Prowerb 10:4 - Nobonob Baibel

⁴ Am na bahin iitta daan, uɗat ii hekkut dayeb, na daɗek daakkut; amge na yagbak doon uɗat hekkut dayeb, na keeke ele daakkut.

Prowerb 10:4 Iomraidhean Croise

Prowerb 21:5

Danab nug yagbak doya uɗat haaha, maittak tutukku awowa, nug keekenu elelenab daakku; amge danab nug maittak tutukku ii awowa, keeke paha paha hette amu, nug daɗek daakku.

Prowerb 20:4

Danab bahi iittanab ele nug haenppanab dad uɗat ii hette; amunu ee meu awak haenppa, nug ee meu laa ii anidtte.

Prowerb 19:15

Danab bahilag iitta ele, ag niiak huana hetteb; danab ag uɗat laa ii hetteb, ag am enug daaglag.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

Prowerb 20:13

Na daɗek daamnanu, na niiaknu aib oot mauhom; amge na amen obatak ele daan, uɗat hekkut dayeb amu, na ee lanaknu kuɗum ele daakkut.

Prowerb 19:24

Danab nug bahi iittanab, nug nuhig ee huɗubppa yaatte; amge nug bahi iittanab amunu, nug huma awa, oɗeppa nakok laa iinab inama!

Prowerb 12:24

Danab ag yagbak doon uɗat hetteb ele, ag am anuqak danab daaglag; amge danab ag bahilkad iitta ele, ag am begbeg maɗi nid daaglag.

Prowerb 11:24

Danab laa amu, nug laa ehanatta, nug nuhig keeke hamu madatte, me ⌊Kayak Nug danab amu ititte,⌋ nug keeke kuɗum baula ele nuhignu aotte; amge danab laa amu, nug laa ehanattaknu kobol daatte bia ii madatte, nug nuhig keeke aɗatte, me nug eɗua, daɗeknab daatte.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Eklisiastis 10:18

Danab nug bahi iitta, nug laug am babaittak iitta ele daatte. Ao, danab nug uɗat pehettak ii hette ele amu, gu nug laug ooppa notte.

Prowerb 10:5

Nid nug ee oɗue, awaknu daatte haenppa ee aotte amu, nug am mameg bekka doyak dabmak ena ele; amge nid nug ee oɗue, awaknu daatte haenppa niitte amu, nug mameg uɗa nak nau guittak ele medatte.

Prowerb 12:27

Danab bahi iitta ele nug doɗ laa lakkunu ii aotte; amge danab nug nuhig uɗat hekkunu yagbak doya uɗat hette amu, nug nuhig keekeppa ehanittak aotte.

Prowerb 18:9

Am laa nug nuhig uɗat mauhnoak, pehettak ii hette amu; nug am laa, nug keeke he nauhtte, nug nid amu amag bia aakku daatte.

Genesis 26:32

Ag ukkaegeg, Aisaknu maɗi nid ag uɗin, Aisak amegppa appig. “Ig le moɗ laa buuta, le anidmut,” aon appig.