Sam 127:3 - Nobonob Baibel

³ Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

Sam 127:3 Iomraidhean Croise

Genesis 1:28

Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.

Genesis 24:60

Amu tatam ag Rebeka itidyaya apiɗ. “O lai ihinih, na buɗunad ag kuɗumnab bekkulagnu oonih daatte. Ao, na buɗunad ag kekeɗ ahilag ele tabappeg noob, ahilag keeke aoglagnu oonih daatte,” aoya apiɗ.

Genesis 33:5

Anam gayoya, Esau nug ameg huma, nid naunau, anilkad ele anatta, oɗ meum. “Umu am aun aɗi?” oɗ meum. Oɗ me amu, Jakop nug aum. “Nid naunau umu, Kayak Nug nahip maɗi nid da, Nug dahilnu oo bodoette enanag maɗoɗ ele ha, da meɗom,” awa aum.

Genesis 4:1

Adam wau ele aa dad dimittim anam daaya, aa oiyya Ewa nug oo ele daye, geha nug Kain menuom. Menua, nug aum. “Yawe Nug da ehaniɗe, da nid danab imu aomi,” awa aum.

Genesis 48:4

nug nai inam da amelppa aum. ‘Da heppi, na buɗunad kuɗumnab bena, huu okkai anen anen oh laippu daaglag. Wan imu amu, da na buɗunad madappi, ahilag wan hanhan daakku.’ Nug anam awa, da amelppa aum.

2 Samuel 3:5

Sepatia dimugppan am Itream. Nug anig am Dawit wau Eglah. Dawit nug Hebron dayeye, nug wauud ag bekkod amu menuadppig.

1 Stori 28:5

Anam ha, Yawe Nug da bekkalad kuɗum meɗom, amge Solomon Nug da dimulppa king abenab awa, king daakkunu Nug tituanom. Nug Yawenu danab ah, am Israel danab ah, nug ahilag king daakku.

1 Stori 8:40

Ulam bekkod ag am ban haknu oolagppa ɠagattag dooppig. Ag latppa haknu doon autna aoppig. Danab amu ag bekkalkad, alalkad danab kuɗum ele. Ahilag ebqak am 150. Nai yaak amu oh am Benyamin buɗub laa aakku.

Job 1:2

Job nug bekkod eblaih aɗit ele, aɗekkud ewam ele.

Aisaia 13:18

Midia huu ag geha Babilon nid bau latppa aqaglag. Midia ag nid yuɗ dilagnu oo gai-iitta doya, oo metta ehanittak laa ii doomna. Ao, ag nid naunau dilagnu oolag bodoetta, le ii mema. Ag aqakib aqappeg mauhkkulag.

Aisaia 8:18

Aria da, amu nid naunau, Kayak Nug da meɗom ele amu, da ag ele ig iikku daattem. Am Yawe Nukka Ɠagattag Oh Ele, Sion qaukoppa daatte ele, Nug am Yawe, Nug ig otikka, Nug keeke oh Israel danab ah dilagppa hekkunu aum amu, ig amunu at, amunu epponak keeke bia daagnignu meikke daattem,” awa aum.

Duteronomi 28:11

Yawe Nug ag wan madakkunu ag mamelkad aɗi amelagppa anam hekkunu nuhig nai ɠagattag qetta aum, amuppa keeke ena ena ma madakku. Amuam nid naunau kuɗum, doɗ manan kuɗum, amu keh iɗu iɗu kuɗum ele madakku.

Duteronomi 28:4

Yawe Nug itittak ena matteb, ag nid kuɗum ele daan, ahilkad dad ele, am ee okkai okkulag. Yawe Nug heeb, ahilkad makau huana menuadppeg, sipsip meeme ele am anamib ele daaglag.

Ikki Danab 12:9

Nug am bekkod 30, aɗekkud 30 ele. Nug aɗekkud diia, danab laihnu, nuhig aab ikki amuppan iitta, amu waalkad daaglanu mattom, amu nug ah aab ikki nuhig iitta, laihppan diia, bekkod waalkad daaglagnu mattom. Ibsan nug Israel dilag epeɗiak danab maɗ eblaih aɗit ele dayom.

1 Samuel 1:27

Haen amuppa amu, da nid imunu Yawe unuqidmi, amu Nug nid imu da meɗom