Prowerb 1:1 - Nobonob Baibel

¹ Oiyak ehanittaknu nai tutu, Dawit bekka Solomon, Israel dilag king, nug yom am iikku.

Prowerb 1:1 Iomraidhean Croise

1 King 2:12

Anam amu, Dawit bekka Solomon nug abenabppa king ba dayom. Am Solomon nug king ɠagattag be, nug king daakkunu ehah am nug eppegppa ɠagattag dayom.

1 King 5:12

Am Yawe Nug Solomon amegppa nai ana qakkom bia, Nug doyak dabmak ena ele Solomon mettom, amunu Solomon, Hiram ele aa gamalahppa maɗoɗ ena dayom. King aɗit aa gamalahppa kekeɗ kobol laa ii daamanu, aa nug tituanya nai qagapiɗ.

1 Stori 22:9

Amge na bekkat, na menukkut amu, nug maɗoɗ danab, nug ban hak danab ii daama. Amu da heppi, kekeɗ nuhikkud ag taliliadna daatteb ele ag ahan, ban ii hemana. Nug onig Solomon daakku amunu, nug king dayebeb, da heppi, haen amuppa Israel danab ah ag maɗoɗ, ban hak iitta daaglag.

1 Stori 28:5

Anam ha, Yawe Nug da bekkalad kuɗum meɗom, amge Solomon Nug da dimulppa king abenab awa, king daakkunu Nug tituanom. Nug Yawenu danab ah, am Israel danab ah, nug ahilag king daakku.

1 Stori 29:23

Ag amu heppig amunu, Solomon nug Israel dilag sia kingppa dayaya, Yawenu danab ah gumadkkunu dayom. Nug mameg Dawit sia king amuppa daye, Solomon nug ou daya, sia king amuppa dayom. Nug king dayaya, kingnu uɗat heehe, keeke oh ena be, Israel oh ag nug oɗe dim lamidppig.

1 Stori 29:28

Nug anam king daye ukke mauhom amu, nug kainonab dayaya mauhom. Nug haen elab bau daya oiyaya mauhom. Nug en okkai ele, binag ele okkai ele. Nug mauhkkun heehe, nug bekka Solomon nug ou daya, king abennabppa ta dayom.

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Prowerb 22:21

Aun laa oɗ meeb, na nob genab medakkutnu amu; da doyak diig genabib, nai ena ele iikku ippunidttem.

Prowerb 25:1

Danab dilag oiyak ehanittaknu nai tutu laala ele Solomon yom amu, Juda dilag king Hesekaia, nuhig danab ag aon yaappig amu, nai amuam inam.

Eklisiastis 1:1

Dawit bekka nug Dawit mauhom dimppa Juda dilag king ba, Jerusalem appa king dayom. Nug king dayaya, nug ippunittak danab ele dayom, amu nai imuam nuhig nai.

Eklisiastis 12:9

Ippunittak danab nug nai imu yom amu, nug am doyak dabmak okkai ele, amge nug nukka amu aɗa, nugib ehanidkkunu ii heum. Iitta. Nug doyak amu danab ah dooglagnu ele ippuanattom. Nug dabmak okkainab awawa, nug oiyak ehanittaknu nai tutu elenu meu pehettak anidkkunu haaha, nug awa babaitta, listappa pehettak yom.

Jon 16:25

Da keeke danab ag dootteb ii dootteb ele ouaqate ippuanattette, keeke imu ohnu ag amelagppa mattimi, amge geha haen uɗieb, da baula ag amelagppa anam bia ii madipa. Iitta! Da nai miag matule, Mamenu madikkul.