Sam 127:1 - Nobonob Baibel

¹ Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

Sam 127:1 Iomraidhean Croise

1 King 5:12

Am Yawe Nug Solomon amegppa nai ana qakkom bia, Nug doyak dabmak ena ele Solomon mettom, amunu Solomon, Hiram ele aa gamalahppa maɗoɗ ena dayom. King aɗit aa gamalahppa kekeɗ kobol laa ii daamanu, aa nug tituanya nai qagapiɗ.

1 Stori 28:10

⌊Amu Solomon, da bekkal,⌋ na daut human doye! Aɗinu? Yawe Nug na nuhig mettid lag nuhignu tituanak daakkunu hekkutnu tituanittom amunu, na ɠagattag daan, uɗat amu he!” Dawit nug anam aum.

1 Stori 28:20

Amu Dawit nai imu ele Solomon amegppa aum. “Na ɠagattag daan, ootppa ele ɠagattag doon, uɗat amu he! Yawe Kayak, dahil Kayak, Nug na ele daattep amunu, na aib baɗame. Na dabmak qe nak ele aib doome. Na lag amu, danab ah ag appa Yawe noobppa dup nona Nug binag mekkulagnu daakkunu, amu lag amunu keeke ele babaittak daakkunu, na lag amu heppe ukka ukka, gogppa tekkunu, Nug ii uuidma; Nug ehanidkkunu dabmak ii paɗama.

1 Stori 29:19

Amu na ele heppe, da bekkal Solomon nug meu ohppa nahip haknunab anak, nahip nai, amu nahip ɗo nai ele dim lamidkkunu, nug lag enanagnab nahipnu, da lag amunu keeke qagmein bappaidmi daatte amu, nug lag amu buua malakkunu dabmak aɗa oikkunu oɗ medattem.” Dawit nug anam unuqittom.

Sam 120:1

Da uug nauppa dayeye, Yawe unuqidttem. Da unuqitti, Nug dahil unuqittak nob mette.

Sam 121:1

⌊Yawenu mettid lag am Israel dilag qaukoppa daatte amunu,⌋ da qauko amu attan neegppi gokku. Appanu da ehanittak aottem.

Sam 122:1

Danab ah ag da amelppa, “Ahappe, ig Yawe laugppa tetu!” aeg, da ool gamag ahom.

Sam 123:1

O Yawe, naib sia king nahip-ppa hab attan dayeye, da neekki, attan nahip-ppa tette.

Sam 124:1

Gemu amu, Israel danab ah ag inam akkulagnu daatte. “Laa ag banenig uɗippig amu, ag ihinignu oo nauhak huananab dooppig. Ag anam doyeg, Yawe Nug ii ehaniglo, ao, danab laa ag banenig uɗippig amu, Yawe Nug ii ehaniglo, ag ig eɗigna, heigppeg nauhlom.”

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Sam 126:1

Haen Yawe nug he, diia ukka laih me dayak danab ah ig, ig eɗut Sion gota amu, ig am tul niiak enanag laa anidmut bia daamut!

Sam 72:1

O Kayak, da na king ⌊daatte, na nug⌋ ehanidppe, nug nai doya mala hettoɗia epeɗia elele mettak kobol doya, dabmakppa meeb daakkunu oɗ mettem. Yo, da na ⌊laa king dayom, nug bekka gemu king daatte amu, na⌋ king bekka amu ehanidppe, nug genab tutukku hak kobol doya, dabmakppa meeb daakkunu unuqidttem.

Sam 78:69

Nug nuhig mettid lag qauko attannab hume tak amubia buuom. Ao, Nug wan haen elab daakkunu heum, Nug nuhig lag amubia daakkunu buuom.

Prowerb 16:9

Danab nug nuhig dabmakppa keeke hekkunu maittak aotte; amge Yawe Nug nug aɗi ib awa gokkunu dabmak awa he, ɠagattag ebatte.

Eklisiastis 9:11

Da keeke laa aam waappa bette anidmi. Amuam danab nug huana qaiedatte ele amu, nug hanhan resis haenppa laa oh ii eɗadtte; ele amu, danab nug ɠagattag ele, nug haen oh ban ii eɗidtte. Laa amu, danab nug doyak dabmak ena ele, nug hanhan ee elele ele ii daatte; ele amu, danab nug pahanab dabmak aokkunu elele amu, nug hanhan enub ele ii daatte; laa ele amu, danab nug sul okkai heum ele, nug laa oh dilag neekkakppa hanhan ena ii daatte. Amunu diig am, kobol digdig danab oh dilagppa deɗ laala laippun bette, ahilagppa ele bette.

