Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:2 - BAEBOLO ANZƐƐ BULUKU NWUANZANWUANZA

² Bɛhanle kɛ, “Na Mosisi angomekye ala a Ɛdɛnkɛma ɛlua ɔ nwo zo ɛdendɛ a? Na ɔtɛduale yɛdayɛ noko yɛ nwo zo ɔtɛtendɛle ɔ?” Na Ɛdɛnkɛma dele mɔɔ bɛhanle la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:2 Iomraidhean Croise

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:33

Ɔnrenzɛle bieko na eza ɔwole ralɛ nrenya, na ɔzele kɛ, “Kɛmɔ Ɛdɛnkɛma ɛnwu kɛ bɛngulo me la ati yɛɛ yemaa me ralɛ nrenya ɛhye noko a;” na ɔdonle ye Semɛyɔn.

2 Sam 11:27

Bɛwiele ɛzɛne ne yɛ la, Devidi manle bɛhɔvale ye bɛrale ye suakunlu ɛkɛ ne manle ɔrayɛle ɔ ye na ɔ nee ye wole ralɛ nrenya. Na Ɛdɛnkɛma akunlu andwo nyɛleɛ ne anwo.

2 Arl 19:4

Aselea belemgbunli ne ɛzoa ye safohyenlema kpanyinli ne yemaa yerabɔ tease Nyamenle ne aholoba. Medie medi kɛ Ɛdɛnkɛma Nyamenle dele mɔɔ ɔhanle la. Yemɔti sɛlɛ Ɛdɛnkɛma wɔ Nyamenle ne kɛ ɔdie zɛhae aholobabɔlɛ ne na ɔdua menli mɔɔ bɔle aholoba ne la kakɛ, na sɛlɛ Nyamenle maa ye menli ekyi ne mɔɔ ɛha la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:14

Ɛhye manle Ɛdɛnkɛma vale Mosisi anwo ɛya na ɔzele kɛ, “Ɛ diema Aalɔn, Livaenli ne ɛnle ɛkɛ ɔ? Meze kɛ ɔ nloa ɛde kpalɛ; nea, ɔlɛba yearayia wɔ, na saa ɔnwu wɔ a ɔbali fɛlɛko wɔ ye ahonle nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:30

Na Aalɔn hanle mɔɔ Ɛdɛnkɛma hanle hilele Mosisi la amuala hilele bɛ na ɔyɛle nwanwane sɛkɛlɛneɛ ne mɔ wɔ menli ne anyunlu ɛkɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:1

Nzinlii Mosisi nee Aalɔn hɔle Yigyibiti belemgbunli ne ɛkɛ hɔzele ye kɛ, “Kɛ Ɛdɛnkɛma, Yizilayɛ Nyamenle ne se la ɛne, ‘Maa me menli ne ɛhɔ, amaa bɛali ɛvoyia wɔ fienemgbole ne anu bɛawula me anyunlunyia.’ ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:10

Yemɔti Mosisi nee Aalɔn hɔle belemgbunli ne ɛkɛ hɔyɛle mɔɔ Ɛdɛnkɛma zele bɛ la. Aalɔn vuandinle ye kpɔma ne dole belemgbunli nee ye mgbanyima ne mɔ anyunlu ɛkɛ na ɔhakyile ɛwɔlɛ.

Mrɛlɛbulɛ Buluku ne 13:10

Sonla mɔɔ ɛnde folɛ la mgbanyizonle ne fa ye kɔ ngyegyelɛ nu, na mɔɔ te folɛ la ze nrɛlɛbɛ.

Ayezaya Buluku ne 37:4

Aselea belemgbunli ne ɛzoa ye Safohyenlema Kpanyinli ne yemaa yerabɔ tease Nyamenle ne aholoba. Medie medi kɛ Ɛdɛnkɛma wɔ Nyamenle ne dele mɔɔ ɔhanle la, na ɔbadea menli mɔɔ hanle la. Yemɔti sɛlɛ Ɛdɛnkɛma maa ye menli ekyi ne mɔɔ ɛha la!’ ”

Maeka Buluku ne 6:4

Ɔluakɛ me nee bɛ vi Yigyibiti azɛlɛ zo a rale a, memkpɔnenle bɛ menvile akɛlɛzonlenlɛ nu. Memanle Mosisi, Aalɔn, yɛɛ Meleam a lile bɛ ti a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:1

Menli ne dendɛle Ɛdɛnkɛma bɛ nzo abo wɔ nyane mɔɔ ɔlɛkile bɛ la anwo. Ɛdɛnkɛma dele na ɔvale ɛya kpole ɔmanle senle radɔle bɛ avinli yelale azokoɛleɛ ne foa ko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:29

Na Mosisi bizale ye kɛ, “Ɛtwe me ti nungule ɔ? Me kunlu a anrɛɛ Ɛdɛnkɛma ɛva ye Sunsum ne ɛwula ye menli ne nu yemaa bɛ kɔsɔɔti bɛyɛ Nyamenle kpɔmanvolɛma!”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:3

(Nɔhalɛ nu, Mosisi le bɛlɛvolɛ. Ɔle bɛlɛvolɛ ɔtɛla dasanli biala mɔɔ wɔ aleɛabo la.)

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:3

Na bɛzele bɛ kɛ, “Akee bɛyɛ bɛmaa yebo zolɛ! Ɛlɔne ne kɔsɔɔti le Ɛdɛnkɛma menli, yɛɛ Ɛdɛnkɛma nee yɛ muala lua. Duzu ati a bɛvo bɛdɛnla Ɛdɛnkɛma menli ne akɔme zo zɛhae a?”

Wulo 12:10

Bɛva mediema ɛhulolɛ bɛhulo bɛ nwo ngoko kɛ bɛle Kelaese ɛdoavolɛma, na bɛbɔ mɔdenle bɛpele bɛbu bɛ gɔnwo mɔ kpalɛ kpalɛ.

Wulo 12:3

Melua Nyamenle ɛlolɛ ahyɛlɛdeɛ ne mɔɔ yeva yemaa me la azo mese bɛ muala kɛ bɛmmamemaa bɛ nwo zo. Bɛdwenle kpalɛ na bɛbua bɛ nwo ndɛne ngoko wɔ diedi dodo mɔɔ Nyamenle ɛva ɛmaa bɛ la anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:14

Bɛmmatendɛ bɛ nzo abo na bɛsu kpolera wɔ bɛ debie biala ɛyɛlɛ nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”