Rom 2:9 - Nobonob Baibel

⁹ Danab oh kobol tutukku iitta hetteb ele, ahilagppa qagaiettak okkai, guittak okkai ele bekku; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 2:9 Iomraidhean Croise

1 Pita 4:17

Kayak Nug danab ah epeɗiadkkunu haen digma miagnab daatte, amu Kayak nuhikkud danab tatam epeɗiadkku. Anam amu, Nug anam ihinigppa epeɗiak digmekku dayeb amu, danab ag Kayaknu Nai Ena tappaeg nette ele, ahilagppa amu attemnab daakku? Ag uug naunab aoglag.

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

Esekiel 18:4

Danab ohnab am dahiladib. Laa mameg am dahil, danab amu bekka am ele dahil. Aɗit oh am dahilib, amu auntai laa nug hipunin heeb, nug mauhkku, am laa iitta.

2 Tesalonaika 1:6

Kayak Nug kobol tutukkuib hette, amu Nug inam hekku. Aun ag uug madatteb amu, Kayak Nug ag amunu nob nau matta,

Rom 9:24

Amuam ig danab ig Jesusnu oonigppa genab doottem. Nug ig Juda danab amu iitta aɗi danab ele ig anam hekkunignu oninigppa eum.

Rom 2:10

Amge Kayak Nug geha binag amahlak oppiaawak ele, maɗoɗ, amu binag ele danab oh kobol ena hetteb ele madakku; Juda ag tatam ⌊nai amu⌋ doyegeg, iitta aɗi ag aakku geha dootteb.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

Luk 24:47

Amge laa ele ippunigtte. Amuam Kristus Nug hibaitteb, ⌊nuhikkud danab⌋ ag Kristus onigppa wan atu ohppanu danab ah amelagppa ag Kayak Nug danab ah dilag hipunin uhuqa madakkunu, ag oolag eɗuglagnu mehuqkkulagoitte. Ag uɗat amu Jerusalem digmekkulag. Kayak nai anam ippunigtte.

Kolosi 3:11

Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Rom 10:12

Nai amuam ooppa genab doyaknu kobolnu Juda amu iitta aɗi ele ag Naɗinu neekkakppa huu piɗe piɗe daatteb ii ippunigtte. Iitta! Kayak laippuib, Nug am danab oh dilag Naɗi daatte, amunu danab aun aɗi ag Nug onigppa etteb ele, Nug ag itittak ena okkai madatte.

Aposel 28:28

Amunu ag doyeg! Kayak Nug ig eɗua awigkkunu uɗat ena imu ihinignu heum amu, Kayak Nug he, iitta aɗi danab dilagppa ukkom, amu iitta aɗi amu, ag am dooglag,” awa aum.

Aposel 28:17

Pol nug appa dayeye, deɗ ewam uue nug Juda dilag ikki danab onilagppa ee uɗin qagmeeg, nug amelagppa inam aum. “O lailad, da ihinig huu amu tappadppi nokkulagnu o iitta ig alankad dilag kobol amu nau ainne maute ukkaknu laa ii hemi. Da anam laa ii heme, amge Juda ag da Jerusalem appa hippaliɗna Rom danab eppelagppa meiɗppig.

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Aposel 20:21

Da anam heinne amu, da Juda danab amu Grik danab ele ag oolag eɗueb Kayak dim lamidna, Naɗi Jesusnu ooppa genab dooglagoitte, da nai amu mehuqmi.

Aposel 13:26

O lailad, ag laala Abraham buɗubppan danab, amu ag laala iitta aɗi danab ag Kayaknu ebehilag oh bodoetta le mette amu, ag oh doyeg! Kayak Nug danab eɗua diiadkkunu aum amu, Nug ig oh, ihinignu aum.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Amos 3:2

Yawe atte. “Danab huu digdig kuɗum wanppa daatteb, amge da ag Israel aakkuib da ag tituanadmi. Da anam hei, ⌊ag dahilad danabnab daatteb,⌋ amge ag hipunin huanaknab hetteb amunu, da ag bu aqakkul,” awa atte.

2 Stori 6:23

Yawe na hab aabppa daanna, na nai amu doon, na hettoɗiak tutukku henana, na danab amu nug hambuppua, nai hambuppuak ɠagattag qetta mattiom, nug eheɗ amu genab heum anidttem dayeb amu, na eheɗ hak nuhig amunu na eheɗ mettan, nob nau medakkutnu oɗ medattem. Amu danab amu nug genab eheɗ ii heum anidttem dayeb, da na nuhignu, ‘Nug eheɗ laa ii heum,’ appe, danab ag nug eheɗ ii heum dooglagnu unuqidttem.

Sam 32:10

Uug digdig geha nau hak danab dilagppa bekku, amge Yawe Nug danab ah ag nuhignu oolagppa genab dootteb ele, Nug ahilagnu oo mauhaknab dootte.

Prowerb 11:23

Genab tutukku hak danab ag aɗi kobolnu oolag hette, ag aɗi keekenu oolag hette amu, ahilag oo hak amu oh am diig enappaib bette, gogppa tak ele am enaib; amge nau hak danab ag aɗi kobolnu, aɗi keekenu ena bekkulagnu dabmak aɗan oitteb amu, dabmak amu oh am diig nauppa ba tette, gog takppa am oppoɗi bak daatte.

Esekiel 22:31

Da laa ii anidmi, da ahilag eheɗ haknu oppoɗi bak huanak doottem amunu, da eheɗ nau madakkul. Ao, da ahilag hipunin hak amunu ool eheɗ nauhtte amunu, da eheɗ hadappi, ag padal mekkulag. Da amu heppi, ahilagppa bekku, amge amunu diig am ag beɗulagppa.” Naɗi Yawe Nug anam atte.

Rom 8:35

Ig Kristusnu oo mauhak ooppa daattem, amu aun nug amuppanu matakkikka aokku? Uug laate; o iitta oiyak ihinigppa keeke ig mawaknu uug doottem, amute; o iitta eheɗ heikkak, amute; o iitta enug haen, amute; o iitta keekenu tutu mak, amute; o iitta qagaiettak haen, amute; o iitta mauhak, amute, o amu oolagppan laa am Kristusnu oo mauhak ooppanu matakkikka aokkute? Iittanab!