Solomonnu Ahi 3:3

Da anam oiiyi, aɗi uɗitte anittak danab ag aab okkaippa appa ahilag uɗat henan oinna, ag da uɗal teeg, da ag oɗ mattami. “Ag laa, da nuhignu ool mauhtte ele, ag nug nakok laa anidppigte?” awe oɗ mattami.

Solomonnu Ahi 5:7

⌊Danab dahil da oɗelppa ii awe, da dimittim wain oiiyi⌋, aɗi uɗitte anittak danab ag aab okkaippa appa ahilag uɗat henan oinna, ag da aniɗna ⌊ag dahilnu, “Ah nau,” doon⌋; ag makkuɗilna, guittak meɗappig. Ag amu henana, ag ulahnu lamen dahil aɗan, ɠagattag aɗan, eeɗna aoppig; aɗi uɗitte anittak danab amu, ag aakku, ag amu heppig.

Aisaia 27:3

Da Yawe, da grep dad amu gumattem. Da hanhan le medette, laa appa uɗia eheɗ laa hemanu amu, da haen oh amun tuqan ele gume daattem.” Nug anam akku.

Aisaia 56:10

Israel dilag okkai ag danab ameg gaɗuom bia daatteb. Ag doyak iitta. Ag oh am qai baag nauhom bia daatteb. Ag oh am qai gaamɗu qekkunu elele iitta bia daatteb. Ag niinna, tul ele niitteb. Ag niiglagnu oolag mauhtte.

Aisaia 62:6

Juda danab ah, aɗi uɗitte anittak danab ag aab okkai Jerusalem ena daakkunu aab amunu aɗppa daan, ehanidnana, maɗi ahilag hetteb amu, amubia da ag ena daaglagnu ahilag ehanittak danab maatti daatteb. Ahilag ehanittak amu ag amunppa, tuqanppa ele toettan ii daamna. Ag Yawe unuqidkkulagnu ii uumna. O danab ah ag Yawe unuqidtteb ele amu, ag hik aon daaglagnu aib heppig!

Jeremaia 51:12

Ag Babilon aqaglagnu pilak humeig! Meitta dayak danab laa otiatteg! Aɗi uɗitte anttak danab ag abenlagppa matteg! Lokkuma dayaya, aha ban haknu dabmak babaitteg! Aɗinu? Yawe Nug Babilon dilagnu aɗi hekkunu dabmeum am, Nug hekku. Ao, Nug Babilon danab ah dilagnu aɗi bekkunu ɗo nai mattiom amu, Nug heeb bekku.

Jeremaia 51:31

Nai awa ukkak danab laa nug layag dim lamitta uɗieb, nug dimugppa laa ele uɗikku. Danab anam kuɗum uɗin, ban attem attem gotte Babilon dilag king amegppa appeg dookkunu uɗiglag, amge ag oh nai laippuib appeg dookku. Ag inam akkulag. “Kekeɗ ag Babilon aab eɗitteg, Babilon aab okkai oh ag eppelagppa daatte.

1 Korint 15:14

Kristus Nug eɗua ii hibaittom am genab daalo amu, aria nai ig mehuqttem am hamu, kaya naiib daalo. Ag oolagppa genab dootteb ele amu, keeke amu ele am meu iitta, keeke hamu daalo.

1 Korint 3:7

Anam amunu, ee eppak danab nug am onig iitta. Ee le mettak danab nug ele onig iitta. Kayak Nug nukka he, ee bette. Nug he, ee bette amunu, Nugib am onig ele.

Galesia 4:11

Ag anam hetteb amunu, da ahilagnu uɗat okkai hemi ele, da amunu, “Da hamutai kakidmi,” ainne, baɗe daattem.

Duteronomi 8:18

Amge ag Yawe, ahilag Kayak, ag Nug dabmetteg! Aɗinu? Nugib ag ɠagattag matte, ag enulag ele daatteb. Nug ag mamelkad aɗi amelagppa nuhig nai ɠagattag qetta ana, Nug ag ele nug tituanna nai qagappig amu, nai amu elele medakkunu hette.

Josua 2:2

⌊Amge danab laa doyata,⌋ Jerikonu king amegppa aum. “Antte! Israel danab aɗit laa tueb imu ippa uɗipiɗ. Aa ihinig wan lokkumakppa italakkulahnu uɗipiɗ,” awa aum.