Dwɔhyua Buluku ne 2:2 - BAEBOLO ANZƐƐ BULUKU NWUANZANWUANZA

² Na awie mɔ hɔhanle hilele Gyɛleko belemgbunli ne kɛ, “Yizilayɛma bie ɛra ɛke nɔsolɛ ye ala kɛ bɛbanleɛnlea maanle ye anu.”

Dwɔhyua Buluku ne 2:2 Iomraidhean Croise

Edwɛndolɛ Buluku ne 127:1

Saa Ɛdɛnkɛma ɔdaye yeanzi sua ne a, bɛdabɛ mɔɔ bɛsi la fɛ mgbane. Saa Ɛdɛnkɛma ɔdaye yeanzinza suakpole ne a, sinzavolɛma solo nafelɛ mgbane.

Mrɛlɛbulɛ Buluku ne 21:30

Nrɛlɛbɛ, ndelebɛbo, yɛɛ folɛdulɛ biala ɛnle ɛkɛ mɔɔ kola gyinla Ɛdɛnkɛma anyunlu a.

Ayezaya Buluku ne 43:13

Medame a mele Nyamenle a, yɛɛ ɔvi ɛnɛ mɔɔ kɔ la medame a mele Nyamenle a; awie ɛngola ɛnlie debie mɔɔ melɛ ye me sa nu la; yɛɛ melɛyɛ debie a awie ɛngola ɛnzi me aze.”

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Dwɔhyua Buluku ne 2:1

Akee Nɛn ara Dwɔhyua zoanle menli nwiɔ awozinli nu, vi Akasea azokoɛleɛ ne kɛ, “Bɛhɔli busia bɛnleɛnlea kɛ Keena maanle ne anu si de la, bɔbɔ suakpole Gyɛleko.” Menli ne mɔ dwule suakpole ne azo la, bɛhɔlale raalɛ tuutuunli bie mɔɔ bɛfɛlɛ ye Releehabe la sua nu.

Dwɔhyua Buluku ne 2:3

Yemɔti belemgbunli ne zoanle manle bɛhɔzele Releehabe kɛ, “Menli mɔɔ ɛra wɔ sua nu ɛkɛ ne la ɛra kɛ bɛbali yɛ nwo busia bɛanleɛnlea kɛ yɛ maanle ye anu si de la. Yemɔti fa bɛ bɛla ɛke!”

Maanlebuvolɛma Buluku ne 18:2

Yemɔti Danema yele mrenya akɛnrasesebɛ nnu wɔ Zɔla nee Ɛhyeteeyɔlo na bɛzoanle bɛ kɛ bɛhɔli busia bɛhɔkpɔla azɛlɛ ne na bɛyɛ bie anyenle. Bɛzele soanvolɛma ne kɛ, “Bɛhɔ na bɛhɔnlea bɛkpondɛ azɛlɛ.” Bɛhɔle sua ne mɔɔ gua Yifelaem boka ne azo la azo. Bɛhɔle Maeka sua nu na bɛhɔzokoɛle ye.