Prowerb 1:4 - Nobonob Baibel

⁴ nug doyak ii awak ele daatte dayeb, nug eheɗ bemanu dabmak awa dabmak amu dim lamittak kobolnu doyak aokkunu, nid o nid ahin bau nug doyak, aria laanu neekkakppa nug dabmak eheɗ ii aomanu kobol ele aokkunu,

Prowerb 1:4 Iomraidhean Croise

Sam 116:6

Yawe Nug laa ag gai-iitta daatteb ehanadtte. Haen da uug kuɗum kukuatte daaiyi amu, Yawe Nug da ehaniɗe, da padal ii memi.

Sam 119:130

Nahip nai amu, danab ah ag doon, oolag maitte, am ag amahlak madatte. Ao, nahip nai danab ag doyak ii awak ele, am amu dilag diignu doyak tutukku madatte.

Sam 119:9

O Yawe, danab ah bau ag attem hena, ag oolag oppiak ele na noomppa daaglag? Ag nahip nai dim lamidkkulag, ib amuppaib ag oppiak ele daaglag.

Sam 19:7

Yawenu ɗo am ena eleleib; am danab ah ehanatte, ag bauklel daatteb. Yo, danab ah ag Yawenu ɗonu genab elele dooglagnu elele; ɗo amu ag heeg, danab ah ag doyak ii awak daatteb, ag doyak dabmak ena ele aon daatteb.

Sam 34:11

Dahilad nid naunau ag dona, nai dahil doyeg! Ge, da ag Yawenu ebehilag oh bodoetta le mekkunu ippunadkkul.

Prowerb 3:21

O bekkal, na hanhan epeɗia ha dabmak ena awak, aria oo maittak awaknu ehah eleppa oinna, dabmena autna awe! Na keeke aɗit amunu aibnab daut atiom!

Prowerb 8:12

Am da, Doyak Dabmak Ena Ele, da laa, amuam Eheɗ Bemanu Dabmak Awa Dabmak Amu Dim Lamittak, da nug ele i lag laippuppa daattep. Da doyak ena, amu laanu neekkakppa nug dabmak eheɗ ii aomanu kobol ele aɗalat-ttem.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Prowerb 8:32

Anam amu, aria, O da bekkalad, ag dahil nai doyeg; laa ag da ippul tappan oitteb amu, ag itittak ena aon malappig daatteb.

Prowerb 8:5

Ag laa ag doyak ii awak ele amu, ag ⌊dahilppanu⌋ eheɗ bemanu dabmak awa dabmak amu dim lamittak kobol doon aon oiyeg! Ao, ag laa ag dabmak tutukku iittappa keeke hetteb ele, ag diignu doyak tutukku aweg!

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Aisaia 35:8

Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.

Duteronomi 4:6

Ag tutukku doon dim lamidkkulag! Aɗinu? Amuam ag am doyak dabmak ena ele, diignu doyak tutukku ele ahilagppa daatte amu, am wanppan wan laala amu ippunadkku. Laa ag ɗo amunu doona amu, ag inam akkulag, “Israel wanppan danab ah ag am huu okkainab, ɠagattag ele; ag doyak dabmak ena okkai ele. Ag diignu doyak tutukku ele,” akkulag.

2 Timoti 2:22

Amu nid bau dilag dabmak eheɗ nahip dabmakppa beeb amu, na tabappe naɗ! Na kobol genab tutukku, ooppa genab doyak kobol, oo mauhak kobol, amu maɗoɗ kobol ele, laala ag oolag tutukku ele, ag kobol nau uun, kobol ena amu oh aɗan, Naɗi onigppa etteb ele amu, na ag hetteb amubia he!

Taitus 2:6

Amubia na danab bau ag ele akka ag ahilag oiyak pehettak atognoak kobolppa oiglagnu appe doyeg!