Pɔɔlo Kɛlata mɔɔ ɔhɛlɛle ɔhɔmanle Felepaema la 3:6 - BAEBOLO ANZƐƐ BULUKU NWUANZANWUANZA

⁶ Mɔdenlebɔlɛ nu a menyɛle diedima ne kpɔdekpɔde, yɛɛ saa ɔhale kɛ sonla di mɛla ne azo na yeazɔ Nyamenle anye a, anrɛɛ menli fɔlɛ hweledede.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:6 Iomraidhean Croise

2 Sam 21:2

(Yemɔti belemgbunli ne vɛlɛle Gebɛyɔnoma manle bɛrale. Gebɛyɔnoma ɛnle Yizilayɛma. Bɛle Amɔlema ekpunli ekyi bie mɔɔ ɛha a. Yizilayɛma bɔle bɛ ɛwɔkɛ kɛ bɛkɛzinza bɛ, noko Sɔɔlo bɔle mɔdenle biala kɛ ɔkɛbɔ bɛ bo zo bɔkɔɔ, amaa ɔ sa aha Yizilayɛma nee Dwudama.)

2 Arl 10:16

Na ɔzele ye kɛ, “Bɛla maa yɛhɔ na nea kɛ mezi meva me nwo amuala memaa Ɛdɛnkɛma la.” Na bɛ mu nwiɔ bɛdɛnlanle ehwili ne anu bɛhɔle Samɛlea.

Nolo 7:16

Yemɔti mmayɛ kpalɛ somasoma, yɛɛ mmanwu nrɛlɛbɛ somasoma; duzu ati a ɛkɛzɛkye ɛ nwo a?

Sɛlɛ 13:16

Na saa hanlɛ ne mɔɔ kpolo nzule la anyunlu to na ɔyɛ fufule a, ɛnee ɔwɔ kɛ ahenle kɔ sɛlɛvolɛ ne ɛkɛ.

Edwɛkpa ne kɛmɔ Mateyu hɛlɛle la 23:25

“Bɛmɛ mɛla kilehilevolɛma nee Falasiima! Munzule ɛha bɛ! Nabalabama! Bɛmɛ, bɛnrinzi bɛ kanrɛlɛ nee bɛ ɛyɛba nwo, noko bɛdabɛ mumua ne bɛ nuhua, amile nee angomedi ɛyi bɛ tɛkɛɛ.

Edwɛkpa ne kɛmɔ Mateyu hɛlɛle la 5:20

Meka meahile bɛ, kyesɛ bɛ tenleneyɛlɛ tɛla mɛla kilehilevolɛma nee Falasiima ne mɔ, anrɛɛ bɛnrɛnwu Anwuma Belemgbunlililɛ ne ɛlɛ.

Edwɛkpa ne kɛmɔ Luku hɛlɛle la 1:6

Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

Ɛzoanvolɛma Gyima ne 21:20

Mɔɔ bɛdiele ye bɛwiele la, bɛyɛle Nyamenle mo na bɛzele Pɔɔlo kɛ, “Adiema Pɔɔlo, tie yɛ ɛ! Yɛlɛ Dwuuma apenle apenle mɔɔ ɛlie Edwɛkpa ne ɛli, noko bɛli Mosisi mɛla ne anzi kpalɛ kpalɛ a.

Ɛzoanvolɛma Gyima ne 22:5

Sɛlɛvolɛ Kpanyinli ne nee ayia mgbanyima ne mɔ amuala di daselɛ kɛ mɔɔ melɛka la le nɔhalɛ. Menliele ngɛlata wɔ bɛ lɔ kɛ melɛ mekamaa mediema Dwuuma mɔɔ wɔ Dɛmasekɛse la. Na menzile nu kɛ mekahye menli ɛhye mɔ meagua bɛ anga na meava bɛ meara Gyɛlusalɛm, amaa bɛadea bɛ, kɛmɔ ɔfɛta la.

Ɛzoanvolɛma Gyima ne 26:5

Bɛze, yɛɛ saa bɛdi nɔhalɛ a, anrɛɛ bɛkola bɛdi daselɛ kɛ mɔlebɛbo ne amuala ɛnee meboka ɛzonlenlɛ fane ɛsesebɛ ne mɔɔ bɛfɛlɛ ye Falasii la anwo.

Ɛzoanvolɛma Gyima ne 8:3

Na Sɔɔlo bɔle mɔdenle ala kɛ ɔkɛzɛkye Asɔne ne. Ɔwolowolole azua nu ɔhɔhwenle mraalɛ nee mrenya mɔɔ ɛzɔ diedi ne anu la na ɔvale bɛ ɔvindele ɔmanle bɛguale bɛ efiade.

Wulo 7:9

Mekɛ bie mɔɔ ɛnee menze mɛla deɛ holɛ la ɛnee melɛ ngoane, na mɔɔ mɛla rale la, ɛtane dwazole gyinlanle,

1 Kɔl 10:32

Bɛbɔ bɛ ɛbɛla ne mɔɔ bɛndenda Dwuuma anzɛɛ bɛdabɛ mɔɔ bɛnle Dwuuma la nee Nyamenle menli ne agyakɛ anu a.

1 Kɔl 15:9

Ɔluakɛ medame a mele ɛzoanvolɛma ne mɔ anu ekyi kpalɛ kpalɛ, mɔɔ menfɛta kɛ bɛkɛvɛlɛ me ɛzoanvolɛ a, ɔboalekɛ menyɛle Nyamenle menli ne kpɔdekpɔde.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:15

amaa awie annwu nvonleɛ biala wɔ bɛ nwo anzɛɛ anzu bɛ nɔhalɛlilɛ nwo kpolera kɛ bɛle Nyamenle amra mɔɔ evinli fee ɛnle bɛ nwo, wɔ adalɛ nee ɛtane ewiade ye anu a. Saa bɛwɔ bɛ avinli a bɛda kɛ bɛmɛ a bɛle ewiade ahɛnlaneɛ a,

Pɔɔlo Kɛlata mɔɔ ɔhɛlɛle ɔhɔmanle Felepaema la 3:9

na bɛanwu kɛ me nee ye lua. Medame mumua ne menlɛ tenleneyɛlɛ biala menyɛ kɛ medi mɛla ne azo la ati ɔ. Me tenleneyɛlɛ lua kɛ medie Kelaese medi la ati ɔ. Tenleneyɛlɛ ɛhye vi Nyamenle ɛkɛ na ɔdua yɛ diedi zo a ɔfa ɔmaa a.

1 Tem 1:13

Mekɛ bie mɔɔ ɛraze ɛhɔ la menganle munzule edwɛkɛ mentiale ye, menyɛle ye kpɔdekpɔde na menguale ɔ nyunlu aze. Na Nyamenle nwunle me anwunvɔne, ɔluakɛ ɛnee menlɛ diedi, yemɔti ɛnee menze mɔɔ melɛyɛ la.

Maanlebuvolɛma Buluku ne 6:30

Ezuavolɛ ne zele Dwowahye kɛ, “Fa ɛ ra nrenya ne finde maa yɛhu ye, ɔluakɛ yebubu Beeyale azukponle ne na eza yepɛ Ahyela baka ne mɔɔ gyi nwolɛ la.”