Prowerb 21:3 - Nobonob Baibel

³ Danab nug Yawenu mana mettak hekku dayeb amu, amuam ena; amge danab nug kobol tutukku, amu nai doya mala hettoɗia epeɗia elele mettak kobol ele hette amu, amuam Yawenu neekkakppa enanag.

Prowerb 21:3 Iomraidhean Croise

Sam 40:7

Anam amunu, da ami. “Da iikku daattem. Dahilnu nahip nai buk itoɗiakppa yaak niitte bia amu, da uɗimi daattem.

Sam 50:8

Da ahilag mana mettaknu amu, da ii aladttem. Ao, da ag manaknu ofa hanhan main meɗattebnu amu, da amunu ag ii aladttem.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Hosea 6:6

Amunu diig am, da ag laanu oolag gai-iitta doon, oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem. Ao, ag da, Kayak, ag da genab dooiɗkkulagnu da anuqak doottem. Da ag manaknu ofa, da meɗaglagnu anuqak ii doottem,” awa atte.

Sekaraia 7:9

“Yawe Nukka Ɠagattag Oh Ele Nug inam atte. Ag nai doya mala hettoɗia epeɗia elele mettak kobolnu oo metta ii uuak doon hena, ag oo gai-iitta doya oo metta ehanittak kobol, ag oo bodoetta le mak kobol ele dim lamidna, anamib akka akka ahilagppa heig!

Mak 12:33

Amu na nuhignu na meut ohppa, nahip dabmak ohppa, nahip ɠagattag ohppa ele oot mauhkku, amu na nakka nahipnu oot mauhtte, amubia na laipad dilagnu oot mauhkku, keeke aɗit amu aa manaknu ofa oh, mana mettak laa oh ele eɗidttep,” awa aum.

1 Samuel 15:22

Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.