Prowerb 1:10 - Nobonob Baibel

¹⁰ Da bekkal, hipunin danab ag na eeɗidkkulag dayeb amu, na aib dim lamadna, ag atteb bia heme.

Prowerb 1:10 Iomraidhean Croise

Genesis 37:20

amunu, ig qepput mauheb, moɗ gamag naɗippa buɗipput ukkaɗ! Anam hewota, ig, ‘Doɗ dakkuɗ qe mauhom,’ aot mattignig. Ig anam hepput, tul niiak nuhignu meu am ii bema,” aon appig.

Sam 1:1

Danab aun laa nug danab laala ag nau hak danab daan oitteb ele, nug amu dilag ulum nai ii dim lamittatta, danab nug hipunin danab dilag hak ii haaha, danab nug awa awa qettak danab ele gadmak ii daatte amu, danab amu nug itittak ena awom daatte.

Sam 50:18

Haen na yab danab laa anidna amu, na nug ele layam batatep. Na danab ag laa waalkad ele niitteb amu, na amu dilag ele laippu daattem.

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Prowerb 16:29

Danab nug laa guittak nau mauhnoak medakkunu tiigppa daatte amu, nug mudippan laippu eeɗtte; nug eeɗa omale, layag aakku ib ena iittappa gotte.

Prowerb 20:19

Laa dimug nai maditte amu, nug nai ii mattimanu daatte ele aakku maditte; amunu danab aun nug nai ge iitta maditte ele, nuhignu awaidna daye!

Prowerb 24:2

Aɗinu? Ag laa guittak nau mauhnoak mattaglagnu maittak aotteb. Ao, mattiakppa ag laa uug mattaglagnu atteb.

Aisaia 33:15

Hipunin hak danab ag anam baɗan, uug doon oitteb, amge danab laa nug aben enanag, uug iittappa daakku, danab nug ɠagattag, enaib daakkunu padal mak eɗitteb ena dayaknu aben nuhigppa daakku amu, nug nuhig kobol am inam. Nug danab genab tutukku hak kobol dim lamitta oiyaya, nug nai tutukku, hambuppuak iitta maditte. Nug keeke lokkumakppa awaknu duttuna hak kobolppa men doɗo keeke ii aotte. Nug hettodiakppa lokkumakppa eheɗ haknu ehanittak aokkunu nai hambuppuak madikkunu, “Yo,” ii atte. Danab laa ag lailag laa qeppeg mauhkunu maditteb amu, nug nai amu doya, nug ehanittak madakkunu ii dabmette. Nug nau hekkunu dabmak nakok laa ii aotte. Danab nug anam hette ele, nug hanhan ee ele daakku. Nug le oug nuhig am iitta ii mema. Iitta.

Rom 16:18

Danab amu ag ihinig Naɗi Kristus waappa daan nuhig uɗat ii hetteb. Iitta. Ag am beɗulagnu dabmak nau amuib dim lamidtteb. Amu oo eeɗaknu nai ittag ele, ag amuppa danab ag kobol atten am ena, kobol atten am nau ii dootteb ele amu, ag buppualadtteb.

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

Duteronomi 13:8

Amu laa nug uɗia, anam akku dayeb, na aib nuhig dabmak dim lamidna anam heme. Na aib oɗe doome. Am nuhignu oo gai-iitta doya oo metta ehanittak kobol ele aib heme. Nuhig guppiɗ aib daame. Nug mauhmanu aib ehanidme.