Pɔɔlo Kɛlata mɔɔ ɔhɛlɛle ɔhɔmanle Felepaema la 1:20 - BAEBOLO ANZƐƐ BULUKU NWUANZANWUANZA

²⁰ Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20 Iomraidhean Croise

Edwɛndolɛ Buluku ne 119:116

Maa me anwosesebɛ, kɛmɔ wɔ ɛwɔkɛ ne se la, amaa meanyia ngoane; mmamaa me anyelazo wie anyiemgba nu.

Edwɛndolɛ Buluku ne 119:80

Mmamaa medi fɔlɛ wɔ wɔ mɛla ne mɔ anwo, amaa me nyunlu angua aze.

Edwɛndolɛ Buluku ne 25:2

O me Nyamenle, wɔ nuhua yɛɛ me rɛle wɔ a, mmamaa me nyunlu gua aze; mmamaa me kpɔvolɛ si me nwo zo agole.

Edwɛndolɛ Buluku ne 62:5

Nyamenle ala yɛɛ me ɛkɛla yɛ koonwu kendɛ ye a, ɔluakɛ me anyelazo muala vi ye ɛkɛ.

Mrɛlɛbulɛ Buluku ne 10:28

Sonlakpalɛ anyelazo wie fɛlɛkolilɛ nu, na amumuyɛma anyelazo le mgbane.

Mrɛlɛbulɛ Buluku ne 23:18

Nɔhalɛ, alehyenlɛ tɛba yɛɛ wɔ anyelazo ɛnrɛyɛ gyɛne.

Ayezaya Buluku ne 45:17

Ɛdɛnkɛma ɛlie Yizilayɛma ngoane, yemaa bɛ ngoanelielɛ mɔɔ ɛnlɛ awieleɛ, bɛ nyunlu ɛnrɛgua aze anzɛɛ bɛnrɛbɔ anyiemgba ɛlɛ.’ ”

Ayezaya Buluku ne 50:7

Ɔluakɛ Awulae Nyamenle ne boa me, yemɔti me rɛle ɛtɛbɔle. Zɔhane ati meyɛ me nyunlu kɛ ɛtwɛlɛboɔ; meze kɛ me nyunlu ɛnrɛgua aze;

Ayezaya Buluku ne 54:4

Mmasulo, ɔluakɛ ɛ nyunlu ɛnrɛgua aze; mmamaa wɔ ahonle tu, na awie ɛnrɛgua ɛ nyunlu aze, ɔluakɛ ɛ rɛle bavi wɔ mbɛlɛra nu anyiemgba ne, yɛɛ ɛnrɛhakye wɔ kunlanehyilɛ nyanenwunlɛ ne bieko.

Dw 21:19

(Gyisɛse hanle ɛhye hilele adenle holɛ ko mɔɔ Pita balua zo awu awula Nyamenle anyunlunyia la.) Akee Gyisɛse zele Pita kɛ, “Bɛla maa yɛhɔ!”

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Ɛzoanvolɛma Gyima ne 21:13

Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

Wulo 6:13

Eza ɔnle kɛ bɛtu bɛ sonlabaka ne ɛleka biala bɛmaa ɛtane kɛ bɛva bɛyɛ ninyɛndane biala. Bɛva bɛ nwo bɛmaa Nyamenle kɛ menli mɔɔ bɛye bɛ bɛvi ewule nu bɛra ngoane nu, na bɛdu bɛ nwo ɛleka biala bɛmaa Nyamenle kɛ ɔva ɔyɛ gyima mɔɔ sɔ ɔ nye la.

Wulo 6:19

Bɛmaa menga edwɛkɛ ne sikalɛ mɔɔ bɛ adwenle so nu la. Kɛmɔ mekɛ bie bɛyɛle bɛ nwo ahanra bɛmanle ɛtane nee amumuyɛ na bɛyɛle ninyɛndane la, zɔhane ala yɛɛ kɛkala ɔwɔ kɛ bɛyɛ bɛ nwo ahanra bɔkɔɔ bɛmaa tenleneyɛlɛ a, amaa bɛ nwo ade nwuanzaanwu.

