Sam 139:3 - Nobonob Baibel

³ Da ib atten awe matte gokkul amu, na ib amu tatam oot maitte, da adeppa niikkul amu, na amu ele matu oot maittom. Ge, ib oh da gottem amu, na doottem.

Sam 139:3 Iomraidhean Croise

2 Samuel 11:27

Nug mahitte ukke, elele te, Dawit he, nug laugppa te, aa ewau matulak aoya, ewau daayya, Batseba nug Dawitnu nid danab awom. Nug nid danab awom, amge Dawit kobol heum ele amu, Yawe Nug amunu ena ii doyom.

2 Samuel 8:14

Dawit nug Edom eɗattowa, nug nuhikkud daup laala ag Edom daaglagnu maattom. Nug anam maatte, Edom danab ag Dawit waappa daappig. Yawe Nug he, Dawit nug adeppa adeppa kekeɗ ele ban hekkulagnu ukkom amu, nug kekeɗ eɗadttom.

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

Job 31:4

Kayak Nug dahil oiyak iite anidtte? Ge, da aɗi keeke nakok nakok hettem amu, Nug iite dootte?

Sam 119:168

Da keeke oh hettem amu, na doottem amunu, da nahip oo yaak nai ɗo bia, amu nahip ɗo ele dim lamidttem.

Eklisiastis 12:14

Diig laa na anam hekkutnu am, Kayak Nug keeke oh ig danab, ig hettem ele epeɗiadkku. Nug keeke ig miag atiak hemut epeɗiadkku, amge amu aakkuib iitta. Iitta. Nug keeke ig lokkumakppa hemut ele epeɗiadkku. Nug ig keeke ena hemut epeɗiadkku, amu Nug keeke eheɗ ig hemut ele epeɗiadkku,” awa atte.

Aisaia 29:15

Laa ag akka ahilag dabmakppa keeke hekkulagnu maittak aona, Yawe Nug amu doomanu ag dabmak ahilag amu lokkumkkulagnu uɗat okkai hetteb. Ao, ag ahilag hak gatatu ooppa henana, ag “Aun anigtte?” anana, o “Aun dookku?” atteb amu, ahilagnu gadonnab gadon.

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Jon 13:2

Nug nuhikkud ippunittak awak danab ele ee lanan daanna, Satan nug matu Judas Iskariot, Saimon bekka, nug Jesus kekeɗ eppelagppa mekkunu dabmak metta malom amu,

Jon 13:21

Jesus nai anam mattiowa, Nug ooppa uugnab doyom. Ooppa uug doya amu, Nug nai mattia aum. “Da genabnab genab ag amelagppa attem. Ag oolagppanu laippu laa nug da kekeɗ eppelagppa meiɗkku,” awa aum.