Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:1 - BAEBOLO ANZƐƐ BULUKU NWUANZANWUANZA

¹ Menli ne dendɛle Ɛdɛnkɛma bɛ nzo abo wɔ nyane mɔɔ ɔlɛkile bɛ la anwo. Ɛdɛnkɛma dele na ɔvale ɛya kpole ɔmanle senle radɔle bɛ avinli yelale azokoɛleɛ ne foa ko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:1 Iomraidhean Croise

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:10

Na mɔɔ ɔyɛle la anzɔ Ɛdɛnkɛma anye, na ɔhunle ɔdaye noko.

2 Sam 11:27

Bɛwiele ɛzɛne ne yɛ la, Devidi manle bɛhɔvale ye bɛrale ye suakunlu ɛkɛ ne manle ɔrayɛle ɔ ye na ɔ nee ye wole ralɛ nrenya. Na Ɛdɛnkɛma akunlu andwo nyɛleɛ ne anwo.

2 Arl 1:12

Na Yilaegya buale kɛ, “Saa mele Nyamenle sonla a ɛnee senle vi anwuma ɛrayela wɔ nee wɔ ɛlɔnema abulanlu ne.” Na ɛkɛ ne ala Nyamenle senle ne vi anwuma rayelale safohyenle ne nee ye ɛlɔnema abulanlu ne.

Dwobu Buluku ne 1:16

Mɔɔ ɔ nloa wɔ zolɛ ɔlɛtendɛ la, ɛbɔfoɔ fofolɛ vindele ɛkɛ razele ye kɛ, “Nyamenle ɛkpakye ɛsɛnlɛmanye ɛhu mboane ne nee sonvolɛma ne mɔ kɔsɔɔti na yeyela bɛ wee. Me ngomekye ala a mevi nu mɔɔ mera mebabɔ wɔ amaneɛ a.”

Edwɛndolɛ Buluku ne 106:18

Eza senle dɔle bɛ avinli; senle ne yelale amumuyɛma ne hunle bɛ.

Edwɛndolɛ Buluku ne 78:21

Yemɔti mɔɔ Ɛdɛnkɛma dele la, ɔvale ɛya kpole, ye ɛya ne zɔle kɛ senle tiale Gyekɔbo abo zo amra ne, ye ɛya ne yɛle kpole wɔ Yizilayɛma anwo zo;

Edwɛndolɛ Buluku ne 78:63

Bɛ mgbavolɛ ne mɔ hale esike nu, yɛɛ bɛ mbɛlɛra ne mɔ annyia agyalɛ angɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:7

Na ye nwonlomɔ nu, bɛbanwu Ɛdɛnkɛma anyunlunyia ne, ɔboalekɛ yede bɛ ɛdendɛlɛ mɔɔ bɛdendɛ bɛtia ye la. Ɔluakɛ yɛmɛ, yɛle duzu mɔɔ yemɔti ɔwɔ kɛ bɛtendɛ bɛtia yɛ a?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:9

Na Mosisi hanle hilele Aalɔn kɛ, “Ka kile Yizilayɛma kɔsɔɔti kɛ bɛrɛla Ɛdɛnkɛma anyunlu ɛke, ɔluakɛ yede ɛdendɛlɛ mɔɔ bɛlɛtendɛ bɛatia ye la.”

Ayezaya Buluku ne 10:17

Yizilayɛ wienyi ne bayɛ senle; Yizilayɛ Nwuanzanwuanza Ko ne bayɛ senle tafinlima ayela mbowule nee mbowunzaka kenle kokye yeamaa bɛadɔ nzonle.

Ayezaya Buluku ne 30:33

Bɛziezie ɛleka wɔ ɛkɛ ne dɛbadɛba mɔɔ bɛbava bɛayela Aselea belemgbunli ne a. Nuhua le kuma, ɔtɛlɛ, yɛɛ bɛziezie ɛyɛne dɔɔnwo wɔ nuhua. Ɛdɛnkɛma bava ye ɛnwomenle ne mɔɔ sɔ kɛ sɔlefe la yeamaa yeazɔ.

Ayezaya Buluku ne 33:14

Ɛtanevolɛma mɔɔ wɔ Zayɔn la ahonle ɛdu, ɛzulolɛ kpole ɛha bɛdabɛ mɔɔ bɛnze Nyamenle la, bɛ nwo ɛlɛwozo bɛ. Bɛse, “Nwane bɔbɔ yɛɛ wɔ yɛ avinli mɔɔ kɛhola senle gbolamgbolam nu tɛnla a? Nwane a wɔ yɛ avinli mɔɔ kɛhola senle mɔɔ ɛnnu ɛlɛ la anu tɛnla a?”

Gyɛlɛmaya Awolɛyelɛ 3:39

Duzu ati a sonla mɔɔ de ngoane nu la kɛdendɛ ɔ nzo abo wɔ ye ɛtane ne mɔ anwo ndeanlɛ nwo ɛ?

Yizikeɛle Buluku ne 20:36

Kɛ menzile mendeanle bɛ ze mɔ wɔ Saenae Fienemgbole nu la, zɔhane ala yɛɛ mebadea bɛdabɛ noko a. Medame Awulae Nyamenle a mese a.

Sɛlɛ 10:2

Na senle vi Ɛdɛnkɛma ɛkɛ ne rayelale bɛ, na bɛwule ɛkɛ ne ala wɔ Ɛdɛnkɛma anyunlu.

Nahum Buluku ne 1:5

Ɔye ɔ nyunlu a awoka kpusu, awoka ngyikyi ne mɔ kolo. Azɛlɛ ye tɔ mgbane wɔ ɔ nyunlu, ewiade nee nuhua ninyɛne muala yɛ mgbane.

