Prowerb 1:2 - Nobonob Baibel

² Solomon nug oiyak ehanittaknu nai tutu yaalattom amu, nug diig piɗe piɗenu yom. Amuam: danab nug doyak dabmak ena ele aokkunu, nug nuhig oiyak atognoa enaib oikkunu, nug nai unuqagnab daattenu meu, nug amu diignu doyak tutukku anidkkunu,

Prowerb 1:2 Iomraidhean Croise

Prowerb 15:33

Danab nug Yawenu ebehi oh bodoetta le mette amu, nug doyak dabmak ena ele aotte; amu nukka onig qe nak, amuam tatam dayeb, dimppa binag ele daakku.

Prowerb 16:16

Danab nug doyak dabmak ena ele aokku, amuam ena, am gol awak eɗidtte. Ao, danab nug diignu doyak tutukku, nug amu aokkun dabmekku, amuam ena, am silwa awak eɗidtte.

Prowerb 17:16

Danab nug Kayak dab-ii-maama ii dim lamidtte ele, nug men doɗo aɗakkunu am meu iitta; amunu diig am, nug doyak dabmak ena ele aokkunu nakok laa ii dabmette.

Prowerb 19:20

Na ulum nai ena doon aon, ippunittak nai ena ele aon aɗakkut dayeb; gog takppa na doyak dabmak ena ele daakkut.

Prowerb 2:9

Yawe amu hette amunu, ⌊na nuhigppa doyak dabmak ena aokkut dayeb,⌋ na geha kobol tutukku, nai doya mala hettoɗia epeɗia elele mettak kobol ele dookkut. Na geha aɗi ib am ena, na amu dookkut.

Prowerb 4:1

O bekkalad, da ag mamelag, ag dahil ippunittak nai doyeg! Ao, ag diignu doyak tutukku aoglagnu amu, ag daulag human, dahil nai doon, elele dabmetteg!

Prowerb 7:4

Na doyak dabmak ena elenu, “Na da appinal,” aon a! Ao, na diignu doyak tutukku amunu amu, na, “Da nug ele i tiinih laippu,” aon a!

Prowerb 8:33

Ag dahil ippunittak nai imu doona, ag doyak dabmak ena ele dim lamitteg; ag aib oolagppa uuak dooppig!

Prowerb 8:5

Ag laa ag doyak ii awak ele amu, ag ⌊dahilppanu⌋ eheɗ bemanu dabmak awa dabmak amu dim lamittak kobol doon aon oiyeg! Ao, ag laa ag dabmak tutukku iittappa keeke hetteb ele, ag diignu doyak tutukku aweg!