Rom 15:3 - Nobonob Baibel

³ Aɗinu? Kristus ele, Kayak naippa nai nuhignu daatte amu, Nug nukka nuhig dabmak ii dim lamidttom. Nai amuam inam. “⌊O Kayak,⌋ danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.”

Rom 15:3 Iomraidhean Croise

Sam 69:9

Ag dahilnu anam doottebnu diig am inam. Na lautppa, na ig attemnab daagnignu ippunigttem amu, da amunu yag-nab-bak doye hettem. Amu laa ele amu, danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.

Pilipai 2:8

Nug danab beɗu awa, Nug nukka Nug onig qe ne, Kayak oɗeib dim lamitte ukke, Nug mauhom. Amge Nug danab oh mauhtteb bia ii mauhom. Iitta! Nug ad emaitakppanab mauhom.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Jon 6:38

Aɗinu? Da hab attannu wanppa uɗimi amu, da dahil dabmaknab awak dim lamidkkulnu ii uɗimi. Iitta. Da am laa, Nug da meiɗe uɗimi ele, da nuhig dabmaknab awak dim lamidkkulnu uɗimi.

Jon 5:30

Am da dakka dahil dabmakppa keeke laa hekkulnu elele iitta. Iitta. Da Mama toppanu nai aomi, amuppa da danab epeɗiadttem amunu, dahil epeɗiak am tutukku. Aɗinu? Da dakka dahil dabmak ii dim lamidttem. Iitta. Laa Nug da meiɗe uɗimi ele, Nug oo niitte amuib da dim lamidttem.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

Jon 8:29

Am laa Nug da meiɗe uɗimi ele, Nug da ele daattem. Nug da ii uuiɗe, dakka ii daattem. Aɗinu? Da haen oh keeke Nug oo niitte ele, da amu hettem,” awa aum.

Matyu 26:42

Jesus Nug anam ana, Nug eɗua ukka, baula unuqitta aum. “O Mama, da le kap imunu ii lakkulnu amu, na ib laa anidkkutnu elele iitta dayeb, na nahip dabmak aakkuib dim lamitte!” awa aum.

Matyu 10:25

Amu danab ag ippunittak danab, nuhigppa aɗi hekkulag amu, ag nuhikkud ippunittak awak danab, ag amu dilagppa ele anamib hekkulag. Aria, danab ag gumak danab, nuhigppa aɗi hekkulag amu, ag nuhikkud maɗi nid, amu dilagppa ele anamib hekkulag. Danab ag lag mamegnu, ‘Nug am ouɗi nau ikkilag,’ appig dayeb amu, geha nuhikkud lag laippu amu, ag ahilagnu onig amunu nau eɗittak, onilkad naunab akkulag.

Sam 69:20

Ag dahilnu, “Keeke hamunab,” doyegeg, da keeke laa hekkulnu elele iitta. Da oo doyak laala awaknu dabmemi, amge iittanab. Ao, da danab laa, da oo mak meɗakunu neegmi, amge laal iitta.

Jon 15:24

Da kobol danab hekkunu elele iitta, danab laa ii heum ele ahilagppa ii helom amu, ag hipuninnu aab iitta daalob, amge ag anadna, hamu bia doona, da amu da Mamel ele ag ihinihnu nau ninig ele dooppig.

Jon 15:10

Da Mamenu haknunab anak dim lamittette, nuhig oo mauhak ooppa daattem, amubia ag dahil haknunab dim lamidkkulag amu, ag haen oh dahil oo mauhak ooppa daaglag.

Matyu 26:39

Nug anam awowa, Nug nakok baula wana ukka, appa Nug laippun gateg qaun o, gomela, iɗu wanppa ma, unuqitta aum. “O Mama, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu da ii lapa, amge na dahil dabmaknab aottem ii dim lamidmana. Iitta. Na nahip dabmaknab aottem amuib dim lamidkkutnu ool daatte!” awa aum.

Matyu 27:44

Am yab danab naunab aɗit ad emaitakppa Jesus guguittak atulatppig, aa ele Jesus amegppa awa awa qettak nai madipiɗ.

Pilipai 2:5

Jesus Kristusnu dabmak bianab ahilagppa daakku am ena.