Wulo 8:19

Abɔdeɛ muala ɛlɛkendɛ anwolɔlɛ kpole nu kɛ Nyamenle kɛye ɔ mra kɛhile.

Wulo 9:33

Nyamenle Edwɛkɛ ne se, “Nea, melɛfa bolɛ meado Zayɔn mɔɔ bamaa menli akpulokpula a, ɔbayɛ bodane mɔɔ bamaa bɛadu bɛagua a. Na mɔɔ kɛlie ye kɛli la arɛle ɛnrɛbɔ.”

1 Kɔl 15:31

Meka ko ɛhye, mediema! Yɛ Awulae Gyisɛse Kelaese ati, ewule sianle me dahuu wɔ me nwo mɔɔ metu ye wɔ bɛ nwo la anwo.

1 Kɔl 6:20

Ɔdɔle bɛ bolɛ ɛsesebɛ. Yemɔti, bɛva bɛ sonlabaka ne bɛde Nyamenle anyunlu.

1 Kɔl 7:34

Zɔhane ati ye adwenle ne ɛhyɛ nwiɔ. Raalɛ mɔɔ bɛtɛgyale ye la dwenledwenle Awulae gyima ne anwo, ɔluakɛ ɔkpondɛ kɛ ɔtu ye sonlabaka ne nee ye ɛkɛla ne ɔmaa Nyamenle; na awuvolɛ raalɛ dwenledwenle ewiade ninyɛne nwo, ɔluakɛ ɔkpondɛ kɛ ɔmaa ɔ hu anye die.

2 Kɔl 10:8

Ɔnyɛ me nyiane kɛ metu me nwo somaa wɔ tumi ne mɔɔ Awulae ɛva ɛmaa yɛ la anwo a, ɔluakɛ Awulae anva ammaa yɛ kɛ yɛva yɛzɛkye bɛ, ɔse yɛva yɛnlea yɛmaa bɛkpazi.

2 Kɔl 3:12

Kɛmɔ yɛlɛ anyelazo ɛhye la ati, yɛtendɛ a yɛnzulo.

2 Kɔl 4:10

Dahuu yɛte Gyisɛse ewule ne nyane wɔ yɛ sonlabaka ye anu, amaa menli anwu ye ngoane ne noko wɔ yɛ sonlabaka ye anu.

2 Kɔl 5:15

Ɔwule ɔmanle menli muala, amaa bɛdabɛ mɔɔ bɛde ngoane nu la andɛnla ammaa bɛ ngome bɛ nwo, na bɛadɛnla bɛamaa sonla ne mɔɔ bɛ ti a ɔwule na bɛdwazole ye bɛrale ngoane nu la.

2 Kɔl 7:14

Saa mendule me nloa anu mengilele ye wɔ bɛ nwo a, bɛangua me nyunlu aze. Debie biala anu yɛka nɔhalɛ ne yɛkile bɛ, na ɛhye ati yɛɛ yɛ nloa anu mɔɔ yɛdule yɛhilele Taetɛse la ɛyɛ nɔhalɛ a.

2 Kɔl 7:4

Medie bɛ medi, mefa bɛ metu me nwo! Me nwo tɔ me, yɛɛ wɔ yɛ anwongyelelɛ muala anu medi fɛlɛko kpole.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:14

Na me efiadenla ɛhye ɛmaa mediema ne mɔ dɔɔnwo ɛzi pi wɔ Awulae anu na bɛlɛbɔ Edwɛkpa ne nolo mɔɔ bɛnzulo ɛhwee a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

1 Pit 4:16

Na saa awie le Kelaese ɛdoavolɛ la ati ɔnwu amaneɛ a, ɔmmamaa ɔyɛ ye nyiane, na ɔyɛ Nyamenle mo kɛ ɔlɛ Kelaese duma ne anu a.

1 Dw 2:28

Akee me mra ngakula, bɛ nee Kelaese ɛyɛ ko ɛdɛnla, amaa saa Kenle ne dwu na ɔye ɔ nyunlu a yɛazi pi na yɛanva nyiane yɛangɔnwenwe ɛleka bie.