Prowerb 1:11 - Nobonob Baibel

¹¹ Ag inam akkulagtai. “Na doppe, ig ele, ig laa meidta daatta, qepput mauhaɗ! Ao, ig danab nug beɗuppa aab iitta, ig nug hamu qepput mauhaɗ!” akkulag.

Prowerb 1:11 Iomraidhean Croise

Sam 17:12

Ag am laion laa enug qak doya, doɗ laa qa lakkunu daatte amu, ag amubia daatteb. Yo, ag am laion bau laa lokkuma dayaya, doɗ laa qa lakkunu ameg ma daatte bia daatteb.

Sam 35:7

Da ahilagppa eheɗ laa ii hemi, amge ag pelem laa dahil meppig. Yo, da ahilagppa eheɗ laa ii hemi, amge ag moɗ laa, da amuppa nokkulnu buuppig amunu,

Sam 56:6

Ag qagmena, ag dahilppa eheɗ nau hekkulagnu mattiak aotteb. Ag eheɗ heiɗkkulagnu meiɗna daatteb. Da aɗi keeke hettem amu, ag neegna autna aotteb. Ag da iuglagnu hetteb.

Prowerb 1:16

Na ag ele oh ii gomananu diig am inam. Ag pahaettak hipunin hekkulagnu hetteb. Ao, ag laa qeppeg mauhkkunu oolag huana hette.

Prowerb 1:18

Hipunin danab ag aakku akka ahilkad pelem maadtteb. Ao, ag pelem maadtteb, ag amuppa nona mauhadkkulag.

Prowerb 12:6

Nau hak danab ag laa guittak madappeg mauhkkulagnu nai maditteb; amge genab tutukku hak danab ag laa uugppa daatteb, ag amu ehanadppeg, qagaiettakppa ii daamnanu nai maditteb.

Prowerb 24:15

Na nau hak danab nug laa eheɗ hedakkunu meitta daatte bia, na aib genab tutukku hak danab, nug baekkudppa ele eheɗ hadakkutnu maadna daame; na nuhig keeke yab aokkutnu nug laug aib loppaɗme.

Prowerb 29:24

Aun laa nug yab danab laa ehanitte yab hette, nug nugakka nuhig kekeɗ daatte; Nug hettoɗiakppa nai genab madikku dayeb, nug amunu bu aokku, me nug ii akku dayeb amu, Kayak Nug nug bu medakku.

Prowerb 30:14

Ag doɗ laa ag aelkad qep elab aeg hawaɗ ele bia, ag amubia daatteb. Ao, ag doɗ laa nug hippegppa qep qataqak daatteb, ag amubia daatteb. Ag doɗ nau amu ag lailkad aqaeg mauhtteb bia, ag daɗek danab eheɗ hadappeg, ag wanppa ii daamnanu hetteb. Ao, doɗ nau amu ag lailkad aqaeg mauhtteb bia, ag laa ag keekenu tutu mak daatteb eheɗ hadappeg, ag danab ah oolagppa baula ii daamnanu hetteb.

Jeremaia 11:19

Da sipsip gaiɗ manan, danab qeeb mauhak abenppa awa gotte, da sipsip amubia daami. Ag da iuppeg mauhkkulnu dabmena, ag, “Danab ad o qiie, ad amu ii daatte, meu ele ii otte, ig amubia Jeremaia, nuhigppa hepput, nug amubia dayaɗ!” anana, ag, “Danab ag Jeremaia onig baula dabmemananu, ig makkuɗpput, nug danab ah bau daatteb ele oolagppa aib dayom!” ele appig amu, da Yawe ii ippuniɗom haenppa amu, da amu ii doomi.

Jeremaia 5:26

Amu Yawe Nug inam awa atte. “Dahilad danab ah oolagppa nau hak danab daatteb. Ag ib giginppa keeke danab ah maadna daatteb. Danab amu ag danab ah aɗuadkkulagnu ag danab laa nug ai aokkunu uhui mette, ag amubia hetteb. Ao, ag danab ah aɗualadkkulagnu, danab doɗ aoglagnu pelem metteb bia hetteb.

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

Aposel 23:15

Ag anam ana amu, ag nai tuɗidna appig. “Ig anam amut amunu, ag amu Juda dilag hettoɗiak okkai onig Sanhidren, amunu danab ele ag gemu nai meppeg, ban daup ikki anuqak toppa ukkeb, nug Pol omala ag gumatta nekkunu oɗ mettaglag. Ag hambuppun inam aon amegppa aig! ‘Ig Pol nai maditte, nug tuɗitta mattiebeb, ig diignab doognignu oonig daatte!’ Ag anam appeg, nug omala neebeb ig bappaidta meidta daagnig amunu, Pol nug ag gumatta ii beebeb, ig geha nug qepput mauhkku,” aon appig.

Aposel 25:3

Ag yona, ag inam ele appig. “Na ig ehanigna, danab amu aon meppe, ippa Jerusalem uɗikkunu oɗ medattem,” ii daye daye oɗ medappig. Ag anam appig, amge diigppanab ag ib aɗan lokkumna daanna, Pol qeppeg mauhkku dabmeppig.