Taitus 1:4 - Nobonob Baibel

⁴ O Taitus, i oh ooppa genab doyak laippu aɗattep, ooppa genab doyak amuppa na da bekkalnab daattem amu, da nahipnu iikku yaattem. Mame Kayak, amu ihinig Eɗua Awikkak Danab Jesus Kristus ele, ahilah ehanittak okkai hamu mettak, amu ahilah maɗoɗ ele nahip-ppa daaglahnu ool daatte.

Taitus 1:4 Iomraidhean Croise

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Jon 4:42

Oolagppa genab doona amu, ag ah amu amegppa appig. “Ig na ame amuppa oonigppa genab ii doomut. Iitta. Ig ikka ele Nug oɗeppa a doomut, amuppa ig aakku doottem, Nug am genab ig wanppan danab ah oh eɗua awikkak danab,” aon appig.

Rom 1:12

Da inam dabmettem. Ahilag ooppa genab doyak da ehaniɗeb, amu dahil ooppa genab doyak ag ehanadkkunu ool daatte. Anam dayeb amu ig oh oo ɠagattag qak aognig.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

2 Korint 12:18

Da Taitus amu ig lainig imu ele aa oh maate, aa oh ahilagppa gokkulahnu amelahppa ami, am Taitus nug hambuppua, ahilag keeke laa aɗomte? Am nug da ele i Kayak Ouɗi laippu amu Nuhig ɠagattagppa i iite oittep? I ib laippuppaib iite oittep?

2 Korint 2:13

amge da ool maɗoɗ ele ii daami. Aɗinu? Da layal Taitus da nug ii anidmi amunu, da Troas danab uuatte, da ukke, Makedonia temi.

2 Korint 4:13

Kayak naippa, nai laa daatte am inam. “Da Yawenu oolppa genab doomi amunu, da ⌊nai⌋ ami.” Danab Sam nai amu yom ele nug Yawenu ooppa genab doyom, amubia ig Jesusnu oonigppa genab doottem amunu, ig madittem.

2 Korint 7:6

Amge Kayak, Nug danab oo uug ele oo mak medatte amu, Nug he, Taitus gumikka uɗie, amuppa ig oonigppa oo mak doomut.

2 Korint 8:16

Aria, da am Kayak amegppa, “Ena heme,” attem. Aɗinu? Nug Taitus ehanitte, nuhig dabmak, dahil bia, laippu awa, nug ele ag ehanadkkunu oo huan daatte.

2 Korint 8:23

Taitus nuhignu amu, ag inam anidkkulag. Nug am dahil kadoi, ag ehanadkkunu dahil uɗat laippu. Aria ig lainti aɗit amu, aa am Kristen tamaniak oh dilag maɗi nid, ahilah uɗatppa aa Kristus binag mettep.

2 Korint 8:6

Anam daatte amunu ig Taitus, nug ag Korint danab ag oolagppa uɗat heehe, ag ehanittak amu bappaidkkulagnu digmeppig ele amu, nug heeb, ag uɗat amu paha malaglagnu ig nug amegppa amut.

Galesia 2:3

Ag Nai Ena da mehuqttem ele amu, ag amunu eheɗ doon aib akkulagnu baɗami, amge iitta. Ag ena doona, Taitus nug da ele daamuɗ, nug am Grik danab amunu nug am gaɗa otaɗak iitta, amge qagmakppa ag nug gaɗa otaɗak aokkunu ii appig.

Galesia 3:26

Ag oh Kristus Jesusnu oolagppa genab dooppig amunu, ag Kayak bekkod daatteb.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Epesus 1:2

Am ig Mamenig Kayak, amu Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Kolosi 1:2

i uɗug imu ag danab ah Kolosi daatteb, i laintad, ag Kayaknu danab ah oppiaawak ele, ag Kristusnu daaglagnu oo metta ii uuak kobol dim lamidtteb, i ahilagnu yaattep. Ig Mamenig Kayak, nuhig ehanittak okkai hamu mettak, amu nuhig maɗoɗ ele ahilagppa daaglahnu oonih daatte.

1 Timoti 1:12

Da Kristus Jesus, ihinig Naɗi, Nug da uɗat imu hekkulnu ɠagattag meɗom amu, da Nug amegppa, “Ena heme,” awe attem. Aɗinu? Nug uɗat imu da eppelppa meeb hekkulnu elele aniɗa, Nug nukka da uɗat imunu tituaniɗom.

2 Timoti 1:1

Da Pol, da nai imu yaattem. Kayak Nug Kristus Jesusnu uɗatppa ig bauklel megakkunu nai qakka aum amunu, Nug dabmaknab awa tituaniɗa, da Kristus Jesusnu totol danab daattem,

2 Timoti 1:2

amu, da na Timoti, da nahipnu nai imu yaattem. Nahipnu amu da bekkalnab doyeye, ool ele mauhtte. Mame Kayak, amu Kristus Jesus, ihinig Naɗi ele, aa ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

Taitus 1:3

Amu Nug haen tituanom ele amu elele antta, Nug he, nai mehuqakppa nuhig nai amu miag atiom. Kayak, Nug ig eɗua awikkom ele amu, Nug da ele nai amu mehuqkkulnu uɗat meɗom.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

2 Pita 1:11

Aria, ag kobol amu hekkulag amu, Kayak Nug ag diia, ag Nug ele laippu dayaknu ooppa elele doya aut auta awa heeb, ag ihinig Naɗi, Nug am ihinig Padal ii maknu ehanittak, Jesus Kristus, ag nuhig ɗo maɗoɗ hanhannu ooppa daaglag.

2 Pita 2:20

Amu danab ag ihinig Naɗi Jesus Kristus, Nug Padal ii maknu ehanittak ihinig ele daatte amu, ag Nug doon, amuppa ag wanppan kobol nau uutteb, amge ag eɗun kobol nau amunu baula hekkulagnu watteb dayeb amu, danab amu ag aakku qagaiettak tatam nakok bia aoglagnu daappig, amge gemu amu ag qagaiettak naɗinab aoglagnu daatteb.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

2 Pita 3:2

Amu da ag Kayaknu propet ag nai appig, amu ag daulagppa dokkunu, ihinig Naɗi, Nug ihinig Padal ii maknu ehanittak ele daatte amu, nuhikkud totol danab ag Nug oɗeppanu haknunab nai aon ag amelagppa madippig amu, da nai aɗit amu oh ag daulagppa dob, ehanadkkunu ool daye yaami.

1 Jon 5:14

Amu ig aɗi keekenu oonig daatte, keeke amu nug Kayak oo niitte bia daatte dayeb, ig amunu unuqidttem amu, ig Nug ihinig unuqittak amu dootte doottem.

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.