Dwɔhyua Buluku ne 5:3 - BAEBOLO ANZƐƐ BULUKU NWUANZANWUANZA

³ Zɔhane ati Dwɔhyua yɛle ɛtwɛlɛboɔ dadeɛ ngyikyi dɔɔnwo na ɔmanle bɛyɛle Yizilayɛma mrenyanu nzonlɛ wɔ boka bie mɔɔ bɛfɛlɛ ye “Mrenyanu Nzonlɛyɛlɛ Boka” la azo.

Dwɔhyua Buluku ne 5:3 Iomraidhean Croise

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:25

Na Mosisi aye Zepɔla vale ɛtwɛlɛboɔ yɛle ɔ ra nrenya ne mrenyanu nzonlɛ na ɔvale ɔhanle Mosisi agyakɛ, ɔzele kɛ, “Nɔhalɛ, ɛle mogya kunli ɛmaa me!” Yemɔti Ɛdɛnkɛma gyakyile Mosisi, kɛmɔ ɔ ye hanle kɛ, “Ɛle mogya kunli ɛmaa me” la, ɔboalekɛ bɛbu mrenyanu nzonlɛyɛlɛ amaamuo ne.

Edwɛkpa ne kɛmɔ Mateyu hɛlɛle la 16:24

Akee Gyisɛse zele ye ɛdoavolɛma ne kɛ, “Saa awie biala kpondɛ kɛ ɔ nee me dua a, ɛnee ɔkpo ɔ nwo, ɔva ye (amaneɛnwunlɛ) meanubaka ne ɔdo ɔ kɔme zo na ɔdoa me.

Dwɔhyua Buluku ne 5:2

Akee Ɛdɛnkɛma zele Dwɔhyua kɛ, “Fa ɛtwɛlɛboɔ yɛ dadeɛ ngyikyi dɔɔnwo na fa yɛ Yizilayɛma mrenyanu nzonlɛ.”

Dwɔhyua Buluku ne 5:4

Mekɛ mɔɔ Yizilayɛma tu bɛ bo avi Yigyibiti la, ɛnee mrenya mɔɔ wɔ nu la amuala ɛyɛ bɛ mrenyanu nzonlɛ. Na ngakula mɔɔ bɛwole bɛ wɔ ɛvolɛ abulanla ne mɔɔ bɛvale bɛpɛle ɛsɛlɛ ne la anu la bɛmɛ, bɛanyɛ biala mrenyanu nzonlɛ. Eza mrenya mɔɔ kola ko wɔ mekɛ mɔɔ bɛvile Yigyibiti la amuala ɛwie wu, ɔboalekɛ bɛandie Ɛdɛnkɛma ane. Menli zɔhane mɔ a Ɛdɛnkɛma vuale kɛ ɔnrɛmaa bɛnrɛnwu azɛlɛ ne mɔɔ le kɛnlɛma na ɔkye aleɛ mɔɔ ɔvale ɔbɔle bɛ nlenya mɔ ɛwɔkɛ la.