Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:3 - BAEBOLO ANZƐƐ BULUKU NWUANZANWUANZA

³ (Nɔhalɛ nu, Mosisi le bɛlɛvolɛ. Ɔle bɛlɛvolɛ ɔtɛla dasanli biala mɔɔ wɔ aleɛabo la.)

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:3 Iomraidhean Croise

Edwɛndolɛ Buluku ne 147:6

Ɛdɛnkɛma kpogya mɔɔ le bɛlɛvo la zo, ɔfuandi amumuyɛnli ne ɔto aze.

Edwɛndolɛ Buluku ne 149:4

Ɛdɛnkɛma anye die ye menli ne anwo; ɔmaa mɔɔ le bɛlɛvo la di konim.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:4

Arɛlevilɛ nu, Ɛdɛnkɛma zele Mosisi, Aalɔn nee Meleam kɛ, “Mekpondɛ bɛdabɛ menli nsa ye wɔ Ɛdɛnkɛma Ndanlɛ Sua ne anu.” Na bɛmɛ nsa ne bɛhɔle.

Edwɛkpa ne kɛmɔ Mateyu hɛlɛle la 11:29

Bɛva me gyɛnvayile ne bɛdo bɛ kɔme zo na bɛzukoa mɔɔ meyɛ la, ɔluakɛ mele bɛtɛɛ, yɛɛ memmemaa me nwo zo, na bɛ ɛkɛla ne mɔ anwo kɛdɔ bɛ.

Edwɛkpa ne kɛmɔ Mateyu hɛlɛle la 21:5

“Ka kile suakpole Zayɔn kɛ, Nea, wɔ belemgbunli ne ɛlɛba ɛ nwo. Ɔle bɛlɛvo na ɔde asoaso nee asoaso ralɛ zo.”

Edwɛkpa ne kɛmɔ Mateyu hɛlɛle la 5:5

“Nyilalɛ ɛha bɛdabɛ mɔɔ bɛle bɛlɛvo la; Azɛlɛ ye bayɛ bɛ ɛdeɛ!

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Kɔl 11:5

Menlie menli kɛ bɛ “ɛzoanvolɛma kpalɛ” ne mɔ tɛla me.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

1 Tɛs 2:7

noko kɛmɔ yɛle Kelaese ɛzoanvolɛma la, anrɛɛ yɛkola yɛka kɛ bɛyɛ ye zɔhane. Noko yɛbɛlɛle yɛ nwo aze, wɔ mekɛ mɔɔ ɛnee yɛ nee bɛ de la, na yɛdɛfɛdɛfɛle bɛ kɛ ɛrɛladane mɔɔ ɛlɛdi ɔ mra adane la.

Gyemise Kɛlata ne 3:13

Bɛ nuhua boni a ze nrɛlɛbɛ na ɔlɛ ndelebɛbo a? Bɛmaa ɔva ye ɛbɛlabɔlɛ kpalɛ ɔpɛ kilemunli ɔhile nyɛleɛ kpalɛ mɔɔ bɛfa mɛlɛbɛnwoaze nee nrɛlɛbɛ bɛyɛ la.

1 Pit 3:4

Bɛmaa bɛ nyamenlezo anwofɛlɛko ne mɔɔ wɔ bɛ nu la ɛvinde. Nyamenlezo anwofɛlɛko ɛhye vea bɛ ahonle ne mɔ anu, na yemɔ a le bɛ bɛtɛɛyɛlɛ nee bɛ koonwuyɛlɛ subane ne. Ɛhye a le kɛnlɛma na ɔsɔ Nyamenle anye a.