Prowerb 3:5 - Nobonob Baibel

⁵ Amu na meut ohppa Yawenu ootppa genab doye! Ao, na diignu doyak tutukku nahip aib anuqak dabmettanna oime.

Prowerb 3:5 Iomraidhean Croise

Esra 8:23

Da king oɗ medakkulnu uɗal neum amunu, ig ee ohnu kud meta daat, ig Kayak ibppa ehanikkunu unuqittut, Nug ig oɗenig doyom.

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Sam 37:3

Na Yawenu ootppa genab doonna, ena hee! Na wanppa daanna amu, na oo metta ii uuak kobol atognonana hee!

Sam 37:5

Na wanppa bau daan oikkutnu keeke oh Yawe ulum medakkunu Nug eppegppa mee! Na nuhignu ootppa genab dooppe, Nug na ehanittatta, inam hekku.

Sam 37:7

Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Prowerb 22:19

Da keeke imu gemu na, ge na ippunidttemnu diig am; na Yawenuib ootppa genab dookkutnu hettem.

Prowerb 23:4

Na en okkainab aɗakkutnu uɗat ge iitta aib heme; na amu hemananu na doyak dabmak ena ele aɗan, nagakka atognoitte!

Prowerb 28:26

Aun nug, “Da dakka dahil oiyak, dabmak, keeke oh atognokkulnu elele,” anana, amunu ooppa genab dootte ele, danab amu nug Kayak dab-ii-maama ii dim lamidtte ele; amge aun nug doyak dabmak ena ele dim lamidtte, Kayak Nug heeb, nug elele daakku.

Prowerb 3:7

Na nakka amu, “Da iikku, da doyak dabmak ena okkai ele daattem,” aib dabmeme. Iitta. Na Yawenu ebehin oh bodoetta le meeb, Nug dim lamidkkutnunab oinna, kobol eheɗ aib heme.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Jeremaia 10:23

O Yawe, da doottem, ig danab ig ikka, ig ihinig oiyaknu ulumnab ii aɗattem. Ao, ig aɗi aɗi ihinigppa bekku amu, ig amu ii gumattem.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Namba 9:20

Haen laala amu lombig nug mettid haknu peh lag igippa deɗ kuɗum ii dayom amunu, Yawe Nug lombigppa ag daaglagnunab ippuanatom bia, ag aben amuppa deɗ kuɗum ii daadppig. Amge Yawe Nug lombigppa ag gokkulagnunab ippuanatte, ag ahan godappig.

Namba 9:22

Haen lombig nug mettid haknu peh lag igippa deɗ aɗit, o iitta kalam laippu, o iitta maɗ laippu keeke daattom amu, Israel ag haen tutu dayaknu aab kalappig, ag aguppaib daadppig, ag ahan laih laa ii godappig. Amge haen lombig nug aha ukkom amu, ag ahan godappig.

Rom 12:16

Ag oh laippu daan, oolag maɗoɗ ele dayeg! Ag dada kobol aib dim lamidppig. Iitta. Ag danab binag okkai iitta ele oh oiyeg! Ag akka ahilagib dabmena, “Da dakka iikku doyak ena ele,” aib appig.

Epesus 1:12

Nug ig Kristusnu anuqta, nuhignu oonigppa genab doot Nug dim lamidttem amu, ig Kayak onig okkai humagnignu, ig binag amahlak oppiaawak ele nug mettagnignu tituanikkom.