Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:1 - BAEBOLO ANZƐƐ BULUKU NWUANZANWUANZA

¹ Kenle ko ne mɔɔ Mosisi wiele Ɛdɛnkɛma Ndanlɛ Sua ne si la, ɔkpokpale ye nwole na ɔdule Ndanlɛ Sua ne nee nuhua ninyɛne kɔsɔɔti ɔmanle Ɛdɛnkɛma, ɔkpokpale azukponle ne na ɔdule ye nee nwolɛ ninyɛne kɔsɔɔti ɔmanle Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:1 Iomraidhean Croise

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:3

Yemɔti Nyamenle yilale kenle ne mɔɔ tɔ zolɛ nsuu ne la azo, na ɔyɛle ye kenle nwuanzanwuanza, ɔboalekɛ kenle zɔhane a ɔvale ɔliele ye ɛnwomenle, ɔyele ɔ sa wɔ gyima mɔɔ ɔbɔ ewiade la ɔyɛle la anwo a.

1 Arl 8:64

Kenle ko ne ala eza Sɔlɔmɔn bukele alie wienyi ne mɔɔ la Ɛzonlenlɛ Sua ne anyunlu la. Ɛkɛ ne noko, ɔyelale nane ɛnlome ɔbɔle azu yɛɛ ɔbɔle anzonudwolɛ azu. Ɔboalekɛ kɔbele azukponle ne mɔɔ wɔ Ɛdɛnkɛma Ɛzonlenlɛ Sua ne anu la le ekyi maa ninyɛne ne mɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:2

“Tu belamunli mralɛ kɔsɔɔti maa me, sonla o, nane o, biala mɔɔ kɛlumua kɛkpakye awodeɛ wɔ Yizilayɛ maanle nu la le me ɛdeɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:36

Kenle ko biala ku ɛnlankɛ nyinli ko bɔ ɛtane azu, amaa bɛava bɛayɛ mgbɔdalɛ nzɛlɛlɛ. Eza bɔ ɛtane azu maa azukponle ne, kpokpa ye nwole fa nua ye mekɛ biala mɔɔ ɛkɛyɛ mgbɔdalɛ nzɛlɛlɛ ɛkɛmaa azukponle ne la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:11

Eza pe adenle ko ne ala anu tu kyɛnze ne mɔɔ bɛwowo bɛ sa nee bɛ gyakɛ anwo nu la maa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:2

“Ka kile Yizilayɛma ne kɛ bɛmaa wɔ mbaka bulu nee nwiɔ, abusua ekpunli biala abusua kpanyinli ne ɛdeɛ ko. Kɛlɛ awie biala duma wɔ ye baka ɛdeɛ ne anwo

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:10

Kenle mɔɔ bɛkpokpale azukponle ne nwole la, mgbanyima ne mɔ vale azubɔlɛ ninyɛne raguale azukponle ne anyunlu kɛ bɛva bɛdu azukponle ne bɛmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:84

Azubɔlɛ ninyɛne mɔɔ mbusua mgbanyinli ne mɔ vale rale manle bɛvale bɛbɔle azu bɛdule azukponle ne bɛmanle Ɛdɛnkɛma la amuala yɛle zɛhae: - dwɛtɛ fufule bonkuma bulu nee nwiɔ nee dwɛtɛ fufule ahyɛnze kuloonwu bulu nee nwiɔ. Bɛ muala bɛto tone nu kilo abulanwiɔ nee nsuu nee ekyi. - ezukoa nvutuke ahyɛnze ndɛbandɛba bulu nee nwiɔ mɔɔ ɛyɛlɛ ɛyiyi bɛ tetɛkɛɛ; bɛ muala bɛto tone nu kilo ko nee ekyi. - nlankɛ nyinli bulu nee nwiɔ, mboane nyinli bulu nee nwiɔ, yɛɛ mboane nyinli ndonrandonra mɔɔ ɛli ɛvolɛ ngoko la bulu nee nwiɔ nee ma azubɔdeɛ mɔɔ bɛvale bɛbɔle ɛyelalɛ azu ne la. - mbɔnkye nyinli bulu nee nwiɔ mɔɔ bɛvale bɛbɔle ɛtane azu ne la. - nlankɛ nyinli abulanwiɔ nee nna, mboane nyinli abulasia, mbɔnkye nyinli abulasia, mboane nyinli ndonrandonra mɔɔ ɛli ɛvolɛ ngoko la abulasia mɔɔ bɛvale bɛbɔle anzonudwolɛ azu ne la.

Edwɛkpa ne kɛmɔ Mateyu hɛlɛle la 23:19

Bɛle anyenzinliravolɛma amgba! Boni a hyia a, ahyɛlɛdeɛ ne anzɛɛ azukponle ne mɔɔ maa ahyɛlɛdeɛ ne anwo te la?