Dwɔhyua Buluku ne 3:7 - BAEBOLO ANZƐƐ BULUKU NWUANZANWUANZA

⁷ Ɛdɛnkɛma zele Dwɔhyua kɛ, “Ɛnɛ kenle ye mebayɛ wɔ sonlakpole meamaa Yizilayɛma amuala abɔ ɔ bo ali wɔ eni na bɛanwu ye wienyi kɛ me nee wɔ lua, kɛmɔ me nee Mosisi luale la.

Dwɔhyua Buluku ne 3:7 Iomraidhean Croise

Dwɔhyua Buluku ne 4:14

Mɔɔ Ɛdɛnkɛma yɛle ye kenle ko ne la manle Yizilayɛma anye zɔle Dwɔhyua kpole kpalɛ na bɛzulole ye, kɛmɔ bɛzulole Mosisi toonwo ɔhɔle ewule nu la.

Dwɔhyua Buluku ne 1:5

Awie biala ɛnrɛhola ɛnrɛli ɛ nwo zo konim wɔ mekɛ mɔɔ ɛde aze la. Me nee wɔ balua, kɛmɔ me nee Mosisi luale la. Menrɛye ɛ rɛle menrɛdo ɛ sa nu yɛɛ menrɛkpo wɔ ɛlɛ.

1 Edk 29:25

Ɛdɛnkɛma manle Sɔlɔmɔn anwo yɛle maanlema ne kɔsɔɔti ɛzulolɛ, na ɔmanle ɔnyianle ɔ nyunlu ɔdɛlale Yizilayɛ belemgbunli biala.

Edwɛndolɛ Buluku ne 18:35

O Ɛdɛnkɛma, wɔwowa me wɔlie me ngoane, wɔ tumi kpole ne ɛzɔ me, wɔ moalɛ ne manle menyɛle sonlakpole.

Dwɔhyua Buluku ne 1:17

Yɛbadie ɛ ne, kɛmɔ yɛdiele Mosisi ane la. Ɛdɛnkɛma wɔ Nyamenle ne nee wɔ ɛlua, kɛmɔ ɔ nee Mosisi luale la.

Dwobu Buluku ne 7:17

“Na Nyamenle, sonla le duzu, mɔɔ ɔhyia wɔ zɛhae a, mɔɔ ɛ nye wɔ ɔ nwo zɛhae a?

2 Edk 1:1

Devidi ara Sɔlɔmɔn agyakɛ dwule aze na ɔ sa yiale ye belemgbunli maanle ne. Ɛdɛnkɛma ye Nyamenle ne nee ye luale na ɔmanle ɔyɛle sonlakpole.

Dw 17:1

Gyisɛse wiele ɛhye ka la, ɔnleanle anwuma na ɔhanle kɛ, “Egya, mekɛ ne ɛdwu. Wula Ɛ Ra anyunlunyia na maa Ralɛ ne ɛwula wɔ anyunlunyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20

Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

Dwɔhyua Buluku ne 3:6

Akee ɔzele sɛlɛvolɛma ne kɛ, “Bɛva Ngyekyeleɛ Ɛlɛka ne bɛze bɛlumua menli ne anyunlu.” Na bɛyɛle ye zɔhane.

Dwɔhyua Buluku ne 3:8

Se sɛlɛvolɛma mɔɔ zo Ngyekyeleɛ Ɛlɛka ne la kɛ, ‘Saa bɛdwu Azule Dwɔdan ne anloa a, bɛwudwu bɛhɔ ye pemgbɛne ne azo na bɛgyinla.’ ”

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”