Habakɛke Buluku ne 3:5

Ewulenzane li ɔ nyunlu, ewulenzane li ɔ nzi.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:33

Mɔɔ menli ne vile boka nwuanzanwuanza Saenae la, bɛdiale kenle nsa adenle. Ɛdɛnkɛma Ngyekyeleɛ Ɛlɛka ne lumuale bɛ nyunlu kenle nsa kɛ ɔkakpondɛ ɛleka mɔɔ bɛbadɛnla la yeamaa bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:18

Ka kile menli ne kɛ bɛmaa bɛ nwo ɛde na ɛhyema bɛbanyia nane bɛali. Ɛdɛnkɛma ɛde bɛ ɛzunlɛ ne mɔɔ bɛlɛsu bɛaha kɛ, ‘Nwane bɔbɔ a kɛmaa yɛ nane yɛkɛli a? Ɔluakɛ yɛwɔ Yigyibiti la ɛnee yɛde boɛ’ la. Yemɔti Ɛdɛnkɛma bamaa bɛ nane yeamaa bɛali.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:2

Bɛhanle kɛ, “Na Mosisi angomekye ala a Ɛdɛnkɛma ɛlua ɔ nwo zo ɛdendɛ a? Na ɔtɛduale yɛdayɛ noko yɛ nwo zo ɔtɛtendɛle ɔ?” Na Ɛdɛnkɛma dele mɔɔ bɛhanle la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:2

Yizilayɛma ne kɔsɔɔti dendɛle tiale Mosisi nee Aalɔn hanle kɛ, “Ɔle kpalɛ kɛ anrɛɛ yɛwule Yigyibiti azɛlɛ zo! Anzɛɛ ɔle kpalɛ kɛ anrɛɛ yɛwule fienemgbole ɛhye anu!

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:22

menli ɛhye mɔ mɔɔ ɛnwu me anyunlunyia ne nee nwanwane ninyɛne mɔɔ menyɛle wɔ Yigyibiti nee fienemgbole ne anu, noko bɛzɔ me bɛnlea toonwo fane bulu, na bɛandie me aneɛ la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:27

“Kenle nyɛ yɛɛ munzule menli ɛhye mɔ fa adendɛ atia me a? Mede Yizilayɛma ɛdendɛlɛ mɔɔ bɛtendɛ bɛtia me la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:28

Se bɛ kɛ: ‘Meka, meka kɛ, sumunli kenle ala mɔɔ bɛfɛlɛ me Tease la, mebayɛ mɔɔ bɛbiza la meamaa bɛ. Medame Ɛdɛnkɛma a mese a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:11

Saa bɛtendɛ bɛtia Aalɔn a, ɛnee Ɛdɛnkɛma a ɛ nee ɛ sa zo ne mɔ ɛlɛko atia ye a. Na nwane a le Aalɔn, na bɛadendɛ bɛatia ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:35

Akee Ɛdɛnkɛma manle senle vi anwuma rayelale menli ɛya nwiɔ abulanlu ne mɔɔ ɛva ɛyɛlɛ ne ɛra babɔ ɛyɛlɛ azu ne la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:5

Na sonla ne mɔɔ menlea nu meye ye la baka ɛdeɛ ne bafifi. Ɔlua adenle ɛhye azo, mebadua Yizilayɛma mɔɔ tendɛ tia wɔ dahuu la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:5

na bɛdendɛle bɛtiale Nyamenle nee Mosisi kɛ, “Duzu ati yɛɛ bɛva yɛ bɛvi Yigyibiti bɛmaa yɛarawu fienemgbole ye anu a? Ɔluakɛ aleɛ ɛnle ɛke yɛɛ nzule bɔbɔ, bie ɛnle ɛke. Aleɛ funli ɛhye, yɛnrɛhola bieko di.”

1 Kɔl 10:10

Eza ɔnle kɛ yɛtendɛ yɛ nzo abo, kɛmɔ bɛ bie mɔ yɛle na Ewule soanvolɛ zɛkyele bɛ la.

Mɛla 25:18

Bɛanzulo Nyamenle, bɛratetale yɛ adenle nu wɔ mekɛ mɔɔ ɛnee yɛwie fɛ na yɛ nwo ɛbɛlɛ yɛ la, na bɛhunle menli mɔɔ ɛvɛlɛ manle bɛhale amozi la kɔsɔɔti.

Mɛla 32:22

Ɔluakɛ me ɛya sɔ kɛ senle, ɔsɔ toonwo ɔdwu ɛbolɔ. Ɔyela azɛlɛ ye nee zolɛ debie biala, na ɔmaa awoka ne mɔ adiabo yela.

Mɛla 9:22

“Wɔ Tabɛla, Manasɛ, nee Kebelo Hateeyava noko, bɛmanle Ɛdɛnkɛma vale ɛya.

Kɛlata mɔɔ bɛhɛlɛle bɛhɔmanle Hibuluma la 12:29

ɔluakɛ yɛ Nyamenle ne le sendɔlɔra.

Gyemise Kɛlata ne 5:4

Bɛtɛtuale bɛ gyimayɛvoma ne mɔ mɔɔ yɛ gyima wɔ bɛ ɛya ne mɔ anu la kakɛ. Bɛdie, bɛ ahatualɛ ne mɔɔ bɛ nye fuu bɛanva bɛammaa bɛ la ati, bɛlɛsu, yɛɛ menli mɔɔ boɔboale aleɛ nloa manle bɛ la ɛzunlɛ ne ɛdwu Tumivolɛ Awulae ne anzo nu.

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.