyisɛse Kelaese rale kɛ sonla ala la. Sonla zɛhae le mɛlɛbɛla na ɔle Kelaese Kpɔvolɛ.

Yekile 2:18

“Kɛlɛ ɛhye kɔmaa Tayataela asɔne ne Nyamenle soanvolɛ ne. “Nrɛlaleɛ ɛhye vi Nyamenle Ara ne mɔɔ lɛ ɛnyelɛ mɔɔ sɔ kɛ senle, na ɔ gyakɛ anwo ta kɛ ayera mɔɔ bɛhwi nwolɛ la ɛkɛ ne.